YOHANES 6:27 - BOWOT BOHUA

²⁷ Ara bogawi mangat dahpot ukun ijo tou opah tutang maram. Bogawirih mangat ngondahpot ukun ijo eam tou maram tutang ijo nonga pombolum sojahti tutang kototahiu. Ukun rih ahkan tononga bain Anak Ulun ahkan'kam, tului Io jari tonotuot bain Pohotala Amai.’’

YOHANES 6:27 ပူးပေါင်းရင်းမြစ်များ

MATEUS 17:5

Pondehan Petrus magun hopander baunondou ijo boloang sino ngapuh'ndo tutang tahkan baunondou rih konahan auh ijo nuhtui, “Tuhrih Anak-Ku ijo Ahku ngasih-Oh, Io nyanang ahtoi-Ku. Ngonih Io!”

MATEUS 25:46

Mahka ulun-ulun rih ahkan tomohukum umba hukuman ijo kototahiuoh, rahatoh ulun-ulun ijo numbun kohondak Pohotala ahkan ngomo pombolum ijo morong tu'u tutang kototahiu.”

MATEUS 3:17

Uliorih konahan auh Pohotala nuhtui, “Jituh Anak-Ku ijo Ahku ngasih-Oh. Io ngojorih ahtoi-Ku.”

MATEUS 6:19

“Ara nipun ponohtou ahkan arop'kam ang kolunon tuh, ang amoh busuk tutang tagar tou morusakoh, tutang ponahkou lombut nahkouoh.

MATEUS 8:20

Yesus mutah, “Tohotung anai lowangoh, tutang bulung anai kosalahoh, tahpi Anak Ulun eam aro unukoh kaling.”

MARKUS 1:11

Pongohuli konahan auh Pohotala nuhtui, ‘‘Ihkorih Anak-Ku ijo Ahku ngasih-Oh. Ihko ngojorih ahtoi-Ku.’’

MARKUS 9:7

Pongohuli bounondou ngolindung iro tutang tahkan bounondou rih konahan auh ijo nuhtui, ‘‘Tuhrih Anak-Ku, ijo Ahku ngasihoh. Ngonih Io!’’

LUKAS 3:22

tutang Roh Pohotala mosuluh nokuh ngosan-Oh kolou bulung dala. Turus konahan auh Pohotala nuhtui, ‘‘Ihkorih Anak-Ku ijo Ahku ngasihoh. Ihko ijo ngojorih ahtoi-Ku.’’

LUKAS 9:35

Pongohuli tahkan buhtup baunondou rih konahan auh ijo nuhtui, ‘‘Io Tuhrih Anak-Ku ijo Ahku mitih-Oh. Ngonih auh-Oh!’’

YOHANES 10:28

Ahku nonga iro pombolum ijo sojahti tutang kototahiu, tutang turus-jahamoh iro eam ahkan rusak. Eamanai ihcobehti ka dahpot ngorabut iro tahkan longok-Ku.

YOHANES 11:42

Ahku ta'an Ihko toturus ngonih Ahku, tahpi Ahku nuhtui tuh, bagi ulun-ulun ijo anai ang ohtoi; mangat'ndo porocaya ijo Ihko rih ijo nyuhu Ahku.’’

YOHANES 14:6

Yesus mutah, ‘‘AHKU TUH JALAN AHKAN NGOSONO POHOTALA TUTANG NGONDAHPOT POMBOLUM. EAM ARO IHCOBEHTI KA DAHPOT LOMBUT NOKUH AMAI AMAT EAM NOKALOU AHKU.

YOHANES 15:24

Jahkaioh ang tohun-tohun iro, Ahku eam nguanoh hal-hal ijo jaha pu'u tonguan ulun bohkon, iro eam bodusa. Tahpi huntuh iro jari nohto inon ijo Ahku nguaioh, tutang iro ngohiri Ahku kanika Amai-Ku.

YOHANES 17:2

Amai jari nonga kowasa ngosan sohopus ukup kolunon ahkan Anak, mangat Io nonga pombolum sojahti tutang kototahiu, ahkan paring ulun ijo Amai nongarih ahkai-Oh.

