YOHANES 7:39 - BOWOT BOHUA

³⁹ Yesus ngohawot auh rih tohou Roh Pohotala ijo tonorima bain ulun-ulun ijo porocaya umba Io. Kotului ang ohkot orih Roh Pohotala jaham tononga; tului Yesus jaham konohajo honong popahtoi-Oh.)

YOHANES 7:39 ပူးပေါင်းရင်းမြစ်များ

MATEUS 16:14

Murid-murid-Oh mutah, “Anai ijo nuhtui Yohanes Popondus. Anai ka'a ijo ngohawot Elia. Ijo bohkon ngohawot Yeremia, ata'ai anai ihcobehti nabi.”

MATEUS 21:11

“Io Nabi Yesus, tahkan Nasaret ang Galilea,” puhtoh ulun aro ijo nutut Yesus.

LUKAS 24:49

Tutang Ahku bongok ahkan ngirim ahkan'kam inon ijo jari tonobowot bain Amai. Tahpi ihkam harus tahtap ngindoi ang lowu tuh, nyiring kowasa tahkan Pohotala monyokuwung ihkam.’’

LUKAS 3:16

Orih kotuluioh Yohanes pander ahkan iro paring, ‘‘Ahku mopondus ihkam umba danum, tahpi noin ahkan lombut Ulun ijo labih hajo tahkanumba ahku. Nguhkoi talin soruhpah-Oh ka ahku eam gunai, Io ahkan mopondus ihkam umba Roh Pohotala tutang baho.

LUKAS 7:16

Paring ulun mihkoh tutang nopara monara Pohotala. Iro nuhtui, ‘‘Ihcobehti nabi hajo jari lombut ang tohun-louk ihto! Pohotala jari lombut ahkan monyolamat ukup-Oh!’’

YOHANES 1:21

‘‘Amat kolourih ihko tuh iai?’’ kisok iro. ‘‘Inonrih ihko Elia?’’ ‘‘Bohkon,’’ putah Yohanes. ‘‘Inonrih ihko Sang Nabi orih?’’ iro ngisok hino. ‘‘Bohkon,’’ putahoh.

YOHANES 1:25

ngisok, ‘‘Amat ihko bohkon Lahca Ponyolamat, bohkon Elia, bohkon ka'a Sang Nabi orih, ombai ihko mopondus?’’

YOHANES 1:33

Ohkot rih ahku jaha ta'an iai Io. Tahpi Pohotala ijo nyuhu ahku mopondus umba danum, jari nuhtui umba ahku, ‘Amat ihko nohto Roh Pohotala mosuluh, turus mohcon ang ngosan ihcobehti Iorih ahkan mopondus umba Roh Pohotala.’

YOHANES 12:16

Ang ohkot rih murid-murid Yesus jaha solembang paringoh rih. Tahpi uli Yesus konohajo umba popahtoi-Oh, kolawun'ndo toroingat ijo ijo konuan ulun aro tohimo Io jari tonyurat luwang Surat Borasih tohou Io.

YOHANES 12:23

Yesus nuhtui umba doro, ‘‘Jari ohkotoh Anak Ulun konohajo.

YOHANES 14:13

Tutang inon ijo ihkam monyawotoh a'ang arak-Ku, orih ahkan Ahku nonga ahkan'kam, mangat Amai konohajo nguha Anak.

YOHANES 14:26

Tahpi Roh Pohotala, Pondohop ijo ahkan sonuhu Amai ngasan arak-Ku, Iorih ijo ahkan majar ihkam, koparingoh tutang mopingatoh ihkam ahkan paring ijo jari Ahku monyorihtaoh ahkan'kam.

YOHANES 16:14

Io ahkan mopohajo Ahku, tului inon ijo tonyiar-Oh ahkan'kam, tonorima-Oh tahkan Ahku.

YOHANES 16:7

Tahpi Ahku nuhtui ijo morong ahkan'kam: Labih pios bagi ihkam, amat Ahku hihkas; tului amat Ahku eam hihkas, Pondohop orih eam ahkan lombut bagi ihkam. Tahpi amat Ahku hihkas, Ahku nyuhu Io ahkan ihkam.

YOHANES 17:1

Uli hopander kolouorih, Yesus nokara nokuh langit tutang nuhtui, ‘‘Amai, huntuh jari johcok ohkotoh. Pohajoohrih Anak-Mu, mangat Anak-Mu ka mopohajo Amai.

