YOHANES 8:44 - BOWOT BOHUA

⁴⁴ Sehtanrih amai'kam, tutang ihkam kani numbun konohuang amai'kam. Tahkan topahtukoh sehtan rih pomunu. Io eam pu'u umbabarih komorong, tului eam aro komorong a'ang io. Amat io bobalik orih pahtut, tului puna kolourih sipatoh. Io bobalik tutang puna asar kokaro alik.

YOHANES 8:44 ပူးပေါင်းရင်းမြစ်များ

MATEUS 12:34

Ihkam ulun ja'at, koloukuwoh ahkantou ihkam dahpot ngohawot hal-hal ijo pios amat ihkam ja'at? Inon ijo konohawot tahkan baun'kam, 'orih ijo nyalut tahkan ahtoi!

MATEUS 13:15

Tului tiruk ulun-ulun tuh ius monjadi tapak, tolingan iro ius monjadi borengen tutang mahtan iro jari tongomihcop. Orih nyalung, mangat mahtan iro ara nopahjah, tolingan iro ara ngonih, tiruk iro ara horahti, tutang ara hoduli ahkak-Ku, turus Ahku ngopios iro.’ ”

MATEUS 13:38

Umo rih, iorih kolunon tuh. Bonyi ijo pios rih io rih ulun-ulun ijo monjadi ukup ain Pohotala. Tingon orihrih ulun-ulun ijo hobarih hihco sehtan.

YOHANES 6:70

Yesus mutah, ‘‘Eamkah Ahku ijo ngopili ihkam duo balas behti tuh? Mahka ihcobehti ang louk ihkam anairih sehtan!’’

YOHANES 7:17

Ulun ijo kani numbun konohuang Pohotala, ahkan ta'an inon rih ajaran-Ku lombutoh tahkan Pohotala ata'ai tahkan Ahku bongok.

YOHANES 8:38

Inon ijo Ahku nohto aang Amai-Ku, orihrih ijo Ahku nuhtuioh. Rahatoh ihkam nguan inon ijo tongajaroh amai'kam ahkan'kam.’’

YOHANES 8:41

Ihkam nguan inon ijo tonguan bain amai'kam bongom.’’ Hion'ndo, ‘‘Ihkai eam anak-anak lacun. Amai ihkai tihkas ihco, iorih Pohotala bongoi.’’

YOHANES 8:55

podahar ihkam eam kosono Io. Tahpi Ahku kosono Io. Jahkaioh Ahku nuhtui ijo Ahku eam ngosono Io, mahka Ahku ihcobehti bobalik, sama umba ihkam. Ahku ngosono Io, tutang bokehtep umba auh-Oh.

KESAH RASUL-RASUL 13:10

turus nuhtui, ‘‘O pobula tamam, anak jahanam! Ihko musuh kokaron ijo morong. Ombai ihko eam kani tondo morusak rancana Pohotala ahkan nyolamat ulun?

KESAH RASUL-RASUL 24:9

Ulun-ulun Yahudi ijo anai ang anan ka'a umba ndawa Paulus tutang ngomorong paring ijo tonuhtui bain Tertulus.

KESAH RASUL-RASUL 5:3

Mahka Petrus nuhtui umba io, ‘‘Ananias, ombai ihko mohanouoh sehtan ngowasaoh ahtoi'mu nyiring ihko ngobalik ahkan Roh Pohotala, honong tonih-tonih monahan ahkan arop'mu bongom ihcokobagi tahkan duit ponjualan tana rih?

2 KORINTUS 11:3

Tahpi ahku mihkoh tiruk'kam ahkan togoda, mangat eam tehen hino umba Kristus, sama kolou Hawa lomoi ka'a tonihkos bain alik lohi.

1 PETRUS 5:8

Hondakrih, ihkam waspada tutang tohtap bojaga! Bain Sehtan anairih musuh'kam. Io kolou singa, nyalan koanan koohtoi sambil ngaum ngurah ang tonosahapoh.

2 PETRUS 2:4

Molehkat-molehkat ijo bodusa ka'a eam Pohotala mohanau liwus tahkan hukum, molekan tongondian ahkan luwang norahka. Iro ponosolong ahkan luwang guha ijo pindong, ahkan tonahan ang anan nyiring Ondou Ponosara.

