YOHANES 5:5 - BOWOT BOHUA

⁵ Ang unuk orih anai ihcobehti bahkas ijo jari poros tolun pulu jalu toun kotahiuoh.

YOHANES 5:5 ပူးပေါင်းရင်းမြစ်များ

MARKUS 9:21

Turus Yesus ngisok umba amaioh, ‘‘Jari pira kotahiu io koloutuh?’’ ‘‘Tahkan io honong koik!’’ hion amaioh.

LUKAS 13:16

Nah, ang ohtoi uhuntuh anai ihcobehti bawi lihit Abraham ijo jari jalu balas toun kotohiuoh konongarut bain Sehtan. Inon io eam tou tonguwat tahkan karutoh rih ang ondou Sabat?’’

LUKAS 8:43

Ang loukoh anai hino ihcobehti ulunbawi ijo jari duo balas toun poros tongondaha ijo hotutung umba kobulanan. Io jari ngo'opah karon-ramuioh tului botawas umba dokter, tahpi eam aro ijo tou ngopios io.

YOHANES 5:14

Pongohuli Yesus hosombang umba ulun rih ang Lohpou Tuhan tutang nuhtui umba io, ‘‘Uhuntuh ihko jari pios. Ararih bodusa hino, mangat eam nyuru hal ijo labih ja'at.’’

YOHANES 5:4

Tului anai wayahoh molehkat Tuhan nosuluh nokuh luwang tolaga rih tutang ngolucakrih danumoh. Tutang ulun poros ijo pahtukoh nyohowunyolong tolaga rih, ohkot danum holucak ahkan pios tahkan-ponyahkitoh, inon beweu mahcam ponyahkitoh.]

YOHANES 5:6

Yesus nohto io kaling anan, tutang ta'an ijo io jari tahi samasino poros; mahka Yesus ngisok umba io, ‘‘Kani ihko pios?’’

YOHANES 9:1

Ohkot Yesus nyalan, Io nohto ulun bobulen tahkan io konanak.

YOHANES 9:21

Tahpi koloukuwoh io tou nopahjah uhuntuh, ihkai eam ta'an. Tutang iai ijo nguan io tou nohto, orih ka ihkai eam ngota'an. Ngisok iou umba io tului io jari anaikokoi; io dahpot mutah bongoi.’’

KESAH RASUL-RASUL 14:8

Ang Listra anai ihcobehti bahkas ijo pa'aioh bolomu tahkan pahtokoh konanak, nyiring io eam pu'u duon nyalan, tului pa'aioh paham bolomu.

KESAH RASUL-RASUL 3:2

Ang anan ang baun gerbang ijo konohawot ‘‘Bauntukang Bohinoi,’’ anai ihcobehti ulunbahkas ijo bolomu tahkanpahtukoh konanak. Nyinong ondou ulun orih omin nokuh anan mangat nyodahkah nokuh ulun-ulun ijo nyalan nokuh Lohpou Tuhan.

KESAH RASUL-RASUL 4:22

Ulun ijo nginyam kopios ijo helan rih, jari labih tahkan ohpat pulu toun umuroh.

KESAH RASUL-RASUL 9:33

Ang anan io hosombang umba ihcobehti bahkas bogare Eneas, ijo mahtoibehtiu tutang eam duon io kuat-kuat tahkan unuk kalingoh kotahin jalu toun.