HEBREOS 3:7 - Otomi

⁷ Eso, gu ødejʉ ca i ma̱n car Tzi Espíritu Santo pʉ jar Escritura, como guejtjo i nzojquijʉ hne̱je̱: Nuquɛjʉ, bbʉ guí ødejʉ rá pa ya, ya xqui nzohquijʉ ca Ocja̱, Gui jñu̱hmpijʉ ndu̱mʉy, cja̱ gui dyøjtijʉ,

HEBREOS 3:7 ပူးပေါင်းရင်းမြစ်များ

SAN MATEO 17:5

Már ña̱di car Pedro, cja̱ bi hna ga̱h hnar gu̱y, már ndo nttaxi, bi gohmijʉ. Cja̱ bi ni̱gui hnar jña̱, mbí ña̱ pʉ mbo car gu̱y. Bi ma̱: ―Gue nʉm ttʉgö‑nʉ́, dí ma̱di. I pöjpigui nʉm tzi mʉy. Gui dyødejʉ ca i ma̱‑nʉ́.―

SAN MATEO 22:43

Cja̱ pé bi dyön car Jesús, bbʉ: ―Bbʉ da cja guegue ʉ́r mboxibbɛjto car Davíd, ¿ja ncja drí cja ʉ́r jmu̱‑ca̱ bbʉ́? Como guejtsjɛ car David i xifi ʉ́r jmu̱ pʉ jar Escritura. Gue cár Tzi Espíritu ca Ocja̱ bi möx car David bbʉ mí jñu̱x na̱r palabra‑ná̱ pʉ jar Escritura, i̱na̱:

SAN MARCOS 12:36

Como guejtsjɛ car David bi ña̱ pʉ jar salmo digue car hñøjø ca di hñi̱x ca Ocja̱ pa di mandado. Car Espíritu Santo bi möx car David, cja̱ nuca̱ bi ma̱ ncjahua: Car Tzi Ta ji̱tzi bi xih cam Tzi Jmu̱gö, bi hñi̱mbi: “Gui mi̱jcua jam jogui dyɛ gu mföxihui gu mandadohui, Hasta bbʉ xtá cjajpigö quir contra du e̱je̱, Da nda̱ndiña̱jmu̱ jer tzi huá, cja̱ nuquiguɛ, xquí mandadobi‑cʉ́.” Ncjapʉ ga ma̱n car salmo.

SAN JUAN 10:16

Guejtjo pé i bbʉh cʉ ddam dɛjti cʉ jí̱ bbe i cʉti nʉr gora nʉ dí xihquijʉ. Guejti‑cʉ, dí ne gu ma tziji hne̱je̱. Cʉ dɛjti‑cʉ, da dyøh bbʉ xtá nzofo. Ncjapʉ gu cuajti göhtjo cʉm dɛjti, pa da hnaadi cam partida, cja̱ nugö gu födi göhtjo‑cʉ.

SAN JUAN 10:27

Cʉ cja̱hni cʉm dɛjtigö i øh bbʉ dí nzofo. Dí meyagö‑cʉ, cja̱ i tɛngui.

SAN JUAN 10:3

Bbʉ ba e̱h car mödi, car portero i meya, cja̱ i xojquibi car goxtji. Cʉ dɛjti i øjtibi cár jña̱ car mödi. Diguebbʉ ya car mödi i nømbi cada hnaa cár tju̱ju̱ cʉ dɛjti, cja̱ ba pøh‑cʉ.

SAN JUAN 5:25

Dyøjma̱jʉ na̱r palabra na̱ gu xihquijʉ: Nugö, ʉ́r Ttʉgui ca Ocja̱. Ya xí nzʉj nʉr pa, ya xtú fʉh cam bbɛfi. Dí nzoj yʉ cja̱hni, como jin gui pɛhtzi‑yʉ́ car nzajqui ca jin da tjegue. Cʉ to da dyøh ca dí ma̱ngö, xtá ungö cár nzajqui.

HECHOS 1:16

―Nuquɛjʉ, cjua̱da̱, mí nesta di ncjajpi car Judas Iscariote ncja ngu̱ ga ma̱m pʉ jar Escritura, como guegue bi zix quí contra car Jesús pʉ jabʉ már bbʉh‑cá̱ cja̱ bi döjti jáy dyɛjʉ. Ya má yabbʉ car David bi ma̱ tema castigo di ttun car hñøjø ca di dö car Cristo. Car Espíritu Santo bi xifi ter bɛh ca̱ di ncja. Cja̱ nuya, ya xí ncumpli ca bi ma̱.

