YOHANES 6:11 - BOWOT BOHUA

¹¹ Pongohuli Yesus ngomin luhte rih, turus ngohawot torimakasih ahkan Pohotala. Ulimbarih Io magi-magioh luhte rih ahkan ulun aro. Pongohuli Io magi-magioh ohcin rih, tutang iro kuman sobosuh-bosuhoh.

YOHANES 6:11 ပူးပေါင်းရင်းမြစ်များ

MATEUS 15:36

Turus Yesus ngomin kopihtu luhte tutang ohcin rih, pongohuli ngohawot torimakasih ahkan Pohotala. Uliorih rih Io ngiwak-ngiwak luhte orih, tutang ohcin rih umba longoi-Oh, turus nonga orih ahkan murid-murid-Oh. Tutang iro magi-milahoh ahkan ulun aro rih.

LUKAS 24:30

Aang ohkot tuot kuman homboh iro, Yesus ngomin luhte, ngohawot torimakasih ahkan Pohotala, mbola-bolah luhte rih umba longoi-Oh, turus nonga ahkan iro.

YOHANES 21:10

Yesus nuhtui umba iro, ‘‘Cuba ngomin nokuh ohtoi honjiot ohcin ijo bohua ihkam nawaioh.’’

YOHANES 21:13

Pongohino Yesus ngondoni iro, ngomin luhte rih, tutang nonga ahkan iro. Io nguan kodorih ka'a umba ohcin rih.

YOHANES 21:9

Kotihka iro jahkat tahkan alut, iro nohto anai barah baho ang anan, hawoi ohcin ang ngosanoh tutang luhte.

YOHANES 6:23

Pongohino pira-pira alut tahkan lowu Tiberias lombut tutang tuli doni unuk ulun aro rih kuman luhte, uli Tuhan ngohawot torimakasih.

YOHANES 6:9

‘‘Ang ohtoi anai anak-inyam bahkas tepun limo kobilap luhte tutang duo ohcin. Tahpi eam bahkaoh ahkan ulun karon-tuh?’’

KESAH RASUL-RASUL 27:35

Uli nuhtui kodorih rih Paulus ngomin luhte turus nuhtui torimakasih ahkan Tuhan ang boun iro paringoh. Pongohino io mombagi-bagi luhte rih umba longoioh, turus iro kumaioh.

RUMA 14:6

Ulun ijo monguna ondou-ondou ijo botatu, ulun rih nguan kodorih, ahkan mohoromat Tuhan. Ulun ijo kuman boranga-rangaioh, nguan kodorih ahkan mohoromat Tuhan, kotului io norimakasih ahkan Pohotala ngosan ukun rih. Kodorih ka'a umba ulun ijo kuman tihkas ukun botatu iou; ulun rih ka'a mohoromat Tuhan tutang norimakasih ahkan Pohotala.

1 KORINTUS 10:31

Inon ka ijo Konduang nguai – Konduang kumai ata'ai Konduang ngorihoh – nguan paringoh orihrih ahkan mohoromat Pohotala.

1 TESALONIKA 5:18

Aang kokaro koada'an, hondakrih ihkam norimakasih, kotului orihrih ijo Pohotala jolik tahkan ihkam, kolou ulun ijo bolum hihco umba Kristus Yesus.