YOHANES 8:14 - BOWOT BOHUA

¹⁴ Yesus mutah, ‘‘Oluka Ahku nonga kosaksian tohou arop-Ku bongok, kosaksiak-Ku rih morong; tului Ahku ta'an tahkan umoh Ahku lombut tutang nukoh umoh Ahku tulak. Ihkan eam ta'an tahkan umoh Ahku lombut tutang nokuh umoh Ahku tulak.

YOHANES 8:14 ပူးပေါင်းရင်းမြစ်များ

YOHANES 10:36

ombai ihkam nuhtui Ahku ngarana Pohotala, tului auh-Ku Anak Pohotala? Molekan Ahku tongopili bain Amai, tutang sonuhu nokuh kolunon.

YOHANES 13:3

Yesus ta'an ijo Amai jari nonga paring kowasa ahkai-Oh. Io ta'an ka'a ijo Io lombut tahkan Pohotala tutang ahkan buli nokuh Pohotala.

YOHANES 14:10

Pilipus! Eamkah ihko porocaya, ijo Ahku hihco umba Amai tutang Amai hihco umba Ahku? Inon ijo Ahku nuhtuioh ahkan'mu, eam Ahku nuhtui tahkan arop-Ku bongok. Amai ijo tohtap hihco honong Ahku, Iorih ijo nguanoh paringoh orih.

YOHANES 16:28

Puna Ahku asaroh tahkan Amai, tutang jari lombut nokuh luwang kolunon. Tahpi huntuh Ahku nohtahoh kolunon ahkan buli nokuh Amai.’’

YOHANES 17:8

Jari Ahku nuhtuioh ahkan iro auh ijo Amai nongaoh ahkak-Ku; tutang iro jari norimaoh. Iro ta'an ijo Ahku moro-morong tahkan Amai tutang iro porocaya ijo Amairih ijo jari nyuhu Ahku.

YOHANES 18:37

Mahka Pilatus ngisok umba Io, ‘‘Amat kodorih Ihko Lahca?’’ Yesus mutah, ‘‘Ihko bongom nuhtui ijo Ahku tuh Lahca. Ahku konanak tutang lombut nokuh kolunon ahkan ihco konohuang, iorih nonga kosaksian tohou komorong. Ulun ijo tahkan komorong rih ngonih Ahku.’’

YOHANES 5:31

Amatjahka Ahku nonga kosaksian tohou arop-Ku bongok, kosaksian-Ku rih eam dahpot tonoharap.

YOHANES 8:42

Turus Yesus nuhtui ahkan iro, ‘‘Jahkaioh Pohotala rih Amai'kam, ihkam ahkan mongasih Ahku, tului Ahku lombut tahkan Pohotala. Ahku eam lombut hapan konohuang-Ku bongok, tahpi Io jari nyuhu Ahku.

2 KORINTUS 11:31

Pohotala, Amai tahkan Tuhan Yesus kota'an, ijo ahku eam bobalik. Tonotara Arai-Oh turus-jahamoh.

2 KORINTUS 12:11

Tu'u ahku jari nguan 'jo kolou ulun uong – tahpi ihkam ijo nguan ahku jari kolouorih. Kotu'uioh ihkam ijo harus monara ahku. Tului oluka ahku eam anai bororima ino-inon, ahku samasino eam kalah toharep ‘‘rasul-rasul’’ ijo luar biasa rih.

2 KORINTUS 12:19

Dahpot jadi ihkam ngohu ihkai kotahin tuh, rahat bousaha mbela arop toharep ihkam? Ihkam koliru samasino! Pohotala ngota'an ijo paring ijo ihkai nuhtui orih anairih numbun kohondak Kristus. Tutang paring ijo ihkai nguai anairih ahkan mangun pombolum homboruan'kam.

PONGORINAH 1:5

tutang tahkan Yesus Kristus, saksi ijo bokehtep. Io ijo sula-sulak tonombolum hoduli tahkan popahtoi, tutang Io rih pongowasa ngosan lahca-lahcan kolunon. Yesus mongasi ihto, tutang umba popahtoi Io momordehka ihto tahkan dusa-dusan ihto,

PONGORINAH 3:14

‘‘Ahkan molehkat ukup ang Laodekia, nyurat koloutuh: Tuhrih pohtoh tahkan Sang Amen, Saksi ijo bokehtep tutang morong tohasak kokaro aang'co, ijo tona'oi bain Pohotala.