YOHANES 6:51 - BOWOT BOHUA

⁵¹ Ahkurih luhte ijo nosuluh tahkan soruga – luhte ijo nonga pombolum. Ulun ijo kuman luhte tuh ahkan bolum kototahiuoh. Luhte ijo ahkan Ahku nongaoh, ahkan pombolum ulun ang kolunon, anai rih usi-Ku.’’

YOHANES 6:51 ပူးပေါင်းရင်းမြစ်များ

MATEUS 20:28

Sama kolou Anak Ulun rih ka'a; Io lombut eam ahkan tonohalu, tahpi ahkan mohalu, tutang nyorah hasong-Oh ahkan momordehka aro ulun.”

LUKAS 22:19

Umbotrih rih Yesus ngomin luhte. Tutang uli ngohawot do'a torimakasih, Io mbagi-mbagi luhte rih umba longoi-Oh, turus nongaoh ahkan iro, tutang nuhtui, ‘‘Jihtuh behtik-Ku [ijo tonyarah ahkan ihkam. Nguanohrih koloutuh ahkan mingat Ahku.’’

YOHANES 1:14

Auh jari monjadi ulun, Io mohcon ang louk ihto, tutang ihto jari nohto kohajoi-Oh. Kohajoi orih tonorima-Oh kolou anak tukan Amai. Nguha Io ihto nohto Pohotala tutang kasih-Oh ahkan ihto.

YOHANES 1:29

Anghawun ondouoh Yohanes nohto Yesus lombut ahkaioh. Turus Yohanes nuhtui, ‘‘Nohto, orihrih Anak Tobirin Pohotala ijo ngapit dusan kolunon.

YOHANES 11:26

Tutang ulun bolum ijo porocaya umba Ahku, kototahiuoh eam ahkan mahtoi. Porocaya ihko umba hal rih?’’

YOHANES 3:13

Eam ihcobehti ka pu'u nuhkat nokuh soruga, bohkontahkan Io ijo nosuluh nokuh kolunon, iorih Anak Ulun.

YOHANES 3:14

Sama kolou Museh ngahtangoh lohi tombaga ang tuhtuk doroh kahju ang padang balambah, kodorih ka'a Anak Ulun ahkan konahtangoh,

YOHANES 3:16

Kotului Pohotala kodorih ngasih ulun ang kolunon tuh, nyiring Io nonga Anak-Oh ijo tukan, mangat nyino-nyinong ulun ijo porocaya umba Io eam binasa, molehkan norima pombolum sojahti tutang kototahiu.

YOHANES 3:36

Ulun ijo porocaya ahkan Anak rih ahkan monorima pombolum ijo sojahti tutang kototahiu. Tahpi ulun ijo eam te'et ahkan Anak rih eam ahkan duon pombolum. Io tomohukum Pohotala nyiring kototahiuoh.

YOHANES 5:24

Tu'u morong auh-auh-Ku tuh: Ulun ijo ngonih auh-auh-Ku, tutang porocaya umba Io ijo nyuhu Ahku, tepun pombolum sojahti tutang kototahiu. Io eam ahkan tonohukum; io jari morodehka tahkan popahtoi tutang dahpot pombolum.

YOHANES 6:33

Tului luhte ijo tononga Pohotala anai rih, Io ijo mosuluh tahkan soruga tutang nonga pombolum ahkan ulun ang kolunon.’’

YOHANES 6:35

‘‘AHKU RIH LUHTE IJO NONGA POMBOLUM,’’ hion Yesus umba iro. ‘‘Ulun ijo lombut nokuh Ahku eam ahkan bolo'u hino nyiring kototahiuoh. Tutang ulun ijo porocaya umba Ahku hototurus io eam ahkan tojahbolai hino, nyiring kototahiuoh.

YOHANES 6:41

Ulun-ulun Yahudi nopara bokuhtuk nohimo Yesus, kotului Io nuhtui: ‘‘Ahku luhte ijo mosuluh tahkan soruga.’’

YOHANES 6:47

Kota'anrih: Ulun ijo porocaya, ahkan tepun pombolum ijo sojahti tutang kototahiu.

YOHANES 6:48

AHKU RIH LUHTE IJO NONGA POMBOLUM.

YOHANES 6:50

Tahpi eam kolouorih umba luhte ijo nosuluh tahkan soruga; ulun ijo kuman luhte rih eam ahkan mahtoi.

YOHANES 7:38

Tohou ulun ijo porocaya umba Ahku, tonyurat a'ang Surat Borasih: ‘Tahkan luwang ahtoioh nyalut danum ijo nonga pombolum.’ ’’ (

2 KORINTUS 5:19

Ihkai mborihta ijo umba poholat Kristus, Pohotala nguan ulun hokopios huli umba arop-Oh. Pohotala nguan orih earo nutut kosalan-kosalan ijo jari konuan kolunon toharep arop-Oh. Tutang ihkai jari tonyuhu Pohotala ahkan mborihta kabar rih.

2 KORINTUS 5:21

Kristus eam bodusa, tahpi Pohotala nguan Io ngohtun dusan ihto, mangat ihto hokopios hoduli umba Pohotala, tului hihco umba Kristus.

EPESUS 5:2

Pombolum'kam kohondakoh bohomboruan bain kasih, kolou Kristus ka ngasih ihto. Io moporahpah arop-Oh ahkan ihto, kolou ihco pononga ijo buanharum tutang monyanang ahtoi Pohotala.

EPESUS 5:25

Bosai, ngasih oruh'mu, sama kolou Kristus ngasih ukup hawoi nyarah arop-Oh ahkan ukuprih.

TITUS 2:14

Io jari moporahpah arop-Oh bagi ihto, ahkan momorodehka ihto tahkan kokaro koja'at, tutang ngonjorian ihto ihco ukup ijo morodehka tahkan dusa, tutang ijo monjadi Aiu-Oh iou, hawui ijo rajin nguan ang hinut.

IBRANI 10:20

Yesus jari nguap ihco jalan, ijo bohua bagi ihto, yorih jalan ijo nonga pombolum. Jalan rih nguha dindingbenang, yorih behtin Yesus bongoi.

1 PETRUS 2:4

Kotului orih, lombutrih nokuh Tuhan. Io kolouoh bahtu ijo bolum, bahtu ijo todian bain kolunon, kotului tongohu eam boguna; tahpi ijo tonopili bain Pohotala, kolou bahtu ijo borega.

1 YOHANES 2:2

Honong poholat Yesus Kristus orih rih, dusa-dusan ihto tonapunoh. Tutang eamoh dusa-dusan ihto iou, molekan dusan paring ukup kolunon ka'a.

1 YOHANES 4:10

Tuhrih kasih: Bohkon ihto ijo jari ngasi Pohotala, tahpi Pohotala ijo ngasi ihto, tutang nyuhu Anak-Oh, mangat nguha Io ihto mondahpot pongapunan ngosan dusa-dusan ihto.

1 YOHANES 4:14

Ihkai bongon jari nohto Anak Pohotala, tutang ihkai mongabaroh ijo Yesus rih tonyuhu bain Amai, ahkan monjadi Lahca Ponyolamat kolunon tuh.