2 TIMOTEO 1:18 - Otomi

¹⁸ Guejtjo bi ndo möxqui car Onesíforo bbʉ ndár bbʉh pʉ jar jñi̱ni Efeso, ncja ngu̱ guí pa̱quɛ. Dí öjpi cam Tzi Jmu̱jʉ Jesucristo da nú̱ car cjua̱da̱‑ca̱ co cár tzi tti̱jqui, car pa bbʉ xta ttʉhtibi ʉr huɛnda yʉ cja̱hni.

2 TIMOTEO 1:18 ပူးပေါင်းရင်းမြစ်များ

SAN LUCAS 1:72

Guegue xquí ma̱, di jui̱jqui cʉ ndom titajʉ, cja̱ di mbe̱n car acuerdo ca xquí dyøtihui car Abraham.

SAN LUCAS 1:78

Xí ndo jui̱guijʉ car Tzi Ta ji̱tzi cja̱ xí ndo neguijʉ. Ncjahmʉ ya xpa jiahtzi hnar ddadyo mpá rá zö, como guegue xtu pɛjni cár tzi jiahtzi, pa da yoti mbo ʉm tzi mʉygöjʉ.

SAN LUCAS 8:3

Ca pé hnaa ya, múr Juana, múr bbɛjña̱ car Chuza. Nu car Chuza mí pɛhtzi cár cargo jar gobierno, mí pɛjpi car Herodes. Ca pé hnaa ya, múr Susana. Guejtjo már ngu̱jʉ cʉ pé dda bbɛjña̱ cʉ mí föxjʉ car Jesús. Gueguejʉ mí unijʉ car Jesús cja̱ co quí amigo cʉ mí tɛni ca te mí nesta‑cʉ́.

HECHOS 18:19

Bbʉ mí zøtijʉ pʉ jar jñi̱ni Efeso, pʉ jar jöy Asia, car Pablo bi zoh pʉ car Aquila co cár bbɛjña̱, cja̱ guegue bi ma pʉ jár templo cʉ judio. Bi ña̱hui cʉ judio már bbʉh pʉ, bi xijmʉ digue car Jesucristo.

HECHOS 18:21

Nubbʉ́, bi hñi̱h cʉ hermano, bi xijmʉ: ―Nde̱jma̱ i nesta gu ma pʉ Jerusalén, grí tzögö pʉ car mbaxcjua ya xta ncja. Ncjahmʉ pé xcuá coji, pé xtá cca̱jtiquijʉ bbʉ da ne ca Ocja̱.― Diguebbʉ ya bi bøm pʉ Efeso, bi tøh car barco, bi ddax car mar.

HECHOS 19:1

Bbʉ már bbʉjti pʉ Corinto car Apolos, car Pablo má tjoh pʉ jar jöy Frigia, má visita cʉ hermano. Ma ya, bi tjoh pʉ jabʉ mí cja ttøø, pé gá nzøti pʉ jar jñi̱ni Efeso. Nupʉ, pé bú ntjɛhui cʉ dda hermano már bbʉh pʉ.

1 CORINTIOS 1:8

Guejtsjɛ cam Tzi Tajʉ ji̱tzi xta möxquijʉ gui tɛnijʉ car Jesucristo hasta bbʉ xtrí tjej nʉr mundo, pa jin te gri ndu̱jpitejʉ bbʉ xta nzojnquijʉ ca Ocja̱.

1 CORINTIOS 16:8

Pe nuya, gu hmʉjti hua Efeso sta gue bbʉ xta jax car mbaxcjua gá Pentecostés.

1 CORINTIOS 3:13

Bbʉ xtu e̱h car pa bbʉ xta dyʉti ʉr huɛnda ca Ocja̱, nubbʉ́, xta ni̱gui ja i ncja cár bbɛfi göhtjo yʉ to xí pɛjpi. Da ttzøqui hnar tzibi, cja̱ da ttʉti pʉ ca te xí mɛfi cada hnar cja̱hni. Nubbʉ́, da ni̱gui, ¿cja̱ már zö nguá pɛjpi ca Ocja̱, cja huá ji̱na̱?

2 CORINTIOS 9:1

Ya jí̱ rí ntzöhui gu dé gu xihquijʉ digue car ofrenda ca da ttun cʉ hermano cʉ tzi probe, pe dí mbe̱mbiquitjojʉ.

EFESIOS 2:4

Nu car Tzi Ta ji̱tzi bi ndo jui̱guijʉ cja̱ bi neguijʉ, dí göhtjojʉ, cja̱ bi mbe̱ni di möxquijʉ göhtjo co cár tzi tti̱jqui.

