2 PEDRO 3:13 - Otomi

¹³ Nugöjʉ dí pa̱dijʉ, cierto da ncja ca xí xijquijʉ ca Ocja̱, cja̱ guehca̱ dí tøhmijʉ‑ca̱. Guegue da dyøte ddadyo nʉr ji̱tzi co nʉr jöy, pa da hmʉh pʉ cʉ cja̱hni cʉ xtrú hñeme. Guegue‑cʉ da hmʉpjʉ hnar vida drá zö. Como jin da tjɛgui da hmʉh pʉ cʉ to di øti ca rá nttzo.

2 PEDRO 3:13 ပူးပေါင်းရင်းမြစ်များ

ROMANOS 8:21

Bbʉ xta ncja‑ca̱, da u̱jtjo yʉ cosa rá nttzo yʉ i bbʉjcua jar mundo yʉ pa ya. Da hmʉpjʉ rá zö cʉ zu̱we̱, ya jin da sufri, göhtjo co cʉ pé dda cosa cʉ dí cca̱htijʉ. Guejquitjogöjʉ, yí ba̱jtziguijʉ ca Ocja̱, gu hmʉpjʉ libre, ya jin gu nú̱jʉ ca rá nttzo. Gu ndo hmʉpjʉ rá zö, hasta gu jñɛjmʉ ca Ocja̱.

2 PEDRO 1:4

Como rá ndo nzɛdi guegue, guejtjo bi xijquije cʉ dda promesa rá nzɛdi cʉ i föxquije rá ngu̱. Hne̱hquiguɛjʉ, bbʉ xcú hñe̱me̱jʉ cʉ promesa‑cʉ, ca Ocja̱ xí ddahquijʉ hnar ddadyo hmʉy ca rí hñe̱ guegue. Ya jin da da̱hquijʉ cʉ nttzomfe̱ni cʉ i mandadobi yʉ cja̱hni yʉ jí̱ í ba̱jtzi ca Ocja̱. Nu cʉ cja̱hni‑cʉ, da bbɛdijʉ, como i tɛnijʉ nʉr mundo, cja̱ da mpuni göhtjo yʉ i cja hua.

APOCALIPSIS 21:1

Diguebbʉ ya, dú janti nʉr jöy cja̱ co nʉr ji̱tzi, xquí ttøte ddadyotjo, como ya xquí mpun car mundo ca mí bbʉ má̱hmɛto, cja̱ ya xi mí u̱jtjo car mar.

APOCALIPSIS 21:27

Jin da tjɛgui da ñʉti pʉ tema cosa drá nttzo. Guejtjo jin da ñʉti pʉ tema cja̱hni ca di øti ca rá nttzo, ncja ngu̱ cʉ cja̱hni cʉ i i̱htzibi ídolo o i øti ntjöti. Da hmʉjti pʉ jar jñi̱ni‑ca̱ jøña̱ cʉ cja̱hni cʉ i ju̱x quí tju̱ju̱ pʉ jár libro car Tzi Dɛti, gue cʉ cja̱hni cʉ xí ttun car nzajqui ca jin da tjegue.