HECHOS 28:25

Bi weguejʉ cja̱ bi ntøxtijʉ bbʉ. Nubbʉ́, bi mʉdi bi mfontijʉ. Bbʉ ya xi mír ma di mfontijʉ nterojʉ, bi ma̱n car Pablo: ―Rá zö gá ma̱n car Espíritu Santo ja guí ncjaguɛjʉ. Gue car profeta Isaías bi nzoh cʉ ndom titajʉ cja̱ bi jñu̱x ya palabra‑ya jár libro ca bi dyøte. Car Espíritu Santo bi xifi te di ma̱, i̱na̱: Xí ma̱n ca Ocja̱, xí xijqui ncjahua:

HECHOS 8:29

Diguebbʉ ya, car Espíritu Santo bi xih car Felipe, bi hñi̱mbi: ―Gui cuati nʉ jar carro, cja̱ gui tɛni.―

HEBREOS 10:15

Guejti car tzi Espíritu Santo i xijcöjʉ, ya xí tjojqui ddadyo yʉm tzi mʉyjʉ. I nzojquijʉ por rá ngue car Escritura. I bbʉh ca hnar tzi parte car Escritura ca i xijcöjʉ ja ncja ga nu̱guijʉ ca Ocja̱ yʉ pa ya:

HEBREOS 3:13

Gui nzojtsjɛjʉ cada mpa, menta guí ødejʉ ga nzohquijʉ ca Ocja̱. Jin to da mbeni mbo ʉ́r mʉy, da hñi̱na̱, má̱s jin te da cja bbʉ da jiɛh ca rí hñe̱me̱ car Jesucristo.

HEBREOS 3:15

I ma̱m pʉ jar Escritura, i xijquijʉ ncjahua: Nuquɛjʉ, bbʉ guí ødejʉ rá pa ya, ya xqui nzohquijʉ ca Ocja̱, Gui jñu̱hmpijʉ ndu̱mʉy, cja̱ gui dyøjtijʉ, Jin gui cjajʉ me̱mʉy ncja ngu̱ qui ndor titajʉ. Nucʉ́, jin gá ne gá dyøjtijʉ.

HEBREOS 4:7

Guegue i yojpi i nzojcöjʉ rá pa ya, por rá ngue ca hnar palabra ca bi ma̱n ca ndor David, ya má yabbʉ. Nugö, ya xtú mbe̱mbiquijʉ te i ma̱n car tzi testo‑cá̱, i i̱na̱: Nuquɛjʉ, bbʉ guí ødejʉ rá pa ya, ga nzohquijʉ ca Ocja̱, Gui jñu̱hpijʉ ndu̱mʉy cja̱ gui dyøjtijʉ, Jin gui cjajʉ me̱mʉy. Bbʉ mí ma̱n yʉ palabra‑yʉ ca ndor David, ya xquí tjogui rá ngu̱ cjeya desde bbʉ mí du̱ cʉ cja̱hni cʉ xcuí bøm pʉ jar jöy Egipto pa drí zøti pʉ jabʉ xquí ma̱n ca Ocja̱. Cʉ cja̱hni‑cʉ, bú tu̱jʉ pʉ jabʉ jin to mí hña̱ni.

HEBREOS 9:8

Bbʉ mí sirvetjo ca bbɛto ʉr acuerdo, cʉ möcja̱ mí cʉtijʉ pʉ mbo car tabernáculo pa drí guatijʉ ca Ocja̱. Como rá ndo nttzu̱jpi ca Ocja̱, már nttzu̱jpi hne̱je̱ car tabernáculo, göhtjo co car bbɛfi ca mí øti pʉ cʉ möcja̱, cja̱ mí sirve pa di ccax cʉ cja̱hnitjo, pa jin di guatijʉ ca Ocja̱. Por rá ngue ca mí ttøti pʉ jar tabernáculo, i xijquijʉ car Tzi Espíritu Santo, jí̱ bbe mí jogui pa guegue‑cʉ́ di guatijʉ ca Ocja̱.

2 PEDRO 1:21

Como guejtsjɛ cʉ profeta jí̱ mí mbe̱ntsjɛ tema mfe̱ni di jñu̱tzi pa di ncja yʉ Escritura. Guegue‑cʉ mí tzu̱jʉ ca Ocja̱, cja̱ mí øjtijʉ ca mí xijmʉ. Eso, bi jñu̱xjʉ ca bi xijmʉ cár Tzi Espíritu ca Ocja̱.

APOCALIPSIS 3:20

Dyøjma̱jʉ ya, nugö dí bböjcua jar goxtji, dí nzohquitjojʉ. Ca to da dyøh ca dí ma̱ cja̱ da xojqui car goxtji, nugö, gu cʉti pʉ, gu tzibbe guegue, gu hmʉbbe.