YOHANES 3:15

mangat paring ulun ijo porocaya ahkai-Oh, ahkan duon pombolum ijo sojahti tutang kototahiu.’’

YOHANES 3:33

Ulun ijo porocaya aang kosaksian-Oh rih, mongahku ijo Pohotala morong.

YOHANES 6:40

Puna tuhrih kojolik Amai-Ku: Mangat paring ijo nohto Anak tutang porocaya umba-Oh tepun pombolum sojahti tutang kototahiu, tutang Ahku ngombolumoh huli aang Ondou Kiamat.’’

YOHANES 6:47

Kota'anrih: Ulun ijo porocaya, ahkan tepun pombolum ijo sojahti tutang kototahiu.

YOHANES 6:51

Ahkurih luhte ijo nosuluh tahkan soruga – luhte ijo nonga pombolum. Ulun ijo kuman luhte tuh ahkan bolum kototahiuoh. Luhte ijo ahkan Ahku nongaoh, ahkan pombolum ulun ang kolunon, anai rih usi-Ku.’’

YOHANES 6:53

Turus Yesus nuhtui umba iro, ‘‘Porocayarih: Amat ihkam eam kuman usin Anak Ulun tutang ngorih daha-Oh, ihkam eam ahkan moro-morong bolum.

YOHANES 6:54

Ulun ijo kuman usi-Ku tutang ngorih daha-Ku, io tepun pombolum sojahti tutang kototahiu, tutang Ahku ahkan ngobolumoh aang Ondou Kiamat.

YOHANES 6:58

Tuhrih luhte ijo nosuluh tahkan soruga: eam luhte kolou ijo ukun tahtu ajuh'mu. Kotului uli kuman luhte orih, iro mahtoi ka'a. Tahpi ulun ijo kuman luhte tuh ahkan bolum nyiring turus-jaham.’’

YOHANES 6:62

Koloukuwoh kojoriaioh noin amat ihkam nohto Anak Ulun nuhkat huli nokuh unuk-Oh ijo asar?

YOHANES 6:68

‘‘Tuhan,’’ hion Simon Petrus umba Io, ‘‘nokuh umoh ihkai ahkan tulak? Tuhtui Tuhan nonga pombolum ijo sojahti tutang kototahiu.

YOHANES 8:18

Ijo nonga kosaksian tohou arop-Ku anai duo – Ahku tutang Amai ijo nyuhu Ahku.’’

KESAH RASUL-RASUL 10:38

Ihkam ngota'an ijo Pohotala jari mitih Yesus ulun Nasaret rih tutang nonga ahkai-Oh roh Pohotala tutang kowasa, Ihkam kota'an ka'a ijo Yesus rih, tulak nokuh umo-umoh ahkan nguan ijo hinut; Io ngopiosoh paring ulun ijo tongowasa sehtan, tului Pohotala jari homboh Io.

KESAH RASUL-RASUL 2:22

Konduang-konduang, ulun-ulun Israel! Ngonihrih inon ijo ahku nuhtuioh tuh: Yesus ulun Nasaret rih jari nonga tugas bain Pohotala ahkan konduang. Orih korinah sasino aang kahtahelan-kahtahelan tutang hal-hal luar-biasa ijo Pohotala nguaioh ang louk ihkam hopatou Yesus Kristus. Paring ohrih konduang bongon jari kota'an.

RUMA 4:11

Io tonyunat pongohuli tutang sunat orih rih tihkas monjadi tanda ijo Pohotala jari norima io, monjadi ulun ijo ngojorih ahtoi Pohotala, tului porocaya umba Pohotala. Io tonorima bain Pohotala aang ohkot io magun jaha numbun aturan sunat. Tutang Abraham monjadi amai socara rohani bagi paring ulun ijo porocaya, ahkan Pohotala, tutang ijo kotuluioh jari tonorima bain Pohotala, monjadi ulun ijo ngojorih ahtoi-Oh, oluka iro eam nambit poroturan sunat.

RUMA 6:23

Tului popahtoi orih rih uhpah tahkan dusa, tahpi pombolum sojahti tutang kototahiu hihco umba Kristus Yesus Tuhan ihto, anairih pononga ijo tonongaoh bain Pohotala honong cuma-cuma.

