EFESIOS 4:6 - Otomi

⁶ Guejtjo, hnaatjo ca Ocja̱ xí cjagui í ba̱jtziguijʉ, ʉm Tzi Tajʉ‑ca̱. Guegue xí dyøte göhtjo yʉ i bbʉy, cja̱ i mandadobi. I bbʉ mbo ʉm mʉyjʉ, göhtjoguigöjʉ, como ngu̱ xtá e̱me̱jʉ. I ddajquijʉ cár ttzɛdi cja̱ co ni quí mfe̱ni pa gu øtijʉ car bbɛfi ca i ne guegue.

EFESIOS 4:6 ပူးပေါင်းရင်းမြစ်များ

SAN MATEO 6:13

Gui nú̱guije tzʉ, pa jin da ttøjtiguije prueba rá pa ya, Cja̱ jin gui jiɛh ca Jin Gui Jo da da̱guije. Porque nuquiguɛ, guí mandado, rá nzɛhqui, cja̱ rí ntzöhui da tti̱zqui göhtjo ʉr tiempo. Ni jabʉ gu tzöyaje ca dár xöjtiquije. Da ncjapʉ, amén. Da ncjanʉ grí nzojmʉ ca Ocja̱.

SAN MATEO 6:9

Nuquiguɛjʉ, bbʉ guí nzojmʉ ca Ocja̱, cʉ palabra cʉ gui xijmʉ da ncjá ncja ngu̱ ya gu xihquijʉ ya. Gui hñi̱na̱jʉ: Nuquiguɛ, ʉm Tzi Taquije, guí bbʉh pʉ jar ji̱tzi, Dí i̱zquije gú Ocja̱‑guɛ,

SAN JUAN 14:23

Bi da̱h car Jesús, bi xifi: ―Car cja̱hni ca i negui, i øjti yʉ palabra yʉ dí ma̱. Cam Tzi Ta ji̱tzi da ne car cja̱hni‑ca̱. Nugö co cam Tzi Ta, gu cuatibbe car cja̱hni‑ca̱, gu hmʉpje guegue.

SAN JUAN 17:26

Nuyʉ, ya xtú xijmʉ ja guí ncjaguɛ, cja̱ gu segue gu u̱jti‑yʉ, pa más da ba̱dijʉ. Gu segue gu yojme yʉm cja̱hnihui yʉ xí hñemegui, pa da netsjɛjʉ, ncja ngu̱ gri negui, ʉm Tzi Taqui. Ncjapʉ da hmʉpjʉ rá zö, ncjahmʉ guejquitsjɛgö gri bbʉ mbo ʉ́r mʉyjʉ.―

SAN JUAN 20:17

Diguebbʉ ya car Jesús bi xifi: ―Dyo guí tza̱mbigui, como jim pe dí pøx pʉ jabʉ bí bbʉh cam Tzi Tagö. Nuquiguɛ, gui ma pʉ jabʉ rá bbʉh cʉm hñohui, cja̱ gui xijmʉ, nugö, ya xtrá pøxcö pʉ jabʉ bí bbʉh cam Tzi Tagö, gue quer Tzi Tajʉ hne̱je̱. Ya xtrá pøx pʉ jabʉ bí bbʉh ca Ocja̱ ca bú pɛnquigö, gue ca Ocja̱ ca xcú hñemejʉ hne̱je̱.―

ROMANOS 11:36

Ca Ocja̱ bi dyøte göhtjo yʉ i bbʉy, xí un cár nzajquijʉ. Guejtjo i mandado göhtjo te i ncja. Ya xí mbe̱ni te da cjajpi göhtjo, cja̱ ja ncja drí guadi. Xí dyøte göhtjo pa da tti̱htzibi guejtsjɛ guegue. Gu xöjtibijʉ göhtjo cʉ cjeya cʉ ba e̱je̱. Amén.

1 CORINTIOS 12:6

Dí göhtjojʉ, como ngu̱ dar yojmʉ ca Ocja̱, i ni̱gui cár ttzɛdi cja̱ co quí mfe̱ni guegue por rá ngue cam vidajʉ. Pe nde̱jma̱ i tzi mböh ca dí øtijʉ cja̱ co ca dí mbe̱nijʉ, cada hnaaguigöjʉ.