YOHANES 17:5

Amai! Pohajoohrih Ahku uhuntuh aang Amai, honong kohajo ijo Ahku tepui hihco Amai sounumba kolunon tuh tona'oi.

YOHANES 20:22

Turus Io ngomusik hasong-Oh ahkan iro turus nuhtui, ‘‘Torimarih Roh Pohotala.

YOHANES 6:14

Kotihka ulun aro nohto gawi aneh rih ijo konuan bain Yesus, iro nuhtui, ‘‘Tu'u-tu'u, tuhrih Nabi ijo tonoharap lombut nokuh kolunon!’’

YOHANES 7:12

Aro ulun nopara hosinok tohou Io. Anai ijo nuhtui, ‘‘Io ulun hinut.’’ Anai tongai ijo nuhtui, ‘‘Eam! Io molahcat ulun aro.’’

YOHANES 8:54

Yesus mutah, ‘‘Jahkaioh Ahku ngurah horomat ahkan arop-Ku bongok, kohoromatan-Ku rih eam aro rimaioh. Ijo mohoromat Ahku anairih Amai-Ku, ijo ihkam ngohu Pohotalan'kam,

KESAH RASUL-RASUL 19:2

Paulus ngisok umba iro, ‘‘Jarikah Konduang-konduang norima Roh Pohotala, kotihka ihkam porocaya umba Yesus?’’ Iro mutah, ‘‘Jaham. Malah ihkai eam pu'u ngonih ijo tohko Roh Pohotala.’’

KESAH RASUL-RASUL 2:17

Pohotala nuhtui, ‘Ang lain jaman Ahku ahkan nusuh Roh-Ku nokuh isun paring ulun. Anak-anak'kam ijo bahkas tutang anak-anak'kam ijo bawi ahkan mborihta ahkan'kam hal-hal ijo Ahku mborihtaoh ahkan'ndo. Ulun-ulun biumu ahkan nohto hal-hal ijo Ahku ngorinahoh ahkan iro. Ulun-ulun oko'kam ahkan nuhpi dolang nuhpi ijo Ahku nonga ahkan'ndo.

KESAH RASUL-RASUL 2:33

Io hogahtang nokuh ponuotoh ijo isung tutang ahkai tononga kowasa bain Pohotala, turus norima Roh Pohotala ijo jari tonobowot bain Amai. Tutang ijo ihkam huntuh, tuh ngonih tutang nohto anairih, Roh rih ijo Io nusuhoh ahkan ihkai.

KESAH RASUL-RASUL 2:38

Petrus mutah, ‘‘Hubahrih, tahkan dusa-dusan'kam. Tutang pios ihkam nyinong behti ponopondus aang aran Yesus Kristus mangat dusa-dusan'kam tongapun. Mahka konduang-konduang ahkan norima ponongan Roh Pohotala tahkan Pohotala.

KESAH RASUL-RASUL 2:4

Iro paring konowasa bain Roh Pohotala tutang nopara hopander a'ang hokobohkon basa. Iro pander numbun inon ijo tononga Roh rih ahkan iro mangat konohawotoh.

KESAH RASUL-RASUL 3:13

Pohotala ijo tonyembah bain Abraham, Isaak, Yakub, orih Pohotala tahtu ajuh ihto. Pohotala rih jari mohoromat Jihpoi-Oh iorih Yesus. Yesus orih ijo ihkam nyarah ahkan pihak pongowasa, tutang ihkam nuduh io ang toharep Pilatus, aang ohkot Pilatus kani moliwus Io.

KESAH RASUL-RASUL 4:31

Ulijadi iro tondo bodo'a, unuk iro mohcon rih tonyuhkuh iro paringoh konowasa bain Roh Pohotala tutang nopara nuhtui homboh bohanyi tu'u mborihta tohou Kabar Hinut tahkan Pohotala.

RUMA 8:9

Tahpi amat ihkam eam bolum numbun tobiat kolunon. Ihkam bolum numbun Roh Pohotala – amat, puna kotuhkasoh, Roh Pohotala tu'u-tu'u nambit paranan ang luwang arop'kam. Ulun ijo eam anaitepun Roh Kristus, ulun orih bohkon ain Kristus.

2 KORINTUS 3:8

tontu gawin bowot ijo bain Roh Pohotala, ang resmioh honong labih ngorolondangsilou hino.

EPESUS 4:30

A'airih monyedihoh ahtoi Roh Pohotala. Ihkam jari tonyegel umba Roh monjadi ain Pohotala. Roh rih ka'a monjadi jaminan, ijo Ondou Komorodehka ahkan lombut ahkan'kam.