1 YOHANES 1:8

Amat ihto nuhtui ijo ihto eam bodusa, ihto nihpu arop ihto bongon; tutang Pohotala eam mohcon ang luwang ahtoi ihto.

1 YOHANES 2:21

Jadi, ahku nyurat tuh ahkan'kam, eamoh tului ihkam eam kosono ajaran ijo morong, tahpi malah bain ihkam jari ngosonooh, tutang ihkam ka'a kota'an ijo eam anai alik a'ang ajaran ijo morong rih.

1 YOHANES 2:4

Ulun ijo homouh, ‘‘Ahku kosono Pohotala,’’ tahpi eam te'et umba poretah-poretah-Oh ulun rih bobalik, tutang Pohotala eam anai ang luwang ahtoioh.

1 YOHANES 3:12

Ara ihto kolou Kain, ijo monjadi anak Sehtan tutang munu konduangoh bongoi. Inon kotuluioh Kain munu konduangoh rih? Bain hal-hal ijo konuaioh anairih sala, tahpi hal-hal ijo konuan konduangoh anairih morong.

1 YOHANES 3:15

Ulun ijo bosingi konduangoh, ulun rih pomunu, tutang ihkam ta'an, amat ihcobehti pomunu eam norima pombolum sojahti tutang turus-jahamoh.

YUDAS 1:6

Ingatrih, ka'a, dolang molehkat ijo nokalou holat-holat kowasan iro, nyiring tulak nohtahoh unuk mohcon iro. Pohotala masung molehkat-molehkat rih, umba rantai abadi, ang luwang unuk ijo pindong ang pinda tana. Ang anan iro tonahan turus johcok hukuman ijo tongonyahtu nokuh ngosan iro ang Ondou ijo hebat rih noin.

PONGORINAH 12:9

Naga ijo hajo dih dian nokuh luar! Iorih lohi oko orih, ijo bogare Sehtan ata'ai Roh Ja'at, ijo ngobalik sohopus kolunon. Io ndian nokuh kolunon hawui kokaro molehkatoh.

PONGORINAH 13:14

Tutang paring ulun ijo bolum ngosantana tongoalikoh, umba tandahelan-tandahelan ijo tou tonguaioh ang husuk ohcin ijo pahtuk orih. Tutang iro paringoh tonyuhuoh nombok ihco kopahtung tahkan ohcin ijo jari bohimang bain padang, tahpi magun bolum.

PONGORINAH 2:10

Ara mihkoh umba karot ijo eam tahi hino ihkam harus nyuruoh. Ingat, Sehtan ahkan moposolong ihcokobagi tahkan ihkam, koluwang sipir ahkan mouji ihkam. Ihkam ahkan mongarot sopulu ondou kotahiuoh. Hondakrih ihkam bokehtep umba Ahku nyiring mahtoi, mahka Ahku ahkan nonga ahkan'mu pombolum sojahti tutang kototahiu kolou hadiah komanang.

PONGORINAH 21:8

Tahpi ulun ijo pomihkoh, pondoruhaka, ulun bejad, pomunu, ulun ponyundal, ulun ijo hapa ilmu-ilmu gaib, ponyembah songiangdewa, tutang paring pabula, ahkan tonondian nokuh luwang tasik baho tutang sondawa ijo honyelak-honjelou, yorih popahtoi ijo ambal duo.’’

PONGORINAH 22:15

Tahpi ulun-ulun ijo jari nguan hal-hal ijo kojilok, ijo hapa ilmu-ilmu gaib, ulun-ulun rih ijo nguan gawiu-gawiu ijo nyundal, ijo munu, ijo nyembah songiangdewa, tutang ulun-ulun ijo ngobalik, pios umba auh-auh, oluka umba gawiu-gawiu, paring ulun rih unukoh ang luar lowu rih.

PONGORINAH 9:11

Iro anaingina lahca ijo moretah iro, tutang lahca rih, iorih, molehkat ijo botanggung-jawab ngosan lowun popahtoi. Konohawotoh ang a'ang bahasa Ibrani, iorih Abadon; tutang ang a'ang bahasa Yunani konohawot Apolion (ijo rimaioh ‘‘Porusak!’’).