YOHANES 9:4 - BOWOT BOHUA

⁴ Kotahin magun hondou, ihto harus monguan gawin Io ijo jari nyuhu Ahku. Pindong ahkan lombut, tutang ihcobehti ka eam ahkan tou bogawi.

YOHANES 9:4 ပူးပေါင်းရင်းမြစ်များ

MATEUS 20:7

Ulun-ulun rih mutah, ‘Eam aro ulun ijo ngupah ihkai bogawi ino-inon.’ ‘Amat kolourih,’ hion tepun pombulan rih, ‘tulak ihkam bogawi ang kombulan anggur aik'ku.’

MARKUS 3:3

Yesus nuhtui umba ulun ijo longoioh mahtoi silai rih, ‘‘Has tombok ang ohtoi, ang boun.’’

YOHANES 10:32

Tahpi Yesus nuhtui umba iro, ‘‘Ihkam ius nohto Ahku nguan aro gawi hinut, ijo sonyuhu Amai ahkak-Ku. Tahkan paring gawi orih, umoh ijo kobainoh ihkam kani medak Ahku?’’

YOHANES 10:37

Amat Ahku eam nguan gawi ijo ponoretah Amai, ara porocaya umba Ahku.

YOHANES 12:35

Yesus mutah, ‘‘Baya ahkan pondehan iou koloang rih anai ang louk ihkam. Jadi, nyalanrih ihkam kotahin koloang rih magun anai, mangat ihkam ara tonopahas kopindong. Ulun ijo nyalan ang luwang kopindong, eam kota'an nokuhumoh io tulak.

YOHANES 17:4

Ahku jari mopohajorih Amai ang ngosan tana tuh, hapan ngumbotoh konuak-Ku ijo Amai nyuhu ahkak-Ku.

YOHANES 4:34

Turus Yesus nuhtui, ‘‘Ukun-Ku anairih numbun kohondak Io ijo nyuhu Ahku, tutang ngo-opahoh gawi ijo tonyorah-Oh ahkak-Ku.

YOHANES 5:19

Yesus mutah ulun-ulun rih koloutuh, ‘‘Porocayarih, Anak eam dahpot nguaioh ino-inon hapan kowasa aiu bongoi. Io tihkas nguanrih inon ijo Io nohto tonguan Amai-Oh. Kobain inon ijo tonguan bain Amai, orih ka'a ijo tonguan bain Anak.

YOHANES 5:36

Tahpi kosaksian-Ku labih hajo umba kosaksian Yohanes. Inon ijo huntuh Ahku nguaioh tuh, ijo orih gawi ijo tononga Amai ahkak-Ku, mbuktioh ijo Amai jari nyuhu Ahku.

YOHANES 7:33

Yesus nuhtui umba ulun aro ang luwang Lohpou Tuhan, ‘‘Tihkas honjulu iou Ahku magun hihco umba ihkam. Ulirih Ahku tulak ahkan ijo nyuhu Ahku.

KESAH RASUL-RASUL 4:20

Tului ihkai eam tou tondo mborihta tohou inon ijo jari ihkai nohto tutang konahan 'kai.’’

GALATIA 6:10

Jadi, kotahin anai kosapet bagi ihto, hondakrih ihto nguan ang pios ahkan paring ulun, mombahtang sino ahkan konduang-konduang ihto ijo hihco koporocaya.

EPESUS 5:16

Ngunaohrih sopios-pios nyinong kosapet ijo anai ang ihko, tului huntuh puna kotihka ihco ja'at.

KOLOSE 4:5

Ang luwang kohihco ihkam umba ulun-ulun ijo eam porocaya, hondakrih ihkam bolum pihtar tutang nguna nyinong kosapetan umba sopios-piosoh.