YOHANES 9:3 - BOWOT BOHUA

³ Yesus mutah, ‘‘Io bobulen eam kotului dusaioh bongoi ata'ai inai amaioh bodusa, tahpi mangat ulun tou nohto kowasan Pohotala bogawi aang aropoh.

YOHANES 9:3 ပူးပေါင်းရင်းမြစ်များ

MATEUS 11:5

Ulun bobulen tou nohto, ulun bolomu tou nyalan, ulun bobelang ijo ngoli pios; ulun borengen dahpot ngonih; ulun ijo mahtoi hoduli bolum; tutang Kabar Hinut tahkan Pohotala tonyiar ahkan ulun-ulun ijo porosbolum.

YOHANES 11:4

Kotihka Yesus ngonih kabar orih, Io nuhtui, ‘‘Ponyahkit tuh eam ahkan kobainoh popahtoi. Tuhrih nyolung mangat Pohotala konohajooh, tutang mangat kobainoh Anak Pohotala ka'a konohajo.’’

YOHANES 11:40

Yesus nuhtui umba Marta, ‘‘Eamrih jari Ahku nuhtui ahkan'kam: Amat ihko porocaya, ihko ahkan nohto kodorih kohajoi kowasan Pohotala!’’

KESAH RASUL-RASUL 28:4

Kotihka ulun-ulun ijo mohcon ang pulou rih nohto lohi rih nguling longon Paulus, iro hopander sama arop'ndo, ‘‘Ulun tuh kopunaoh pomunu, tului oluka io luhput tahkan tasik, Dewi Koadilan eam mohonou io bolum.’’

KESAH RASUL-RASUL 4:21

Okon-okon bosara rih eam duon sombang ihco alasan ka'a mangat mohukum Petrus tutang Yohanes. Jadi iro ngahtap koduo rasul rih turus moliwus doro rih, tului paring ulun mohormat monara Pohotala tului aangjadi rih.

1 YOHANES 4:16

Ihto bongon ta'an, tutang porocaya, ahkan kasih Pohotala ahkan ihto. Pohotala rih pongasih. Ulun ijo pombolumoh konowasa bain kasih, ulun rih hihco umba Pohotala, tutang Pohotala hihco umba io.

1 YOHANES 4:9

Pohotala ngorinah ijo Io mongasih ihto, hawui nyuhu Anak-Oh ijo tukan nokuh luwang kolunon, mangat ihto ngondahpot pombolum nguha Anak-Oh rih.