1 TESALONICENSES 2:19

Nuquiguɛjʉ, dí mpöjcö bbʉ dí mbe̱nquijʉ, cja̱ dí tzi hñi̱xtsjɛ hne̱je̱, ncjahmʉ ʉm ba̱jtziquijʉ. Cja̱ dí tøhmi car pa bbʉ pé xtu e̱h cam Tzi Jmu̱jʉ Jesucristo, sa̱nta̱ gu döquijʉ jár tzi dyɛ, cja̱ guegue da xijqui xtú pɛjpi rá zö. Ca guí hñemejʉ bbʉ ndú nzohquijʉ, guehcá̱ da jñɛjmi cam tja̱ja̱gö. Guehcá̱ da pöjpigui nʉm tzi mʉy.

1 TIMOTEO 1:3

Bbʉ ndú pøm pʉ Efeso, pa gua e̱cua jar jöy Macedonia, dú xihqui güi cojquɛ pʉ pa güi xih cʉ dda cja̱hni, jin di u̱jti cʉ hermano cʉ dda mfe̱ni cʉ jin gui cierto.

2 TIMOTEO 1:12

Por rá ngue nʉr bbɛfi nʉ dí øhtibi ca Ocja̱, dí sufri. Pe jin dí pɛhtzi ʉm tzö ca rí cjojqui födi, como dí pa̱di, por rá ngue ca Ocja̱ dár sufri. Guejtjo, dí pa̱di to ʉ́r tzi dyɛ xtú cuati, cja̱ rá nzɛ guegue pa da mɛzqui rá zö, göhtjo co nʉr bbɛfi nʉ dí øhtibi guegue. Bbʉ pé xtu e̱h car Jesucristo, jin gu bbɛdi, guejtjo jin grá hmɛditjo ca xcrú pɛjpi‑ca̱.

2 TIMOTEO 1:16

Nu car hermano Onesíforo xpá hñe̱cua Roma, xí möxqui guegue. Ca Ocja̱ cam Tzi Tajʉ da ndo nu̱htibi cár familia car hermano‑ca̱, porque guegue car Onesíforo xí möxqui rá ngu̱ vez, cja̱ jí̱ mí pɛhtzi ʉ́r tzö drí hñe̱cua di cca̱jtigui hua jar födi.

2 TIMOTEO 1:17

Bbʉ mí zøcua jar ciudad Roma, bi ndo hño, bi jiongui hasta bbʉ mí döjqui.

2 TIMOTEO 4:12

Nu car Tíquico, xtú pɛjni pʉ jar ciudad Efeso.

2 TIMOTEO 4:8

Nuya, dí tøhmi car premio ca xí mɛzqui ca Ocja̱ pʉ jar ji̱tzi, como xtú øti ca rá zö. Nu cam Tzi Jmu̱jʉ, ʉr jogui nzöya‑ca̱, da ddajquijʉ cada hnaaguigöjʉ ca rí ntzöhui, según ca xtú øtijʉ. Jin gui jønguitsjɛgö da ddajqui hnam premio, sino göhtjo cʉ pé ddaa cʉ i ne guegue cja̱ i tøhmi car pa bbʉ pé xtu e̱je̱, guejti‑cʉ da un cár premiojʉ, hne̱je̱.

HEBREOS 6:10

Ca Ocja̱ i uni cada hnáa ca rí ntzöhui. Guegue bí janti ter bɛh ca̱ guí pɛjmʉ, cja̱ jin da da̱be̱ni ja ncja xcú ma̱h quir mi̱nga̱‑hermanojʉ. Como xcú föxjʉ co quer tzi tti̱jqui cʉ pe dda hermano cʉ i e̱me̱jʉ car Jesucristo. Cja̱ hasta rá pa ya, segue guí föxjʉ‑cʉ.

1 PEDRO 1:10

Quí jmandadero ca Ocja̱ cʉ mí bbʉ ya má yabbʉ, mí ma̱jmʉ, ya xi mbá e̱h car pa bbʉ di perdonaguijʉ ca Ocja̱, göhtjo co ni cár tzi tti̱jqui, cja̱ di gʉzquigöjʉ ca rá nttzo ca ndí tu̱jʉ. Mí ma̱jmʉ ncjapʉ cʉ profeta, pe jí̱ mí ntiendejʉ ja di ncja‑ca̱ o ncjahmʉ di ni̱gui. Mí ndo dyo quí mfe̱nijʉ, cja̱ mí hñöntsjɛjʉ ¿ja ncja drí ttajquijʉ car nzajqui ca jin da tjegue?

APOCALIPSIS 2:1

Cja̱ pé bi xijqui ca hnaa ca mí ña̱, i̱na̱: ―Nuya, gui dyøti hnar carta pa da cca̱hti car mensajero ca i nzoh cʉ hermano pʉ jar jñini Efeso. Da ma̱ ncjahua car carta: “Nugö, dí cʉ jam jogui dyɛ yʉ yojto tzø, cja̱ dí dyo madé yʉ yojto lámpara gá oro. Guejquigö dí nzohquijʉ.