APOCALIPSIS 14:7 - Otomi7 Mí ña̱ nzajqui, mí xih cʉ cja̱hni: ―Gui tzu̱jʉ ca Ocja̱, cja̱ gui hñemejʉ, rá nttzu̱jpi guegue, como ya xí nzøh car hora pa da cja ʉr nzöya. Gui nda̱nejʉ como guegue bi dyøti nʉr ji̱tzi co nʉr jöy, co yʉ mar, co yʉ pøtje pʉ jabʉ i pøh car deje.― အခန်းကိုကြည့်ပါ။ |
APOCALIPSIS 14:7
44 ပူးပေါင်းရင်းမြစ်များ
―Nuquɛjʉ, tada, ¿dyoca̱ guí nejʉ gui nda̱neguigöbbe? Guejquitjogöbbe, guejtjo dí cja̱hnitjobbe, ncjaquɛjʉ. Xtú e̱bbe hua pa gu nzohquijʉ, gu xihquijʉ gui jiɛjmʉ cʉ cjá̱a̱ cʉ jin te i ntju̱mʉy, cja̱ gui jionijʉ ca Ocja̱ ca ntju̱mʉy i bbʉy. Ddatsjɛ guegue Ocja̱. Ddatsjɛ guegue bi dyøti nʉr ji̱tzi co nʉr jöy cja̱ hne̱j yʉ mar, co göhtjo yʉ i bbʉy.
Xí ungui ʉr cuɛ cʉ nación, xí contraqui, Pe nuya, ya xí nzøh car pá pa gui cohtzibi cár castigojʉ. Ya xí nzøh car pá pa gui jña̱mpi ʉr huɛnda cʉ cja̱hni cʉ xí ndu̱. Cʉ profeta cʉ mí pɛjpiqui, co cʉ pé dda cja̱hni cʉ mí e̱me̱qui cja̱ mí i̱zquijʉ, Cada hnaa da ttun cár tja̱ja̱‑cʉ́, Ngu̱ cʉ cja̱hni cʉ mí bbʉ ʉ́r cargojʉ, Ngu̱ cʉ ddaa cʉ jin te mí bbʉ ʉ́r cargojʉ. Nu cʉ cja̱hni rá nttzo cʉ i ttzon nʉr mundo, ncjatica̱ gui cjajpi da du̱ ya‑cʉ.
Dí göhtjoje dí i̱zquije ʉm Tzi Jmu̱quigöje. Dí göhtjoje dí xöjtiquije quer tzi tju̱ju̱. Guí ddatsjɛguɛ, jin gui bbʉh hnáa ncja ngu̱quiguɛ, rá tzi zöqui, cja̱ rá nttzu̱jpiqui. Ya xqui fa̱di, nuquiguɛ, gúr jogui nzöya, xcú dyøhtibi jujticia yʉ cja̱hni. Eso, da jionqui yʉ cja̱hni yʉ rí hñe̱jmʉ göhtjo tema nación. Du e̱jmʉ, da nda̱nequijʉ.
Cʉ rey cʉ mí ntzixihui car bbɛjña̱‑cá̱, da hmöjti nʉ tzi yanʉ, drí jiantijʉ, pe jin da guatijʉ, pa jin da zʉh car castigo ca xí nzʉh‑cá̱. Da ma̱jmʉ: ―¡Ay! ¡Jiøjquitjojo nʉr ndo jñi̱ni Babilonia! Már tzi zö nʉr ciudad, cja̱ már ngu̱ cʉ mi̱ngu̱ pʉ cʉ mí ndo pɛhtzi cár cargojʉ. Nuya, xí hna nzʉh cár castigojʉ cja̱ xí hna mpundi cʉ mi̱ngu̱ pʉ.―
Cja̱ nuya, hna tiempotjo xí bbɛdi göhtjo cʉ riqueza cʉ mí pɛhtzi. ¡Tje xí mpu̱ni!― Guejti cʉ cja̱hni cʉ mí dyo jar mar pa di da̱jmʉ cár vida, bi ungui ʉr du̱mʉy. Tanto cʉ piloto cʉ i ɛ cʉ barco cja̱ co cʉ marinero cʉ i föx‑cʉ́, tanto cʉ cja̱hni cʉ i tøh cʉ barco pa da ddaxjʉ car mar, göhtjo‑cʉ́ bi hmöpjʉ yanʉ, bi jiantijʉ car ndo ciudad már zø.
Xní ma̱jmʉ ncjapʉ, xní dyʉxi jöy quí ña̱jʉ, pa di ni̱gui te tza mí u̱ngui ʉr du̱mʉy. Bi nzonijʉ cja̱ bi majmʉ nzajqui, bi hñi̱na̱jʉ: ―¡Ay! Jiøjquitjo nʉr ndo ciudad, már tzi zö. Guejtjo hne̱je̱ mí ndo rico cʉ mi̱ngu̱ pʉ, eso dú jmu̱ntzije domi rá ngu̱. Ndí ɛje yʉ barco, ndí tzojme pʉ jar jñi̱ni cʉ cosa cʉ ndá tu̱ jam barcoje, cja̱ ndá pöje pʉ. Cja̱ nuya, ya xí hna nzʉh cár castigo nʉr jñi̱ni. Hna tiempotjo, tje xí mpuni.― Ncjapʉ mír ma̱n cʉ cja̱hni cʉ mí ungui ʉr du̱mʉy por rá ngue car ndo ciudad Babilonia.
Nuquɛ Ocja̱, ʉm Tzi Jmu̱jquije, grí ntzöhui gu xöjtiquije cja̱ gu i̱zquije. Grí ntzöhui gui jña̱ quer cargo cja̱ gui mandadobi göhtjo yʉ te i bbʉy, Como guehquɛ gú dyøte göhtjo. Gú mbe̱ni güi dyøte, cja̱ bbʉ ngú mandado, nubbʉ, bi ni̱gui, Cja̱ i bbʉjti yʉ pa ya, por rá nguehquiguɛ, como segue guí ungui nzajqui.
ကြော်ငြာတွေ