1 CORINTIOS 8:6

Pe nugöjʉ, ddatsjɛ ca Ocja̱ dí nzojmʉ, gue car Tzi Ta ji̱tzi. Guegue‑ca̱ bi mandado bi ttøte göhtjo yʉ i bbʉy. Cja̱ guejquitjogöjʉ hne̱je̱, xí ddajqui cam nzajquijʉ pa gu jonijʉ cja̱ gu xöjtibijʉ guegue. Ddatsjɛ hne̱je̱ cam Tzi Jmu̱jʉ Jesucristo ca dí i̱htzibijʉ. Guegue bi dyøte göhtjo yʉ dí cca̱htijʉ, cja̱ guejtjo bi cjagui í ba̱jtziguijʉ ca Ocja̱.

2 CORINTIOS 6:16

Jin di jogui bbʉ di tti̱htzibi cʉ cjá̱a̱ cʉ jin gui hña̱ni pʉ jár templo ca Ocja̱ ca ntjumʉy i bbʉy. Ncjapʉ hne̱je̱, jin gui tzö gui tɛnijʉ ca Ocja̱ cja̱ pé gui cuatijʉ cʉ ídolo. Porque nugöjʉ, ncjahmʉ ʉ́r temploguijʉ ca Ocja̱ ca ntjumʉy i bbʉy, como guegue‑ca̱ i bbʉ mbo ʉm tzi mʉyjʉ, ncja ngu̱ ga ma̱m pʉ jar Escritura. I ma̱ ncjahua car Tzi Ta ji̱tzi: Gu hmʉjcöbbe cʉm cja̱hni, gu yobbe‑cʉ, Gueguejʉ da xijqui ʉ́r Cja̱a̱‑guijʉ, da guajquijʉ, Cja̱ da cja ʉm cja̱hnigö‑cʉ́.

EFESIOS 1:21

Cja̱ nuya bí ju̱h pʉ ji̱tzi car Jesucristo, i mandadobi göhtjo cʉ i pɛhtzi quí cargo hua jar jöy, cja̱ co hne̱je̱ göhtjo cʉ ángele cʉ bí mandado pʉ ji̱tzi. Guegue i ta̱pi göhtjo cʉ ddaa cʉ i ja̱ í cargo, cja̱ co göhtjo cʉ i tti̱htzibi. Cja̱ bbʉ pé xta ttøte ddadyo nʉr mundo, guegue pé da mandado pʉ hne̱je̱.

EFESIOS 2:22

Guejtiquiguɛjʉ hne̱je̱, guí jñɛjmʉ cʉ dda me̱do cʉ da ñʉti jáy cjoti cár templo ca Ocja̱, como xcú cuatijʉ jár dyɛ car Jesucristo. Guí cjajʉ cár templo ca Ocja̱, como guegue i bbʉ mbo ir tzi mʉyjʉ por digue cár Tzi Espíritu.

EFESIOS 3:17

Guejtjo dí öjpi cam Tzi Tajʉ ji̱tzi da möxquijʉ, pa segue gui yojmʉ car Jesucristo, como ya xquí pa̱dijʉ, guegue‑ca̱ i bbʉ mbo í mʉy yʉ to xí hñe̱me̱, cja̱ i ddahquijʉ car ddadyo hmʉy ca guí pɛhtzijʉ ya. Cja̱ pé dí öjpi ca Ocja̱ da möxquijʉ pa gui nxödijʉ gui ma̱h quir mi̱nga̱‑hermanojʉ, göhtjo mbo ir mʉyjʉ.

EFESIOS 6:23

Guejnʉ dí negö, da hmʉy rá zö göhtjo cʉ hermano. Cam Tzi Tajʉ ji̱tzi, yojmi cam Tzi Jmu̱jʉ Jesucristo da möxquijʉ pa gui ma̱jtsjɛjʉ cja̱ gui segue gui hñemejʉ.

1 JUAN 3:24

Cʉ cja̱hni cʉ i øjtibi quí mandamiento ca Ocja̱, nucʉ́ i yojmʉ car Jesucristo, cja̱ guegue‑cá̱ i bbʉ mbo í mʉyjʉ. Dí pa̱dijʉ, i bbʉ mbo ʉm tzi mʉyjʉ car Jesucristo, como i xijquijʉ ncjapʉ car Espíritu Santo. Guegue car Jesús xpá mɛnquijʉ cár Tzi Espíritu, cja̱ dí yojmʉ‑cá̱.