1 KORINTUS 6:13

Anai ka'a ijo nuhtui, ijo ukun anairih ahkan kono'i tutang kono'i tonahtap ahkan ukun. Tahpi koduo-duooh ahkan todian kobain Pohotala. Behtin ulun eam tou tohapa ahkan nguan ijo kihal, tahpi tihkas hapa mohalu Tuhan. Tutang Tuhan ahkan mohaga behti rih.

1 KORINTUS 9:2

Amatka ulun-ulun bohkon eam kani ngahku ahku kolou rasul, paling honjiot ihkam ngahku orih! Tului pombolum'mu kolou ulun Kristen, anairih bukti ahku ihcobehti rasul.

2 KORINTUS 4:18

Tului ihkai eam nohtoani hal-hal ijo gihtan, molekan ijo eam gihtan. Ijo gihtan puna baya pondehan tahpi ijo eam gihtan rih bunggut nyiring turus-jahamoh.

GALATIA 5:6

Kobain amat ihto ius hihco umba Kristus Yesus, hal numbun ata'ai eam numbun poroturan sunat, eam monjadi soal hino. Ijo boguna tihkasrih porocaya umba Kristus, tutang orih korinah aang kasih ihto umba ulun bohkon.

PILIPI 2:13

kotului Pohotala bongoi, ijo bogawi ang luwang arop'kam, ahkan nguan ihkam rela tutang sanggup nyanang ahtoi Pohotala.

KOLOSE 1:29

Ahkan monyapai hal rih, ahku bogawi paham. Ahku molawan honong paring koba'asarop ijo tononga Kristus ahkak'ku, tutang ijo bogawi luwang arop'ku hawui kotuwi kowasa.

KOLOSE 2:22

Paring poroturan rih, anairih tohou hal-hal ijo kodorih tohapa, eam aro boguna hino. Orih baya poroturan-poroturan tutang pongajaran-pongajaran ijo tonapa bain kolunon.

KOLOSE 3:2

Potoharep tiruk'kam aang hal-hal ijo ang anan, ara aang hal-hal ijo ang kolunon.

2 TIMOTEUS 2:19

Tahpi galang segah ijo tonapa bain Pohotala eam dahpot hungge. Ang ngosanoh tonyurat tuh: ‘‘Tuhan ngosono ulun-ulun ijo aiou-Oh,’’ tutang ‘‘Ulun ijo nuhtui ijo io ain Tuhan, ulun orih harus tondo nguan gawi ijo sala.’’

IBRANI 12:16

Jagarih, mangat ara anai ijo bolum kihal ata'ai eam morega hal-hal rohani, kolou ijo konuan bain Esau. Io morahkang hakoh kolou anak ijo oko, tihkas bagi ihco pikan ukun.

IBRANI 4:11

Kotului orih, olairih ihto bousaha tu'u-tu'u ahkan norima nondobo'o ijo nobowot Pohotala rih. Ara nyiring ihcobehti ka tahkan ihto gagal kolou iro lomoi, kotului eam porocaya ahkan Pohotala.

YAKOBUS 1:11

Aang ohkot mahtanondou lombut honong kopodih ijo monyahap, mahka uru rih ahkan monjadi bolanyu nyiring ngonyahturih dolakoh, tutang nihau hino kobohinoioh. Kolorih ka'a umba ulun ijo tahtou; io ahkan luhtek, ang ohkot io hun nguan karonang gawiuoh.

1 PETRUS 1:24

A'ang Surat Borasih tonyurat koloutuh, ‘‘Paring ukup kolunon, kolou uru, tutang kokaro kohajoioh, kolou dolak uru. Uru molanyu, dolakoh ka boduruh;

2 PETRUS 1:17

Ihkai anai ang anan, kotihka Io tohoromat, tutang tonohajo bain Pohotala, Amai. Ang ohkot rih konahan auh tahkan Ijo Mahahoromat ijo homouh umba Io, ‘‘Tuhrih Anak-Ku ijo Ahku ngasih-Oh. Io ngonjorih ahtoi-Ku!’’