1 CORINTIOS 5:9 - Otomi

⁹ Ca hnar carta ca dú pɛnquijʉ, dú xihquijʉ jin gui ntzixihui yʉ to i yohti bbɛjña̱.

1 CORINTIOS 5:9 ပူးပေါင်းရင်းမြစ်များ

1 CORINTIOS 5:10

Claro jin dí ccaxquijʉ pa jin gui nzojmʉ yʉ cja̱hni hua jar mundo yʉ i yohti bbɛjña̱, o yʉ i ndo ne da jña̱, o yʉ i mpe̱, o yʉ i e̱me̱ cʉ cjá̱a̱ cʉ jin gui hña̱ni. Porque bbʉ güi wembijʉ‑yʉ, di nesta güi pønguɛjʉ hua jar mundo, bbʉ.

1 CORINTIOS 5:2

Cja̱ nuquɛjʉ, todavía guí hñi̱xtijʉ. Mír ntzöhui güi pɛhtzi ir tzöjʉ cja̱ güi du̱mʉyjʉ. Pe nuquɛjʉ, guí jɛjtijʉ i bbʉjti pʉ jar templo car hermano‑ca̱. I nesta gui fonguijʉ.

1 CORINTIOS 5:7

Gui cjʉhtzijʉ göhtjo ca rá nttzo, pa jin da tzɛhquijʉ, como car Jesucristo ya xí ddahquijʉ hnar ddadyo hmʉy. Gui cjajʉ ncja ngu̱ cʉ ndom titajʉ bbʉ mí tzöjʉ car mbaxcjua gá pascua. Mí wejquijʉ car levadura, mí øti quí tju̱jme̱jʉ cʉ jin te mí yojmi levadura. Gui dyøtijʉ ncjapʉ hne̱je̱, jin gui jiɛjmʉ da hmʉh pʉ jar templo cʉ cja̱hni cʉ i øti ca rá nttzo. Car Jesucristo bi jñɛjmi car tzi dɛtitjo ca mí bböhti bbʉ mí tzöjʉ car mbaxcjua‑ca̱.

2 CORINTIOS 6:14

Dyo guí pɛjni quir vidajʉ co quí vida cʉ cja̱hni cʉ jin gui e̱me̱ car Jesucristo, pa jin da nesta gui tɛnijʉ göhtjo ca i øti‑cʉ. ¿Ja ncja drí yojmi nʉr cja̱hni nʉ i øti ca i mandado ca Ocja̱ co ca hnáa ca i øti ca rá nttzo? Jin gui tzö da yojmi nʉr cja̱hni nʉ i dyo jar jiahtzi co ca hnáa ca i dyodi jar bbɛxu̱y.

2 CORINTIOS 6:17

Cja̱ pé i xijquijʉ ca Ocja̱ ya palabra‑ya: Gui pønijʉ pʉ jabʉ gár bbʉpjʉ, gui wembijʉ cʉ cja̱hni cʉ jin gui tɛnguigö. Gui jiɛjmʉ cʉ cosa rá nttzo cʉ i øti‑cʉ, Cja̱ nugö gu cuajtiquijʉ,

EFESIOS 5:11

Cja̱ jin gui ma gui mföxjʉ cʉ cja̱hni cʉ i øti ca rá nttzo, como nucʉ, i bbʉjtijʉ jar bbɛxu̱y. Mejor gui nzojmʉ, gui xijmʉ jin gui tzö ca i øtijʉ, xa̱jma̱ da ntzohmitsjɛjʉ, cja̱ da ne da guatijʉ jar jiahtzi.

2 TESALONICENSES 3:14

Bbʉ di bbʉh cʉ ddáa cʉ jin da ne da dyøj yʉ palabra yʉ xtú ju̱xcua na̱r carta‑na̱, gui jña̱jʉ ʉr huɛnda, ¿to guegue‑cʉ́? Cja̱ jin gui ma gui ntzixijʉ cʉ cja̱hni‑cʉ. A ver, ¿cja jin da mɛhtzi ʉ́r tzöjʉ?

2 TESALONICENSES 3:6

Nuya, hermano, como xí ddajqui cam cargo car Tzi Ta Jesús, pé dí ne gu xihquijʉ pe hnar razón: Jin gui ma gui ntzixijʉ cʉ hermano cʉ jin gui ne da pɛjmʉ pa da döti te da zijʉ, como nucʉ́, jin gui tɛnijʉ ca dú u̱jtiquijʉ.