1 CORINTIOS 7:31 - Otomi

³¹ Bbʉ guí tzi ja̱ hua jar mundo, dyo guí ndo ungui ir mʉy gui pɛhtzitjo, porque xta mpuni göhtjo yʉ dí cca̱htijʉ hua.

1 CORINTIOS 7:31 ပူးပေါင်းရင်းမြစ်များ

SAN LUCAS 21:34

Gui mbe̱nijʉ, cierto da ncja yʉ cosa yʉ xtú xihquijʉ, cja̱ gui hmʉpjʉ listo. Jin da ma ir mʉyjʉ yʉ te i cja hua jar jöy. Jin gui nti̱jʉ, cja̱ jin gui teti quir fuerzajʉ co cʉ cosa cʉ da tjojtjo. Bbʉ gui dyøtijʉ ncjapʉ, gui hñojʉ peligro, certa da hna zʉhquijʉ car pa bbʉ pé xcuá e̱cö, cja̱ nuquɛjʉ, xtá töhquijʉ guir øtijʉ ca jin gui conveni, ncja ngu̱ cʉ cja̱hni cʉ jin gui tɛnguigö. Como xta hna zʉh cʉ cja̱hni car pa‑ca̱, göhtjo cʉ di bbʉjcua jar jöy, cja̱ jin da ba̱h‑cʉ, má̱s te da ncja.

1 CORINTIOS 7:29

Dí xihquijʉ, hñohui, ya jin tza i ngu̱ car tiempo ca dí pɛhtzijʉ pa gu hmʉjtijʉ hua jar jöy. Nuquiguɛ, bbʉ ya xqui bbʉh quer bbɛjña̱, jin gui jøña̱ guegue gui mbe̱ni. Guejtjo i nesta gui mbe̱ni, ja grí hmʉjcua jar jöy pa da tzøh ca Ocja̱.

1 CORINTIOS 7:30

O bbʉ xí ndu̱ hner ánimajʉ, dyo guí ndo mbe̱nijʉ. Guejtjo bbʉ guí ndo bbʉy rá zö, cjuá guí mpöjö, gui mbe̱ni, xta tjojtjo göhtjo yʉ i cja. Cja̱ bbʉ te xcú töy, dyo guí ndo ne ca̱.

1 CORINTIOS 9:18

¿Ter bɛh car tja̱ja̱ ca dí ma̱ngö bbʉ́? Ca dár tʉngui nʉr evangelio co ʉm pöjötjo cja̱ jin te gu ö domi. Masque dí pɛhtzi derecho da ttajqui algo, pe jin to te gu öjpi. I pöjpigui nʉm tzi mʉy ca dár pɛjpi ca Ocja̱ ncjapʉ.

HEBREOS 12:27

Como xí ma̱n ca Ocja̱, pé da yojpi da jua̱ni göhtjo, dí pa̱dijʉ, bbʉ pé xtu e̱h car Jesucristo, da mpuni göhtjo yʉ cosa yʉ dí cca̱htijʉ hua jar mundo. Jøña̱ quí mɛjti ca Ocja̱, da hmʉy pa göhtjo ʉr tiempo, cja̱ nucʉ́, da goji, como jin gui tzö da mpun‑cʉ́.

SANTIAGO 4:14

Jí̱ rí ntzöhui gu ma̱jmʉ ncjapʉ, como jin dí pa̱dijʉ te da ncja ʉr xu̱di. Cam nzajquijʉ i jñɛjmi hnar bbøngu̱y. Hna rato i ni̱gui, cja̱ diguebbʉ ya, i ni̱xtjo, i bbɛdi.

1 PEDRO 1:24

I ma̱m pʉ jar Escritura digue nʉ́r palabra ca Ocja̱: Göhtjo yʉ cja̱hni hua jar jöy i ncjajʉ ncja ngu̱ yʉ paxi, Guejti yʉ cja̱hni yʉ más i ntjumʉy, yʉ más i tti̱htzibi, ncjadipʉ hne̱je̱. Göhtjo i ncjajʉ ncja ngu̱ yʉ tzi døni yʉ i jø pʉ ja paxi. Ncjatica̱ ga ma cár vida. I dyoti yʉ paxi cja̱ i jøj yí døni, tje da mpuni.

1 PEDRO 4:7

Pe nuya, ya xta tjej nʉr mundo. Ya pé xtu e̱h car Jesucristo. Eso, i nesta gui mfödijʉ cja̱ gui pɛnti quir mfe̱nijʉ pa da jogui gui nzojmʉ ca Ocja̱ göhtjo mbo ir mʉyjʉ.

1 JUAN 2:17

Pe ya xca mpun nʉr mundo, göhtjo co ni yʉ cosa i ndo jon yʉ cja̱hni. Nu car cja̱hni ca i ungui ʉ́r mʉy pa da jion ca Ocja̱ cja̱ da dyøti ca i ne, guegue jin da mpuni, como ya xqui yojmi ca hnáa ca i bbʉy göhtjo ʉr tiempo.