YOHANES 7:32 - BOWOT BOHUA

³² Ulun-ulun Parisi ngonih koloukuwoh ulun aro rih hokosino-sinok tohou Yesus. Tului orih, homboh umba imam-imam kopala iro nyuhu tongai pongawal Lohpou Tuhan tulak nawan Yesus.

YOHANES 7:32 ပူးပေါင်းရင်းမြစ်များ

MATEUS 12:14

Tahpi ulun-ulun Parisi nohtah lohpou sombayang orih, turus mohaum ahkan munu Yesus.

MATEUS 23:13

“Colahka ihkam guru-guru agama tutang ulun-ulun Parisi! Ihkam guru pura-pura. Ihkam ngapeng ulun monjadi uhkup ain Pohotala. Ihkam bongom eam kani monjadi anak uhkup ain Pohotala, tutang ulun bohkon ijo kani, ihkam ngapengjalaioh. [

MATEUS 26:58

Petrus ngahasu Yesus tahkan mahcu nyiring konaha Lohpou Imam Hajo. Turus Petrus nyolong nokuh dohopan rih, tutang tuot hihco pongawal-pongawal. Io jolik kota'an koloukuwoh paring orih johcok laiu noin.

YOHANES 11:46

Tahpi pira-pira ang louk iro, hihkas nokuh ulun Parisi tutang ngabarohrih inon ijo jari konuan Yesus.

YOHANES 12:19

Mahka ulun-ulun Parisi hopander ihco sama bohkon, ‘‘Ihto eam duon nguan ino-inon! Topahjah iou, paring kolunon tulak ngahasu Io!’’

YOHANES 18:3

Mahka Yudas tulak nokuh unuk rih, hawui ngomin ihcokawan sorodadu Romawi, tutang pira-pira ponokawan Lohpou Tuhan ijo sonuhu bain imam-imam kopala tutang ulun-ulun Parisi. Iro bosonjata, sumbu kurung tutang soho'an.

YOHANES 7:30

Aang wayah rih iro jolik nawan Yesus, tahpi eam aro ijo bohanyi nambit Io, tului jaham johcok ohkotoh.

KESAH RASUL-RASUL 5:26

Mahka komandan ponokawan Lohpou Tuhan rih tutang karon-ponokawanoh tulak ngomin rasul-rasul rih huli. Tahpi iro eam hapa kokaras, tului iro mihkoh umba ulun aro; ara-ara ulun aro rih noin mukah iro umba bahtu.