APOCALIPSIS 14:17 - Otomi

¹⁷ Nubbʉ́, pé bi bøni pé hnar ángele pʉ jar templo ca bí bbʉh pʉ ji̱tzi. Guejti guegue mbá ja̱ hnar tsjattɛy rá njo.

APOCALIPSIS 14:17 ပူးပေါင်းရင်းမြစ်များ

APOCALIPSIS 11:19

Diguebbʉ ya, bú xoh pʉ ji̱tzi cár templo ca Ocja̱, cja̱ bi ni̱gui pʉ car caja rá nttzu̱jpi ca mí bbɛhtzi pʉ mbo. Mí tsjifi ʉr arca car caja‑ca̱. Cja̱ bi juɛx car rayo, bi jia hnar nda̱ji rá nzɛdi, bi ñʉntzi, cja̱ bi hñá̱n car jöy. Guejtjo bi ndo jiø ndoo.

APOCALIPSIS 14:16

Ma ya, ca hnáa ca mbí ju̱x pʉ jar gu̱y bi jña̱x cár tsjattɛy, bi xa cʉ ttɛy pʉ jar jöy cja̱ bi mɛhtzi‑cʉ́.

APOCALIPSIS 14:18

Cja̱ diguebbʉ ya, pé bi bøni pé hnar ángele, güí hñe̱ hnanguadi car altar. Guegue mí ja̱ cár cargo, mí föh car tzibi. Cja̱ bi mahti nzajqui ca hnar ángele ca mbá ja̱ car tsjattɛy, bi xifi: ―Nuya, gui ca̱h pʉ jar jöy, gui jña̱x nʉr tsjattɛy rá njo nʉ guí ja̱, gui ma grí tzɛjqui cʉ uva cʉ i tu̱ car ndo za gá uva, como ya xí nda̱.―

APOCALIPSIS 16:1

Diguebbʉ ya, dú øh hnar jña̱ rá nzɛdi, mbí ña̱ pʉ mbo car templo, mí xih cʉ yojto ángele: ―Nuya, gui möjmʉ, ma bú na̱hmijʉ yʉ yojto moji yʉ guí tjɛjʉ, pa da zʉh cʉ cja̱hni jar jöy cʉ castigo cʉ xí mbe̱n ca Ocja̱, como xí uni ʉr cuɛ guegue.―

APOCALIPSIS 16:17

Diguebbʉ ya car ángele ca rí cja yojto, bi ma bú na̱hmi cár moji nʉ jar ji̱tzi, xøtze nʉr jöy. Cja̱ bi ni̱gui hnar jña̱ rá nzɛdi, mbí ña̱ pʉ mbo car templo pʉ ji̱tzi. Güí hñe̱ jar trono pʉ jabʉ mí ju̱x ca Ocja̱. Bi ma̱: ―Ya xí nzʉh car castigo rí ga̱tzi.―