YOHANES 8:42 - BOWOT BOHUA

⁴² Turus Yesus nuhtui ahkan iro, ‘‘Jahkaioh Pohotala rih Amai'kam, ihkam ahkan mongasih Ahku, tului Ahku lombut tahkan Pohotala. Ahku eam lombut hapan konohuang-Ku bongok, tahpi Io jari nyuhu Ahku.

YOHANES 8:42 ပူးပေါင်းရင်းမြစ်များ

YOHANES 1:14

Auh jari monjadi ulun, Io mohcon ang louk ihto, tutang ihto jari nohto kohajoi-Oh. Kohajoi orih tonorima-Oh kolou anak tukan Amai. Nguha Io ihto nohto Pohotala tutang kasih-Oh ahkan ihto.

YOHANES 12:49

Kotului Ahku eam bopander tahkan konohuang-Ku bongok; Amai ijo nyuhu Ahku, Io iou ijo moretah ahkak-Ku inon ijo harus Ahku nyiaroh tutang nuhtuioh.

YOHANES 13:3

Yesus ta'an ijo Amai jari nonga paring kowasa ahkai-Oh. Io ta'an ka'a ijo Io lombut tahkan Pohotala tutang ahkan buli nokuh Pohotala.

YOHANES 14:10

Pilipus! Eamkah ihko porocaya, ijo Ahku hihco umba Amai tutang Amai hihco umba Ahku? Inon ijo Ahku nuhtuioh ahkan'mu, eam Ahku nuhtui tahkan arop-Ku bongok. Amai ijo tohtap hihco honong Ahku, Iorih ijo nguanoh paringoh orih.

YOHANES 16:30

tutang ihkai ta'an ijo Tuhan ta'an paringoh. Eam usah ihcobehti ka ngisok ino-inon umba Tuhan. Kotului orih ihkai porocaya Tuhan lombut tahkan Pohotala.’’

YOHANES 17:25

Amai ijo adil! Kolunon eam kosono Amai, tahpi Ahku ngosono Amai; tutang ulun-ulun tuh ta'an ijo Amai nyuhu Ahku.

YOHANES 17:8

Jari Ahku nuhtuioh ahkan iro auh ijo Amai nongaoh ahkak-Ku; tutang iro jari norimaoh. Iro ta'an ijo Ahku moro-morong tahkan Amai tutang iro porocaya ijo Amairih ijo jari nyuhu Ahku.

YOHANES 3:17

Tului Pohotala ngirim Anak-Oh eam ahkan momosaraoh kolunon tuh, tahpi ahkan monyolamatoh.

YOHANES 5:23

Amai nguanoh rih mangat paring ulun mohoromat Anak kolou iro mohoromatoh Amai. Ulun ijo eam mohoromatoh Anak eam ka'a mohoromatoh Amai ijo nyuhu Anak.

YOHANES 5:43

Ahku lombut umba kowasa Amai-Ku, tahpi ihkam eam norima Ahku. Tahpi amat ulun bohkon lombut umba kowasa aiu bongoi ihkam kani norima io.

YOHANES 8:14

Yesus mutah, ‘‘Oluka Ahku nonga kosaksian tohou arop-Ku bongok, kosaksiak-Ku rih morong; tului Ahku ta'an tahkan umoh Ahku lombut tutang nukoh umoh Ahku tulak. Ihkan eam ta'an tahkan umoh Ahku lombut tutang nokuh umoh Ahku tulak.

1 KORINTUS 16:22

Ulun ijo eam sita Tuhan, nauhoh io buah tulut! MARANAHTA – Tuhan ihkai, lombut iou!

GALATIA 4:4

Tahpi ang ohkotoh ijo kona, Pohotala nyuhu Anak-Oh nokuh kolunon. Anak-Oh rih tonganak bain ihcobehti bawi, tutang bolum ang pinda kowasan hukum agama.

1 YOHANES 4:14

Ihkai bongon jari nohto Anak Pohotala, tutang ihkai mongabaroh ijo Yesus rih tonyuhu bain Amai, ahkan monjadi Lahca Ponyolamat kolunon tuh.

1 YOHANES 5:20

Ihto ta'an ijo Anak Pohotala jari lombut, tutang jari nongaoh kohorahti ahkan ihto, mangat ihto kosono Pohotala ijo morong. Ihto bolum hihco umba Pohotala ijo morong, tutang bolum hihco umba Anak-Oh Yesus Kristus. Tuhrih Pohotala ijo morong, tutang tuhrih pombolum ijo sojahti tutang kototahiu.

PONGORINAH 22:1

Molehkat rih ka'a ngorinah ahkak'ku, sungoi ijo danumoh nonga pombolum. Sungoi rih mongorinjap kolou kristal, tutang nohasak tahkan pododusan Pohotala, tutang Anak Tobiri rih.