EFESIOS 3:6 - Otomi

⁶ Gue na̱r ddadyo mfe̱ni‑na̱ xí tsjijquijʉ yʉ pa ya. Yʉ to da hñeme car Jesucristo, tanto cʉ jin gui judio, cja̱ co hne̱h cʉ judio, da cjajʉ í cja̱hni ca Ocja̱, cja̱ da ttun cʉ bendición cʉ mí ttuni jøntsjɛ cʉ judio má̱hmɛto. Dí göhtjojʉ, como ngu̱ xtá cuatijʉ car Jesucristo, dí cjajʉ cár cuerpo. Guejtjo dí göhtjojʉ gu nú̱jʉ car promesa ca bi tsjih cʉ cja̱hni judio má̱hmɛto, tzʉdi, gu nu̱jʉ car nzajqui ca jin da tjegue.

EFESIOS 3:6 ပူးပေါင်းရင်းမြစ်များ

1 CORINTIOS 12:12

Nʉm cuerpojʉ, i pɛhtzi rá ngu̱ parte, pe masque rá ngu parte, nde̱jma̱ göhtjo i cjajʉ hnatjo ʉm cuerpojʉ. Guejtjo hne̱je̱, i ncjadipʉ cár cuerpo car Cristo.

1 CORINTIOS 12:27

Nuquiguɛjʉ, guí hermanojʉ gár bbʉpjʉ pʉ Corinto, guí jñɛjmʉ hnar cuerpo, cja̱ göhtjoquiguɛjʉ í mɛjtiquijʉ car Cristo. Guejtjo, cada hnaaquiguɛjʉ i bbʉh quer bbɛfi pa gui mföxtsjɛjʉ cja̱ gui nu̱tsjɛjʉ.

GÁLATAS 3:14

Cja̱ nuya, ya xí jogui pa da ttun cʉ cja̱hnitjo cʉ jin gui judio car bendición ca bi ttun car Abraham bbʉ mí ma̱n ca Ocja̱ jin te mí tu̱. Yʉ judio co hne̱j yʉ cja̱hnitjo yʉ jin gui judio, parejo da ttun car nzajqui ca jin da tjegue, göhtjo yʉ to da hñeme cár Ttʉ ca Ocja̱ ncja ngu̱ gá hñeme ca Ocja̱ car Abraham. Cja̱ nuya, göhtjoguigöjʉ como ngu̱ xtá e̱me̱jʉ car Jesucristo, parejo xcá ttajquijʉ car Tzi Espíritu Santo, ncja ngu̱ gá promete ca Ocja̱ di mɛjnquigöjʉ‑ca̱.

GÁLATAS 5:24

Nu yʉ cja̱hni yʉ xí nguatijʉ jár dyɛ car Jesucristo, ya xqui pɛhtzijʉ hnar ddadyo hmʉy. Guebbʉ mí du̱ car Cristo pʉ jar ponti, ncjahmʉ bi du̱ pʉ hne̱je̱ ca bbɛto ʉm hmʉyjʉ ca ndí bbʉjcöjʉ, göhtjo co cʉ nttzomfe̱ni cʉ mí ɛguijʉ má̱hmɛto.

EFESIOS 3:3

Car Tzi Ta ji̱tzi xí u̱jtigui hnar mfe̱ni ca jí̱ mí fa̱ má̱hmɛto. Ya xtú xihquijʉ tengu̱ palabra digue ja i ncja car mfe̱ni‑ca̱.

EFESIOS 5:30

como dí cjajʉ ncja ngu̱ cár cuerpo guegue. Masque dí hnahñojʉ, cada hnaaguigöjʉ, guejtjo í mɛjtiguijʉ car Cristo, dí göhtjojʉ. Eso, ya jin dí bbʉjtsjɛjʉ, como rí hñe̱h car Cristo cam nzajquijʉ.

EFESIOS 5:7

Nuquɛjʉ ya, dyo guí tɛnijʉ cʉ cja̱hni cʉ i bbʉjtjo ncjapʉ.

COLOSENSES 2:19

Gueguejʉ ya xí wembijʉ car Cristo. Nugöjʉ, como ngu̱ dar e̱me̱jʉ car Cristo, dí bbʉpjʉ‑ca̱. Dí jñɛjmʉ cár cuerpo guegue, cja̱ guegue ncjahmʉ ʉm ña̱jʉ. Rí hñe̱h car Cristo cam nzajquijʉ cja̱ co cam ttzɛdijʉ, cja̱ bbʉ dí yojmʉ guegue, göhtjoguigöjʉ i cjagui dí zɛdijʉ cja̱ dí mföxjʉ pa gu hmʉpjʉ rá zö. Ca Ocja̱ i cjaguijʉ dí zɛdijʉ, ncja ngu̱ ga zɛj nʉm cuerpojʉ bbʉ rá zö ga hmʉy.

1 JUAN 1:3

Nugö, dúr testigo, dí xihquijʉ ja mí ncja guegue, pa gui hñemejʉ ncja ngu̱ dar e̱me̱göje. Nugöje, dí bbʉpje car Jesucristo cja̱ co guejti car Tzi Ta ji̱tzi. Dí xihquijʉ ja i ncja car Jesucristo, pa guejtiquɛjʉ, gui hmʉpjʉ car Tzi Ta ji̱tzi cja̱ co cár Ttʉ, gue car Jesucristo. Nubbʉ́, da hnaadi cam mfe̱nijʉ, dí göhtjojʉ, cja̱ gu ntzixijʉ.

1 JUAN 2:25

Guegue car Jesucristo xí dö cár palabra, da ddajquijʉ car nzajqui ca jin da tjegue, göhtjoguigöjʉ como ngu̱ xtá e̱me̱tjojʉ.