1 JUAN 4:15 - Otomi

¹⁵ Yʉ cja̱hni yʉ i ma̱n ca ncjua̱ni digue car Jesús, i ma̱jmʉ, mero múr Ttʉ ca Ocja̱ guegue. I yojmʉ ca Ocja̱ cʉ cja̱hni‑cʉ́, cja̱ i pɛhtzi mbo í mʉyjʉ car ddadyo nzajqui ca rí hñe̱h ca Ocja̱.

1 JUAN 4:15 ပူးပေါင်းရင်းမြစ်များ

SAN MATEO 10:32

Car cja̱hni ca da xih cʉ pé ddáa, i e̱me̱gui, guejtigö xtá xih cam Tzi Ta ca bí bbʉ ji̱tzi, ʉm mɛjtigö car cja̱hni‑cá̱.

SAN LUCAS 12:8

Dí xihquijʉ ya, ca to jin da mɛhtzi ʉ́r tzö drí xij yʉ cja̱hni i tɛnguigö, bbʉ xta bböj yʉ cja̱hni delante quí anxe cam Tzi Ta, guejtigö, gu ma̱ngö, ʉm cja̱hnigö‑ca̱, xí ndɛnguigö. Nugö dúr cja̱hni, xpá bbɛnqui hua jar jöy.

SAN JUAN 6:56

Ca to da zi nʉm cuerpo cja̱ co cam cji, nucá̱ da ttun cár nzajqui‑ca̱, cja̱ gu yobbe guegue. Por rá nguehca̱ dár yobbe, da mɛhtzi car nzajqui ca rí hñe̱ ji̱tzi.

HECHOS 8:37

Car Felipe bi xifi: ―Bbʉ guí e̱me̱ göhtjo mbo ir mʉy, dyo ya ca̱, da jogui.― Cja̱ guegue bi da̱di: ―Cierto dí e̱me̱ ʉ́r Ttʉ ca Ocja̱ car Jesucristo,― bi ma̱n ncjapʉ car tesorero.

ROMANOS 10:9

Bbʉ guí e̱me̱ göhtjo mbo ir mʉy, bi du̱ car Jesucristo pa gá ngu̱ti ca rá nttzo ca xcú dyøte, cja̱ pé bi nantzi pa gui pa̱di, ya jin te guí tu̱, nubbʉ́, da gʉzqui ca rá nttzo ca xcú dyøte. I nesta gui hñe̱me̱ ncjapʉ cja̱ guejtjo gui xij yʉ pé dda cja̱hni to quer Tzi Jmu̱ guí e̱me̱.

FILIPENSES 2:11

Göhtjo da hñi̱htzibijʉ guegue cja̱ da xijmʉ ʉm Tzi Jmu̱göjʉ car Jesucristo. Bbʉ xta ncja‑ca̱, guejti cam Tzi Tajʉ ji̱tzi da tsjöjtibi cja̱ da tti̱htzibi hne̱je̱.

1 JUAN 2:23

Göhtjo cʉ cja̱hni cʉ i ma̱jmʉ, jí̱ múr Ttʉ ca Ocja̱ car Jesucristo, nucʉ́, jin gui yojmʉ car Tzi Ta ji̱tzi. Nu car cja̱hni ca i ma̱, cierto múr Ttʉ ca Ocja̱ car Jesucristo, guegue i yojmi car Tzi Ta ji̱tzi hne̱je̱.

1 JUAN 2:24

Nuquɛjʉ, gui segue gui hñe̱me̱jʉ car palabra ca xí tsjihquijʉ desde ʉ́r mʉdi, pa jin to da zixquijʉ hnanguadi. Bbʉ jin gui jiɛjmʉ car palabra‑cá̱, nubbʉ́, xquí segue gui yojmʉ cár Tzi Ttʉ ca Ocja̱, cja̱ guejti cam Tzi Tajʉ ji̱tzi xquí yojmʉ hne̱je̱.

