YOHANES 9:22 - BOWOT BOHUA

²² Inai-amai ulun orih nuhtui kodorih, kotului iro mihkoh umba dolang okon Yahudi; kotului iro rih jari pahkat, iai ulun ijo ngahku Yesus kolou Lahca Ponyolamat, eam tou hino nyolong nokuh lohpou sombayang.

YOHANES 9:22 ပူးပေါင်းရင်းမြစ်များ

LUKAS 6:22

Kosanangoh ihkam, amat konohiri ulun, tonulak, tonohina tutang tonopitnah bain tului Anak Ulun!

YOHANES 1:19

Dolang pongowasa Yahudi ang Yerusalem nyuhu imam-imam tutang ulun-ulun Lewi tulak nokuh Yohanes tutang ngisokoh umba io, ‘‘Ihko tuh iai?’’

YOHANES 16:2

Ihkam ahkan tonyoluka tahkan lohpou-lohpou sombayang. Tutang ahkan lombut ohkotoh ijo ulun ijo munu ihkam, ahkan ngohu io mongabdi ahkan Pohotala.

YOHANES 19:38

Uliorih Yusep tahkan Arimatea nyawot poromisi umba Pilatus ahkan ngomin otun Yesus. (Yusep anairih ihcobehti murid Yesus tahpi toni-tonih, tului io mihkoh umba dolang okon Yahudi.) Pilatus nonga ijin ahkaioh jadi io tulak ngomin otun Yesus.

YOHANES 20:19

Aang ondou Minggu orih ka'a, kotihka jari pindong, murid-murid Yesus hopuhpung ang ihco lohpou, hawui bauntukang ijo tongulin, tului iro mihkoh umba dolang okon Yahudi. Songela Yesus lombut tutang tombok ang tohun iro tutang nuhtui, ‘‘Tabe kosanangkomangat ahkan'kam.’’

YOHANES 7:13

Tahpi eam aro ihcobehti ka bohanyi nuhtui muhi-muhing tohou Io, tului iro mihkoh umba dolang okon Yahudi.

YOHANES 9:18

Tahpi dolang okon Yahudi rih eam kani porocaya, ijo ulun rih puna bobulen sounumbaoh konanak tutang uhuntuh dahpot nohto. Tului orih iro na'ah ulun okooh,

YOHANES 9:21

Tahpi koloukuwoh io tou nopahjah uhuntuh, ihkai eam ta'an. Tutang iai ijo nguan io tou nohto, orih ka ihkai eam ngota'an. Ngisok iou umba io tului io jari anaikokoi; io dahpot mutah bongoi.’’

YOHANES 9:34

Putah iro, ‘‘Inon? Ihko ijo tuwi umba dusa tahkan konanak, ihko kani majar ihkai?’’ Mahka tahkan wayah orih iro baca io nokuh lohpou sombayang.

YOHANES 9:35

Yesus ngonih ijo ulun aro jari baca ulun orih nyolong lohpou sombayang. Io ngurah ulun rih turus nuhtui umba io, ‘‘Inonrih ihko porocaya umba Anak Ulun?’’

KESAH RASUL-RASUL 4:18

Mahka iro na'ah koduo rasul rih nyolong huli, tutang nuhtui ijo iro samasino eam tou ngohawot ata'ai majar umba aran Yesus.

KESAH RASUL-RASUL 5:13

Tutang ulun luar eam aro ijo bohanyi lombut hopuhpung umba ulun-ulun ijo porocaya rih. Tahpi ulun-ulun porocaya rih paham tonohoromat bain ulunaro.

KESAH RASUL-RASUL 5:40

Mahka rasul-rasul rih tona'ah, turus ponahcat, pongohuli iro tobaca ngajar hino tohou Yesus, ulijari punan iro konoliwusoh.

PONGORINAH 21:8

Tahpi ulun ijo pomihkoh, pondoruhaka, ulun bejad, pomunu, ulun ponyundal, ulun ijo hapa ilmu-ilmu gaib, ponyembah songiangdewa, tutang paring pabula, ahkan tonondian nokuh luwang tasik baho tutang sondawa ijo honyelak-honjelou, yorih popahtoi ijo ambal duo.’’