YOHANES 8:19 - BOWOT BOHUA

¹⁹ ‘‘Amai-Mu rih ang umoh?’’ hion'ndo. Yesus mutah, ‘‘Ihkam eam kosono Ahku, mahika kosono Amai-Ku. Amatjahkai ihkam ngosono Ahku, musti ihkam kosono Amai-Ku ka'a.’’

YOHANES 8:19 ပူးပေါင်းရင်းမြစ်များ

MATEUS 11:25

Ang ohkot rih Yesus bodo'a, “Amai, Tuhan ijo ngowasa langit tutang tana! Ahku ngohawot torimakasih umba Ihko, tului paringoh orih ihko ngulimoh tahkan ulun-ulun, ijo pitar tutang bosokula, tahpi ihko ngorinahoh ahkan ulun-ulun ijo eam sokula.

YOHANES 1:10

Auh anai ang kolunon, kolunon tonapa nguha Io, tahpi kolunon eam kosono-Oh.

YOHANES 1:18

Eam aro ijo pu'u nohto Pohotala bohkonumba anak tukan Amai, ijo sama umba Amai tutang lehket sino umba Io. Iorih ijo ngorinah Amai ahkan ihto.

YOHANES 15:21

Paringoh rih ahkan iro nguaioh toharep ihkam, tului ihkam murid-Ku, bain iro eam ngosono Io ijo nyuhu Ahku.

YOHANES 16:3

Iro nguan orih ahkan ihkam, tului iro jaha ngosono Amai kanika Ahku.

YOHANES 17:3

Tuhrih pombolum ijo sojahti tutang turus-jaham; mangat ulun ngosono Amai, puna ihco-ihcooh Pohotala ijo morong, tutang ngosono Yesus Kristus ijo sonuhu bain Amai.

YOHANES 7:28

Pongohuli rahat Yesus majar ang luwang Lohpou Tuhan, Io na'ah umba auh ijo muhing, ‘‘Jadi ihkam ta'an iai Ahku tuh, tutang tahkan umoh asar-Ku? Ahku eam lombut ngosan konohuang-Ku bongok. Ahku tonyuhu bain Io ijo bohak nyuhu Ahku, tutang Io dahpot tomorocaya. Tahpi ihkam eam ngosono Io.

1 KORINTUS 15:34

Borondongrih uhuntuh, tutang a'ai hino nguan dusa. Kopantasoh ihkam harus mia, ijo ang louk ihkam anai ijo jaha kosono Pohotala.

GALATIA 4:9

Tahpi uhuntuh ihkam ngosono Pohotala, ata'ai labih kona hino, Pohotala ngosono ihkam. Nah, ombai ihkam kani buli hino ahkan roh-roh kolunon tuh, ijo bolomu tutang porosbolum? Ombai ihkam kani nohojihpon hino bain roh-roh rih?

EPESUS 1:17

Ahku nyawot mangat Pohotala, Tuhan ihto Yesus Kristus, Amai ijo tonohoromat nonga Roh-Oh ahkan'kam. Roh orih ahkan monjadian ihkam pitar, tutang ahkan mongorinah Pohotala ahkan'kam, nyiring ihkam ngosono Io.

KOLOSE 1:10

Honong kolouorih ihkam dahpot bolum numbun konohuang Pohotala, tutang turus monyanang ahtoi-Oh, nyiring a'ang kokaro ang'co ihkam dahpot mohasilrih hal-hal ijo pios. Tutang pongotaan ihkam, tohou Pohotala ka ahkan botambah ka'a.

KOLOSE 1:15

Kristus anairih gambar ijo korinah gihtan tahkan behtin Pohotala ijo eam gihtan; Kristus anairih anak ijo poohkooh, labih mombahtang tahkan kokaro ijo tona'oioh.

IBRANI 1:3

Io ijo nyingahoh kohajon Pohotala ijo gilang-gomilang; Io rih gambar ijo ngorinah tahkan behtin Pohotala bongoi. Io ka'a ijo mohaga kotehen angpindalangit tuh umba auh-Oh, ijo paham kowasai. Ulijari Io nongajalantou ulun ahkan tomorodehka tahkan dusa-dusan iro, Io monuot ang pododusan pomoretah ang soruga, samasama umba Pohotala, Pongowasa ijo palingdiang.

1 YOHANES 2:23

Ulun ijo eam ngahku Anak, rimai eam monorima Pohotala rih Amai ka'a. Tutang ulun ijo mongahku Anak, rimai norima Amai ka'a.

1 YOHANES 5:20

Ihto ta'an ijo Anak Pohotala jari lombut, tutang jari nongaoh kohorahti ahkan ihto, mangat ihto kosono Pohotala ijo morong. Ihto bolum hihco umba Pohotala ijo morong, tutang bolum hihco umba Anak-Oh Yesus Kristus. Tuhrih Pohotala ijo morong, tutang tuhrih pombolum ijo sojahti tutang kototahiu.

2 YOHANES 1:9

Ulun ijo eam nambit aang ajaran Kristus, molekan nyapang tahkan inon ijo tonongajaroh bain Kristus, ulun orih eam anaingina Pohotala. Ulun ijo tahtap ang luwang ajaran Kristus, rimai, anaingina, kohinut Pohotala, Amai, oluka Anak.