2 JUAN 1:11 - Otomi

¹¹ Porque bbʉ gui xijmʉ ʉr hermano car cja̱hni‑cá̱, ncjahmʉ guí ne gui föxjʉ cár bbɛfi, hní̱, ʉr ntjötitjo car palabra ca ba ja̱.

2 JUAN 1:11 ပူးပေါင်းရင်းမြစ်များ

EFESIOS 5:11

Cja̱ jin gui ma gui mföxjʉ cʉ cja̱hni cʉ i øti ca rá nttzo, como nucʉ, i bbʉjtijʉ jar bbɛxu̱y. Mejor gui nzojmʉ, gui xijmʉ jin gui tzö ca i øtijʉ, xa̱jma̱ da ntzohmitsjɛjʉ, cja̱ da ne da guatijʉ jar jiahtzi.

1 TIMOTEO 5:22

Jin gui hna hñi̱xti hnar hermano pa da sirvebi ca Ocja̱, bbʉ jim be guí pa̱di, ¿cja rá zö cár vida? Bbʉ gui hñi̱xi hnaa ca jin di tzö cár vida, i tzʉdi ncjahmʉ guí ma̱nguɛ, rá zö ca i øti car cja̱hni‑ca̱. Cja̱ hne̱hquiguɛ, gui hmʉjquɛ rá zö, pa jin te gui tu̱guɛ, hne̱je̱.

HEBREOS 5:13

Yʉ cja̱hni yʉ ya xí ttu̱jti nʉ́r palabra ca Ocja̱, cja̱ pé i nejʉ da ttu̱jti nxøgue palabra jin tza i ntji̱, jí̱ bbe i pa̱dijʉ ja ncja gu hmʉpjʉ pa da tzøh ca Ocja̱, cja̱ co ter bɛh ca̱ i nesta gu jɛjmʉ ya. I jñɛjmʉ hnar tzi ba̱jtzi ca i tzʉtjo cja̱ jí̱ bbe i cja ʉ́r mʉy.

JUDAS 1:23

Nu cʉ pé ddaa cʉ ya xí tjöti, gui xijmʉ, ya xní ma da bbɛdijʉ. Cja̱ gui nzojmʉ pa pé du coji, da dɛnijʉ cár hñu̱ ca Ocja̱. Nucʉ́, I jñɛjmʉ hnar za ca ya xí ndɛ. Cja̱ cʉ pé ddaa ya, cʉ xí ungui ʉ́r mʉyjʉ xí ndo ndɛnijʉ cʉ mɛtjri maestro, gui jui̱jquijʉ‑cʉ hne̱je̱, cja̱ guejti‑cʉ gui nzojmʉ, xa̱jma̱ da ne da dyødejʉ. Pe gui jña̱jʉ ʉr huɛnda, pa jin da jiöhquijʉ pa gui dyøtijʉ cosa rá nttzo hne̱je̱, como rá ndo nttzo ga hmʉ guegue‑cʉ.

APOCALIPSIS 18:4

Diguebbʉ ya pé dú øjcö pé hnar jña̱, mbí ña̱ pʉ ji̱tzi, mír ma̱: ―Nuquiguɛjʉ, göhtjo yʉ cja̱hni yʉ xí hñemejʉ ca Ocja̱, gui pønijʉ ya jar ndo jñi̱ni, pa jin gui mföxjʉ cʉ mi̱ngu̱ pʉ drí dyøtijʉ ca rá nttzo, cja̱ pa jin da zʉhquijʉ quí castigo cʉ xtu bbɛmpi cʉ cja̱hni‑cʉ.