YOHANES 8:12 - BOWOT BOHUA

¹² Yesus bopander hino umba ulun aro rih, hioi-Oh, ‘‘Ahku tuh koloang kolunon. Ulun ijo nutut Ahku eam ahkan nyalan aang kopindong, tahpi anaitepun koloang pombolum.’’

YOHANES 8:12 ပူးပေါင်းရင်းမြစ်များ

MATEUS 5:14

Ihkam anairih koloang kolunon. Lowu ijo tomangun ang pupung puruk eam dapot tonyuhuk.

LUKAS 2:32

kolouoh koloang, ijo mopoloang jalan, bagi uhtus-uhtus ijo bokon, ahkan lombut nokuh-Mu; iorih koloang ijo polombut horomat ahkan ukup-Mu Israel.’’

YOHANES 12:35

Yesus mutah, ‘‘Baya ahkan pondehan iou koloang rih anai ang louk ihkam. Jadi, nyalanrih ihkam kotahin koloang rih magun anai, mangat ihkam ara tonopahas kopindong. Ulun ijo nyalan ang luwang kopindong, eam kota'an nokuhumoh io tulak.

YOHANES 12:36

Porocayarih umba koloang rih, kotahin koloang rih magun anai aang ihkam, mangat'kam monjadi anak-anak koloang.’’ Ulijadi Yesus nuhtui kodorih, Io hihkas tahkan anan tutang eam kani pokarah arop-Oh ahkan'ndo.

YOHANES 12:46

Ahku lombut nokuh kolunon tuh kolou koloang, mangat paring ulun ijo porocaya umba Ahku, ara mohcon ang luwang kopindong.

YOHANES 14:6

Yesus mutah, ‘‘AHKU TUH JALAN AHKAN NGOSONO POHOTALA TUTANG NGONDAHPOT POMBOLUM. EAM ARO IHCOBEHTI KA DAHPOT LOMBUT NOKUH AMAI AMAT EAM NOKALOU AHKU.

YOHANES 3:19

Io tonyawot hogalang hal tuh: Koloang rih ius lombut nokuh kolunon, tahpi ulun labih jorik umba kopindong tahkan koloang, tului konuan iro ja'at.

YOHANES 7:17

Ulun ijo kani numbun konohuang Pohotala, ahkan ta'an inon rih ajaran-Ku lombutoh tahkan Pohotala ata'ai tahkan Ahku bongok.

YOHANES 9:5

Kotahin Ahku ang kolunon tuh, Ahku rih koloang kolunon.’’

KESAH RASUL-RASUL 13:47

Tului tuhrih poretah Tuhan ahkan ihkai. Tuhan nuhtui, ‘Ahku jari ngahtuh ihkam monjadi ihco koloang ahkan ulun-ulun uhtus bohkon ijo eam Yahudi, mangat ihkam mopolombut solamat ahkan paring kolunon.’ ’’

KESAH RASUL-RASUL 26:23

yorih ijo Lahca Ponyolamat, ijo tonobowot Pohotala rih harus ngarot, tutang monjadi ulun ijo pahtukoh bolum hoduli uliius mahtoi; mangat honong rih Io duon mborihtaoh koloang – iorih kosolamatan – pios ahkan ulun-ulun Yahudi oluka ahkan ulun-ulun bohkon Yahudi.’’

2 PETRUS 2:17

Guru-guru polasu rih, anai kolou mahtan danum ijo tohjah, tutang kolou ombun ijo tonahpi bain bahiu blowut. Pohotala jari monyodia bagin iro, ihco unuk ijo paham pindong.

2 PETRUS 2:4

Molehkat-molehkat ijo bodusa ka'a eam Pohotala mohanau liwus tahkan hukum, molekan tongondian ahkan luwang norahka. Iro ponosolong ahkan luwang guha ijo pindong, ahkan tonahan ang anan nyiring Ondou Ponosara.

1 YOHANES 1:6

Amat ihto nuhtui ijo ihto bolum hihco umba Io, padahal ihto bolum ang kopindong, mahka ihto bobalik, pios umba auh-auh kanika umba gawi.

YUDAS 1:13

Sama kolou luhcak ijo nyawung ang tasik, polombut puhtak, kolourih ka'a iro hopohtak gawiu-gawiu ijo ngomia. Iro anairih kolou potion-potion ijo kindah-kondaha, tutang ijo jari tonyodia unukoh bain Pohotala, ang luwang kopindong, ijo paling paham ahkan turus-jahamoh.

YUDAS 1:6

Ingatrih, ka'a, dolang molehkat ijo nokalou holat-holat kowasan iro, nyiring tulak nohtahoh unuk mohcon iro. Pohotala masung molehkat-molehkat rih, umba rantai abadi, ang luwang unuk ijo pindong ang pinda tana. Ang anan iro tonahan turus johcok hukuman ijo tongonyahtu nokuh ngosan iro ang Ondou ijo hebat rih noin.

PONGORINAH 21:24

Uhtus-uhtus ang kolunon ahkan nyalan ang luwang koloangoh, tutang lahca-lahca ka'a ahkan ngomin ponahtou iro nokuh luwang lowu orih.