1 TESALONICENSES 3:1 - Otomi

^1-2 Diguebbʉ ya, bbʉ ya xquí tzi cja mpa ca xtá pøngö pʉ, cja̱ jin te ndí ødebbe diguehquɛjʉ, ya jin dá jöti pé gua tøhmi di zø tema razón. Cjuá ndí ne gua pa̱di te ngár pɛjmʉ. Eso, dú mbe̱ni dú cu̱h car Timoteo, bi ma bú cca̱jtiquijʉ, cja̱ nugö dú tøhmitsjɛ pʉ Atenas, masque ndí ndo ne gua matsjɛ pʉ jabʉ gár bbʉpjʉ. Car tzi hermano Timoteo mí föxquigö ca ndár pɛjpi ca Ocja̱, ndí tʉnguibbe car tzi ddadyo jña̱, ndí xibbe cʉ cja̱hni ja i ncja car Jesucristo. Ncjapʉ dá cu̱h car Timoteo pa di jojtiquijʉ quir tzi mʉyjʉ cja̱ pa di nzohquijʉ, segue güi hñemejʉ.

1 TESALONICENSES 3:1 ပူးပေါင်းရင်းမြစ်များ

HECHOS 17:15

Cʉ cjua̱da̱ cʉ xquí mɛhui car Pablo bi dexijʉ car barco hne̱je̱, gá nzøtijʉ pʉ Atenas, bi ma bú tzoguijʉ pʉ. Diguebbʉ ya, guegue‑cʉ́ bi ma gá ngojmʉ pʉ Berea. Nu car Pablo bi mɛmpi ʉr jña̱ car Silas co ni car Timoteo, bi dyöjpi di hñe̱jmi tzʉ nttzɛdi pʉ jabʉ már bbʉ guegue, pʉ Atenas.

HECHOS 17:16

Bi døhmi car Pablo tengu̱ mpa pʉ jar jñi̱ni Atenas. Menta már tøhmi di hñe̱h cʉ yojo, mí dyo jar jñi̱ni, mí cca̱hti ter bɛh ca̱ mí bbʉh pʉ. Cja̱ bi ndo ungui ʉr du̱mʉy por rá ngue cʉ ídolo már ngu̱ mí i̱htzibijʉ cʉ mi̱ngu̱ pʉ.

2 CORINTIOS 2:13

Pe jin gá conforme nʉm tzi mʉy gua dé pʉ, gua u̱jti cʉ cja̱hni, como jin dá ntjɛbbe car cjua̱da̱ Tito, ncja ngu̱ xtá ña̱bbe. Eso, jin dá dé pʉ, dú hñi̱jcö cʉ hermano, cja̱ dú ddatzi dá e̱jcua jar jöy Macedonia.

1 TESALONICENSES 2:17

Nuquiguɛjʉ cjua̱da̱, bbʉ ya xquí tzi cja mpa ca xtá weguejʉ, ndí ndo mbe̱nquijʉ, cja̱ ndí jonquijʉ. Ndí ndo ne pé gua ncca̱htijʉ pa pé gua ña̱jʉ. Masque ya xtá pøngö pʉ jabʉ grá bbʉpjʉ, ncjahmʉ nguí bbʉjtijʉ jam tzi mʉygö.

1 TESALONICENSES 3:5

Diguebbʉ ya, bbʉ ndú øde, ya xi ngár sufrijʉ pʉ, dú ndo mbe̱nquijʉ, ndí ndo ne gua pa̱di ¿cja nguí e̱me̱tjojʉ? Eso, dú pɛjni cam cjua̱da̱jʉ Timoteo pa pé di jña̱nqui razón. Como ndí ntzu̱, ¿xi bbʉ ya xtrú jiöhquijʉ ca Jin Gui Jo cja̱ ya xcrú jiɛjmʉ ca xquí hñemejʉ car Jesucristo? Ndí tzu̱gö, má̱s xquí bbɛh cam bbɛfi, tzʉdi, ca xtá xihquijʉ cár palabra ca Ocja̱.