HEBREOS 7:24 - Otomi

²⁴ Nu car Tzi Jesús, ya jin gui tu̱, cja̱ jin to pé i döjti cár cargo, siempre i pɛhtzi‑cá̱.

HEBREOS 7:24 ပူးပေါင်းရင်းမြစ်များ

SAN JUAN 12:34

Nu cʉ cja̱hni cʉ már ødejʉ bi da̱jtijʉ: ―I xijquije cʉ maestro cʉ xí nxöh cʉ Escritura, bbʉ xtu e̱h car Cristo ca da hñi̱x ca Ocja̱ pa da mandadoguije, guegue‑cá̱ da hmʉy göhtjo ʉr tiempo, jin da du̱. Nuquiguɛ, ncjahmʉ hnahño gri xijquije. Como guí xijquije i nesta da ddøti pʉ ña̱ ca hnar cjahni ca guí ma̱nguɛ, xpá bbɛjni hua jar jöy. Xijquije tzʉ, ¿to car cja̱hni‑ca̱?―

ROMANOS 6:9

Guejtjo, dí pa̱dijʉ, car Jesucristo bi du̱ hna veztjo. Digue bbʉ ya bi nantzi, cja̱ nuya, jim pé da du̱, como ya xí wengua jabʉ i tu̱ yʉ cja̱hni.

HEBREOS 13:8

Guejtjo gui mbe̱nijʉ cam Tzi Jmu̱jʉ Jesucristo, ja ncja nguá möx cʉ to mí tɛni ma̱hmɛto. Guejtjo i föxcöjʉ rá pa ya, cja̱ da segue da möxcöjʉ ncjadipʉ göhtjo ʉr pa.

HEBREOS 7:28

Car ley ca bi ttun cʉ cja̱hni israelita mí ma̱, to cʉ cja̱hni cʉ di tti̱tzi gá da̱möcja̱. Pe nu cʉ mí tti̱tzi, mí cja̱hnitjo‑cʉ, cja̱ mí øtitjojʉ ca rá nttzo ncja cʉ pé ddáa. Nubbʉ́, ca Ocja̱ pé bi hñi̱x cár Tzi Ttʉ pa dur da̱möcja̱. Cja̱ bbʉ mí hñi̱xi guegue‑ca̱, ca Ocja̱ bi cjatsjɛ ʉr testigo, bi dö cár palabra, ni jabʉ drí tjeh cár cargo car da̱möcja̱‑ca̱. Guegue‑ca̱ jin te i tu̱ ca drá nttzo, cja̱ xí cumpli göhtjo ca i ne car Tzi Ta ji̱tzi. Eso, xí cja ʉr da̱möcja̱ pa göhtjo ʉr tiempo.

APOCALIPSIS 1:18

Guejcö dí bbʉy. Dú tu̱, cja̱ pé dú jña̱ ʉm jña̱, cja̱ nuya dí bbʉy pa göhtjo cʉ cjeya cʉ ba e̱je̱. Nugö dí ca̱ yʉ ntsjogui pa gu xojqui cár goxtji car födi, pʉ jabʉ rí ma cʉ to i tu̱.