YOHANES 6:45 - BOWOT BOHUA

⁴⁵ Ang luwang Buhku Nabi-nabi tonyurat koloutuh: ‘Paring ulun ahkan tongajar bain Pohotala.’ Jadi paring ulun ijo ngonih Amai tutang bolajar tahkan Io, lombut nokuh Ahku.

YOHANES 6:45 ပူးပေါင်းရင်းမြစ်များ

MATEUS 11:27

Turus Yesus nuhtui, “Ko-paring ang'co, jadi tononyorah Amai ahkak-Ku. Eam aro ihcobehti ka kosono Anak, bohkon umba Amai. Eam aro ka'a ijo ngosono Amai bohkon umba Anak, tutang ulun-ulun ahkan iai Anak rih mongosono Amai.

MATEUS 17:5

Pondehan Petrus magun hopander baunondou ijo boloang sino ngapuh'ndo tutang tahkan baunondou rih konahan auh ijo nuhtui, “Tuhrih Anak-Ku ijo Ahku ngasih-Oh, Io nyanang ahtoi-Ku. Ngonih Io!”

MARKUS 1:2

Kabar Hinut rih pahtukoh kolou ijo tonyurat bain Nabi Yesaya, koloutuh, “ ‘Tuhrih ijo sonuhu-Ku,’ hion Pohotala; ‘Ahku nyuhu io, labihhoun tahkanumba-Mu mangat Io nawas jalan ahkan-Mu.’

LUKAS 1:70

Jaman lomoi nguha nabi-nabi ijo konopili-Oh, Tuhan jari nonga bowot-Oh

LUKAS 18:31

Yesus muhpung koduo balas murid-Oh bongon'ndo, turus nuhtui, ‘‘Ngonihoh tuh! Ihto huntuh nitu Yerusalem. Ang anan, paring ijo sonurat nabi-nabi tohou Anak Ulun ahkan nyolung.

YOHANES 10:27

Tobiri-tobiri-Ku ngonih auh-Ku. Ahku ngosono iro, tutang iro ngohasu Ahku.

YOHANES 6:37

Paring ulun ijo tononga Amai ahkak-Ku ahkan lombut nokuh Ahku. Ahku eam ahkan nulak iai ka ijo lombut nokuh Ahku.

YOHANES 6:65

Turus Yesus nuhtui hino, ‘‘Orihrih kotuluioh Ahku monyorihtaoh ahkan'kam, ijo eam ihcobehti ka dahpot lombut nokuh Ahku, amat Amai eam toungoduonohrih.’’

KESAH RASUL-RASUL 13:40

Orih kotuluioh ihkam harus nohtoanioh pios-pios, ara nyiring nyolung aang ihkam, inon ijo bola nabi nuhtui auh tuh,

KESAH RASUL-RASUL 7:42

Mahka Pohotala nohtah iro tutang mohonau iro nyembah potion-potion ang langit. Orih sorurui umba inon ijo tonyurat ang buhku nabi-nabi. Koloutuh, ‘O, ulun-ulun Israel! Eam ahkak-Ku, ihkam nyombolih tutang porahpah ohcinkombolum kotahin ohpat pulu toun ang padang bolambah.

EPESUS 1:17

Ahku nyawot mangat Pohotala, Tuhan ihto Yesus Kristus, Amai ijo tonohoromat nonga Roh-Oh ahkan'kam. Roh orih ahkan monjadian ihkam pitar, tutang ahkan mongorinah Pohotala ahkan'kam, nyiring ihkam ngosono Io.

PILIPI 3:15

Ihto paringoh ijo jari oko cara rohani, harusrih bogawi kodorih. Tahpi amat ang marak ihkam anai ijo niruk bohkon, mahka Pohotala ahkan monarangoh ka'a ahkan'kam.

1 TESALONIKA 4:9

Eam gunai hino ihkai nyurat ahkan'kam, tohou koloukuwoh ihkam harus ngasi konduang-konduang ijo 'cokoporocaya. Ihkam bongon jari tongajar bain Pohotala ahkan ngasih ihco umba ijobohkon.

IBRANI 10:16

“ ‘Jituhrih bowot ijo ahkan Ahku napa umba iro aang ondou-ondou ijo ahkan lombut,’ hion Tuhan, ‘Ahku ahkan ngina hukum-hukum-Ku nokuh luwang ahtoi iro tutang nyuratoh ko luwang tiruk iro.’ ’’

1 YOHANES 2:27

Tahpi tohou ihkam bongon, Kristus jari nusuh Roh-Oh aang'kam. Tutang kotahin Roh-Oh anai aang ihkam, eam usah ulun bohkon hino majar ihkam. Bain Roh-Oh majar ihkam tohou kokaro aangihco; tutang inon ijo tongajar-Oh rih morong, eam alik, Bain orih hondakrih ihkam te'et, ahkan inon ijo tongajar bain Roh rih, tutang hondakrih ihkam tahtap bolum hihco umba Kristus.