1 CORINTIOS 15:53 - Otomi

⁵³ Nʉr cuerpo nʉ i tu̱ cja̱ i mpuni, xta mbödihui ca hnar cuerpo ca jin da du̱ cja̱ jin da mpuni.

1 CORINTIOS 15:53 ပူးပေါင်းရင်းမြစ်များ

ROMANOS 1:23

Masque ya xqui pa̱dijʉ i bbʉh ca Ocja̱, rá ndo zö quí mfe̱ni‑cá̱, cja̱ i mandado göhtjo ʉr tiempo, pe jin gui ne da guatijʉ. Xí jiɛjmʉ guegue, xí ungui í mʉyjʉ da hñi̱htzibijʉ hnahño cjá̱a̱ cʉ jin gui hña̱ni. Nucʉ, xí ttøte pa da jñɛjmi hnar cja̱hni o hnar ttzʉntzʉ, o hnar zu̱we̱ ca i dyo jar jöy, i pɛhtzi yojo quí hua, yojo quí dyɛ, o xí ttøte ncja hnar cci̱ña̱.

ROMANOS 2:7

Cʉ cja̱hni cʉ mí jon ca Ocja̱ cja̱ mí ne di döti car nzajqui ca jin da tjegue, ca Ocja̱ da un car nzajqui‑ca̱. Cʉ cja̱hni‑cʉ, bbʉ mí bbʉjcua jar jöy, mí ungui ʉ́r mʉyjʉ di dyøtijʉ ca rá zö, como mí jonijʉ ja drí hmʉpjʉ pa di tzøpijʉ ca Ocja̱, xa̱jma̱ di jogui di zøtijʉ pʉ ji̱tzi.

GÁLATAS 3:27

Guejtjo, como xcú xixtejʉ, göhtjoquiguɛjʉ xcú fʉdijʉ hnar ddadyo vida ca rí hñe̱h ca Ocja̱. Guí jñɛjmʉ ncja hnar cja̱hni, xí ngʉhtzi quí da̱jtu̱ rá nttzo cja̱ pé xí jie ddadyo da̱tu̱, göhtjo limpio. Nuya, göhtjo ir vidajʉ, gui hñojʉ car Jesucristo.

EFESIOS 4:24

Car ddadyo hmʉy ca xí ddahquijʉ car Cristo i jñɛjmi cár hmʉy guegue. Gui segue gui tɛnijʉ‑ca̱, pa gui nxödijʉ gui hmʉpjʉ limpio cja̱ jin te gri tu̱jʉ.

1 JUAN 3:2

ʉm tzi hñohuiquijʉ, car Tzi Ta ji̱tzi ya xí cjagui í ba̱jtziguijʉ. Jí̱ bbe dí pa̱dijʉ göhtjo ja gu ncjajʉ bbʉ pé xtu e̱h car Jesucristo. Pe ya xtí pa̱dijʉ, bbʉ pé xtu e̱je̱, gu cca̱htijʉ mero ncja ngu̱ ga hmʉy, cja̱ pé gu cjajʉ ncja ngu̱ guegue.