YOHANES 9:24 - BOWOT BOHUA

²⁴ Turus iro na'ah hino ulun ijo nanai bobulen, tutang nuhtui ahkaioh, ‘‘Monulutrih ijo ihko ahkan nuhtui ijo morong. Ihkai kota'an ulun orih ulun bodusa.’’

YOHANES 9:24 ပူးပေါင်းရင်းမြစ်များ

MARKUS 15:27

Hombohumba Yesus iro mahpak duo behti ponyilou; ihcobehti ang sila koto'u tutang ihcobehti hino ang sila komuloi-Oh. [

LUKAS 15:2

Ulun-ulun Parisi tutang guru-guru agama nopara bokuhtuk. Iro nuhtui, ‘‘Cis, Ulun tuh norima ulun-ulun bodusa ijo eam pios tutang malah kuman homboh iro!’’

LUKAS 19:7

Paring ulun ijo nohto hal orih nopara bokuhtuk. Iro nuhtui, ‘‘Ceh! Io tulak masap ang lohpou ulun ijo eam pios!’’

LUKAS 7:39

Kotihka ulun Parisi ijo morawe Yesus nohto ang rih, io nuhtui ang ahtoioh, ‘‘Jahka Io tuh Nabi, puna Io ta'an iai ulunbawi tuh ijo ngendeh Io, tutang ijo ulunbawi rih bolum a'ang dusa!’’

YOHANES 14:30

Ahku eam ahkan bopander labih aro hino umba ihkam, tului jari ohkotoh okon kolunon tuh lombut. Tahpi io eam bokowasa ngosan arop-Ku.

YOHANES 16:2

Ihkam ahkan tonyoluka tahkan lohpou-lohpou sombayang. Tutang ahkan lombut ohkotoh ijo ulun ijo munu ihkam, ahkan ngohu io mongabdi ahkan Pohotala.

YOHANES 18:30

Iro mutah, ‘‘Jahkaoh Io eam bosala, ihkai eam ahkan ngomin Io nokuh Amai Gubernur.’’

YOHANES 19:6

Kotihka imam-imam kopala tutang pongawal-pongawal rih nohto Yesus, iro ngociak, ‘‘Mahpak Io! Mahpak Io!’’ Pilatus nuhtui umba iro, ‘‘Omin rih Io, tutang mahpak Io bain'kam bongom, ahku samasino eam aro sombang ihco kosalan ka aang Io.’’

YOHANES 5:23

Amai nguanoh rih mangat paring ulun mohoromat Anak kolou iro mohoromatoh Amai. Ulun ijo eam mohoromatoh Anak eam ka'a mohoromatoh Amai ijo nyuhu Anak.

YOHANES 8:46

Iai ang louk ihkam tuh ijo dahpot mombukti tohko dusa aang Ahku? Amat Ahku nuhtui komorong, ombai ihkam eam porocaya umba Ahku?

YOHANES 8:49

Yesus mutah, ‘‘Ahku eam sonorupang sehtan, Ahku nonga horomat ahkan Amai-Ku, tahpi ihkam motanah Ahku.

YOHANES 9:16

Pira-pira tahkan ulun-ulun Parisi rih nuhtui, ‘‘Eam touharapoh ulun ijo nguan tuh asaroh tahkan Pohotala, tului Io eam mopoduli ondou Sabat.’’ Tahpi ulun bohkon nuhtui, ‘‘Umoh touharap ulun bodusa nguan katahelan-katahelan koloutuh?’’ Turus lombut kosuat ang louk iro.

YOHANES 9:25

‘‘Inon Io ulun bodusa ata'ai eam,’’ hion ulun orih, ‘‘ahku eam ta'an. Tahpi ihco hal ahku ta'an; buha ahku bobulen tahpi uhuntuh ahku tou nohto.’’

RUMA 8:3

Inon ijo eam duon konuan bain hukum agama, kotului ihto ulun bolomu, orih jari konuanoh bain Pohotala. Pohotala ijo mongalah kowasa dusa luwang tobiat ulun, hawui ngirimrih Anak-Oh bongoi, ijo lombut aang koada'ai sama umba kolunon ijo bodusa, ahkan ngudap dusa.

2 KORINTUS 5:21

Kristus eam bodusa, tahpi Pohotala nguan Io ngohtun dusan ihto, mangat ihto hokopios hoduli umba Pohotala, tului hihco umba Kristus.

PONGORINAH 11:13

Mahka ang ohkot rih nyolung tana moruguh ijo paham. Sepersopulu kobagi tahkan lowu rih luhtek, tutang pihtu kuhjan behti palus, bain tului tana moruguh rih. Ulun-ulun bohkonoh nyolung mihkoh samasino, turus iro monara kohajon Pohotala ang soruga.