13 Göhtjo cʉ hermano cʉ i bbʉjcua, i pɛnquijʉ nzɛngua.
Nuquɛjʉ, bbʉ guí zɛnguajʉ jøña̱ quir parientejʉ, ¿ter bɛh ca̱ guí øtijʉ ca rá zö? Guejti cʉ cja̱hni cʉ jin gui meya ca Ocja̱ i zɛngua quí parientejʉ.
Guí göhtjojʉ gui nzɛnguajʉ cor tti̱jqui. Göhtjo cʉ hermano cʉ xí hñeme car Jesucristo cja̱ rá bbʉ hnahño jñi̱ni, göhtjo pʉ jabʉ rá bbʉ templo, i pɛnquijʉ nzɛngua.
Gui zɛnguajʉ tzʉ göhtjo cʉ i pɛhtzi cargo pʉ jar templo, co göhtjo cʉ pé dda hermano cʉ i e̱me̱jʉ car Tzi Jesucristo. Cja̱ nu yʉ hermano mi̱ngu̱ Italia yʉ i bbʉjcua i pɛjnquijʉ nzɛngua hne̱je̱.
Yʉ cjua̱da̱ yʉ i bbʉjcua nʉr lugar hua jabʉ i tsjifi Babilonia i pɛnquijʉ nzɛngua. Nuyʉ́, xí juajni ca Ocja̱ cja̱ xí cjajpi í mɛjti, ncja ngu̱quiguɛjʉ. Guejti nʉr Marcos i pɛnquijʉ nzɛngua, hne̱je̱. Dí xifi ʉm ttʉgö‑nʉ́.
I pɛnquijʉ nzɛngua quí ba̱jtzi quer cjujuɛ. Guejti guegue‑cá̱ ʉ́r ba̱jtzi ca Ocja̱ ca xí juajni. I ttzɛdi hua na̱r carta‑ná̱.
Como ya xtí ne gu ma pʉ jabʉ gár bbʉy, gu ncca̱htihui, cja̱ nubbʉ́, xtá xihquitsjɛgö cʉ dí mbe̱ni.