1 JUAN 3:23

Gue na̱r mandamiento‑ná̱ xí ddajquijʉ ca Ocja̱, gu e̱me̱jʉ cár Tzi Ttʉ, gue car Jesucristo, göhtjo mbo ʉm tzi mʉyjʉ, cja̱ gu ma̱jtsjɛjʉ, ncja ngu̱ gá xijquijʉ car Cristo.

1 JUAN 3:24

Cʉ cja̱hni cʉ i øjtibi quí mandamiento ca Ocja̱, nucʉ́ i yojmʉ car Jesucristo, cja̱ guegue‑cá̱ i bbʉ mbo í mʉyjʉ. Dí pa̱dijʉ, i bbʉ mbo ʉm tzi mʉyjʉ car Jesucristo, como i xijquijʉ ncjapʉ car Espíritu Santo. Guegue car Jesús xpá mɛnquijʉ cár Tzi Espíritu, cja̱ dí yojmʉ‑cá̱.

1 JUAN 4:12

Desde bbʉ mí mʉj nʉr mundo, jin to i cca̱hti car Tzi Ta ji̱tzi. Bbʉ dí ma̱jtsjɛjʉ, nubbʉ́, dí yojmʉ ca Ocja̱ göhtjo ʉr tiempo cja̱ jin dí wembijʉ‑cá̱. Nubbʉ́, i mandadoguijʉ cár jma̱jte ca Ocja̱, cja̱ dí bbʉpjʉ ncja ngu̱ ga tzøh‑cá̱.

1 JUAN 4:2

Pa gui pa̱dijʉ ja grí meyajʉ, ¿to cʉ cja̱hni cʉ i yojmi cár Espíritu ca Ocja̱ cja̱ i ma̱ngui palabra guá hñe̱h‑cá̱? gue cʉ cja̱hni cʉ i ma̱jmʉ, car Tzi Ta ji̱tzi bú pɛjni car Jesús hua jar mundo, cja̱ guegue‑cá̱ mero múr Ttʉ ca Ocja̱. Gue nʉr palabra‑nʉ́ rí hñe̱h car Espíritu Santo.

1 JUAN 5:1

Í ba̱jtzi ca Ocja̱ göhtjo yʉ cja̱hni yʉ i e̱me̱, cierto ʉ́r Ttʉ ca Ocja̱ car Jesús, cja̱ bú bbɛjni hua jar mundo pa gá ddajquijʉ car nzajqui ca jin da tjegue. Göhtjo yʉ cja̱hni yʉ i ne car Tzi Ta ji̱tzi, guejtjo i ne yʉ pé dda cja̱hni yí ba̱jtzi‑cá̱.

1 JUAN 5:5

Nu cʉ cja̱hni cʉ jin gui e̱me̱, i hna̱jpi por rá ngue yʉ i cja hua jar mundo. Jøña̱ yʉ cja̱hni yʉ i e̱me̱ car Jesucristo, guegue ʉ́r Ttʉ ca Ocja̱, i segue i tɛni‑yʉ́, masque da ncja ca te da ncja hua jar mundo.

2 JUAN 1:7

Nuquiguɛjʉ, hermano, ya xná ngu̱ jiöjte i dyo hua jar mundo, i xih cʉ pé dda cja̱hni, i ndo ntju̱mʉy car palabra ca ba ja̱ guegue‑cʉ́, nu car palabra ca dí tɛnijʉ, jin gui ntju̱mʉy. Cja̱ pé i ma̱n‑cʉ́, car Jesús ca dí e̱me̱jʉ, múr hñøjøtjo. Jí̱ xcuí hñe̱ ji̱tzi, cja̱ jí̱ mí gue car Cristo, como jí̱ xcuí mɛjni car Tzi Ta ji̱tzi. Ncjapʉ ga ma̱n cʉ jiöjte‑cʉ́.