APOCALIPSIS 19:8 - Otomi

⁸ Como xí ttun cár da̱jtu̱jʉ ʉr tzi fino cja̱ rá tzi nttaxi, cja̱ xí jiejʉ. Da ncjapʉ drí ni̱gui göhtjo quí cja̱hni ca Ocja̱ cʉ xí hñeme car Jesucristo Cja̱ xí hñojʉ rá zö pʉ jár hñu̱ ca Ocja̱.

APOCALIPSIS 19:8 ပူးပေါင်းရင်းမြစ်များ

SAN MATEO 17:2

Yʉ jñu̱ yí möxte‑yʉ, már cca̱htijʉ car Jesús, cja̱ bi mböh cár cara, hnahño mír ni̱gui. Mí juɛtzi ncja nʉr jiadi. Guejti quí da̱jtu̱ már tzi nttaxi ncja nʉr jiahtzi.

SAN MATEO 22:12

Nubbʉ́, car rey bi nzoh car hñøjø‑ca̱ bbʉ, bi hñi̱mbi: “Nuquɛ, ñø, ¿ja ncja xquí cʉjquɛ hua, cja̱ jí̱ xcuá tjejtiqui da̱jtu̱ gá mbaxcjua?” Cja̱ guegue ya, bi jø gogu̱.

SAN MARCOS 9:3

Mí juɛx quí da̱jtu̱ már tzi nttaxi, ncja ngu̱ yʉ xicja. Jin gui bbʉh hnar cja̱hni hua jar jöy di pa̱di di cjajpi cʉ da̱jtu̱ drá ndo nttaxi pa di ni̱gui ncjapʉ.

SAN LUCAS 24:4

Cja̱ bi ndo hño í mʉyjʉ, ¿toca̱ xquí du̱x‑ca̱? Diguebbʉ ya, bi hna ni̱guitjo yojo cʉ hñøjø, mí ndo juɛx quí da̱jtu̱ már tzi nttaxi.

HECHOS 1:10

Már nøhtzitjojʉ pʉ jar ji̱tzi quí möxte, cja̱ bi hna ni̱gui pʉ yojo hñøjø, nxøgue ttaxi da̱tu̱ mí jehui, mír hmöh hnanguadi cʉ once apóstole.

ROMANOS 13:14

Eso, dí nzohquijʉ ya, pa gui jiɛjmʉ göhtjo cʉ cosa rá nttzo cʉ nguí øtijʉ má̱hmɛto. Bbʉ ba e̱h quir mfe̱nijʉ rá nttzo, ncjá cʉ mí ɛquijʉ má̱hmɛto, jin gui cjajpijʉ ncaso. Gui nxödijʉ gui hmʉpjʉ car ddadyo hmʉy ca xí ddajquijʉ car Jesucristo.

ROMANOS 3:22

Nuya, ya xtí pa̱dijʉ, göhtjo yʉ to da guatijʉ car Jesucristo pa da ccʉhtzibijʉ ca i tu̱jʉ, da jogui drí guatijʉ car Tzi Ta ji̱tzi. Guegue‑ca̱ da nu̱guijʉ parejo, dí göhtjojʉ, yʉ judio cja̱ co guejti yʉ cja̱hni yʉ jin gui judio.

APOCALIPSIS 15:4

Dí göhtjoje dí i̱zquije ʉm Tzi Jmu̱quigöje. Dí göhtjoje dí xöjtiquije quer tzi tju̱ju̱. Guí ddatsjɛguɛ, jin gui bbʉh hnáa ncja ngu̱quiguɛ, rá tzi zöqui, cja̱ rá nttzu̱jpiqui. Ya xqui fa̱di, nuquiguɛ, gúr jogui nzöya, xcú dyøhtibi jujticia yʉ cja̱hni. Eso, da jionqui yʉ cja̱hni yʉ rí hñe̱jmʉ göhtjo tema nación. Du e̱jmʉ, da nda̱nequijʉ.

APOCALIPSIS 15:6

Cja̱ bi bøm pʉ jar templo pʉ ji̱tzi yojto ángele cʉ mbá ja̱ cʉ yojto castigo cʉ drí ga̱tzi. Mí je da̱jtu̱ már tzi fino, már nttaxi, hasta mí juɛtzi, cja̱ mí ngʉti ngʉti gá oro jáy bbøtzejʉ.

APOCALIPSIS 19:14

Már ngu̱ cʉ ángele mí tɛnijʉ car tøgue. Már ngu̱‑cʉ́, ncja hnar ejército, cja̱ mí jejʉ ttaxi da̱tu̱, már tzi limpio cja̱ már tzi zö. Guejti‑cʉ mí tøjmʉ ttaxi fani hne̱je̱.

APOCALIPSIS 3:18

Eso, dí xihquijʉ na̱r consejo‑na̱: I nesta gui tömbiguijʉ na̱r oro na̱ xtú wejqui pʉ jar tzibi, pa ntjumʉy gui jña̱jʉ ca rá zö. Guejtjo i nesta gui tömbiguijʉ da̱jtu̱ rá nttaxi pa gui jiejʉ, pa jin da ni̱gui quir cuerpojʉ. Cja̱ gui pɛhtzi ir tzöjʉ ca rí cca̱di ir ngøjʉ. Cja̱ pé i nesta gui coxjʉ hñi̱tji̱ quir döjʉ, pa da jogui gui cca̱htijʉ. Göhtjo‑ya guí nestajʉ‑ya.