YOHANES 8:26 - BOWOT BOHUA

²⁶ Magun aro hal tohou ihkam ijo kani Ahku nuhtuioh tutang mosaraoh. Tahpi Io ijo nguhtus Ahku dahpot tomorocaya. Tutang Ahku momborihta ahkan kolunon, inon ijo Ahku ngonih tahkan Io.’’

YOHANES 8:26 ပူးပေါင်းရင်းမြစ်များ

YOHANES 15:15

Ihkam eam hino Ahku na'ah jihpon, tului jihpon eam ta'an inon ijo rahat tonguan tepuioh. Ihkam Ahku na'ahoh sobat kotului paring ijo Ahku ngonih tahkan Amai, jari Ahku nyorihtaoh ahkan'mu.

YOHANES 16:12

Aro hino ijo kani Ahku nuhtuioh ahkan'kam, tahpi uhuntuh ihkam jaha sanggup norimaoh.

YOHANES 17:8

Jari Ahku nuhtuioh ahkan iro auh ijo Amai nongaoh ahkak-Ku; tutang iro jari norimaoh. Iro ta'an ijo Ahku moro-morong tahkan Amai tutang iro porocaya ijo Amairih ijo jari nyuhu Ahku.

YOHANES 18:20

Yesus mutah, ‘‘Ahku hototurus nuhtui tutang tarang-tarangan ang toharep ulun aro. Ahku hototurus majar ang lohpou-lohpou sombayang tutang ang Lohpou Pohotala, unuk ulun Yahudi bahutoh hopuhpung. Eam pu'u Ahku nuhtui dolang inon aang tonih benyem.

YOHANES 3:11

Porocayarih: ihkai nuhtui tihkas tohou inon ijo ihkai kota'an, tutang ihkai nonga kosaksian tihkas tohou inon ijo jari ihkai nohtooh; tahpi ihkam eam kani monorima kosaksian ihkai.

YOHANES 7:16

Yesus mutah, ‘‘Ijo Ahku majaroh tuh bohkon ajaran aik-Ku, tahpi ajaran Io ijo nyuhu Ahku.

YOHANES 7:28

Pongohuli rahat Yesus majar ang luwang Lohpou Tuhan, Io na'ah umba auh ijo muhing, ‘‘Jadi ihkam ta'an iai Ahku tuh, tutang tahkan umoh asar-Ku? Ahku eam lombut ngosan konohuang-Ku bongok. Ahku tonyuhu bain Io ijo bohak nyuhu Ahku, tutang Io dahpot tomorocaya. Tahpi ihkam eam ngosono Io.

YOHANES 8:25

‘‘Ihko iai kotu'uioh?’’ hion'ndo. Yesus mutah, ‘‘Ahkan inon mander hino umba ihkam!

YOHANES 8:27

Iro eam solembang ijo Io rahat nuhtui umba iro tohou Amai.

YOHANES 8:40

Ahku nuhtui ahkan'kam kotu'u ijo Ahku ngonihoh tahkan Pohotala, tahpi ihkam kani munu Ahku. Abraham eam nguan kolou orih!

2 KORINTUS 1:18

Aangaran Pohotala ijo dahpot tomorocaya, bowot'ku umba Konduang bohkonlah ‘‘Yo’’ tutang ‘‘Eam’’.