YOHANES 5:44 - BOWOT BOHUA

⁴⁴ Koloukuwoh ihkam dahpot porocaya, amat ihkam ngurah tara tahkan sama arop'kam, tutang eam bousaha ngurah tara tahkan Pohotala ijo Ihco?

YOHANES 5:44 ပူးပေါင်းရင်းမြစ်များ

MATEUS 23:5

Paring ijo tonguan'ndo baya unuk ponopahjah ulun ih. Iro ha'at hapan tali sombayang ijo lumbah, tutang pokombu rumbai-rumbai jubah iro!

LUKAS 19:17

‘Pios,’ hion Tuan rih, ‘ihko pohalu ijo morong! Tului a'ang hal-hal ijo koik ihko duon tomorocaya, ahku ahkan notuot ihko pongowasa sopulu lowu.’

YOHANES 12:43

Iro labih jolik ngondahpot tara tahkan kolunon, tahkanumba ponorega Pohotala.

YOHANES 17:3

Tuhrih pombolum ijo sojahti tutang turus-jaham; mangat ulun ngosono Amai, puna ihco-ihcooh Pohotala ijo morong, tutang ngosono Yesus Kristus ijo sonuhu bain Amai.

YOHANES 3:20

Nyinong ulun ijo nguan koja'at, bosingi umba koloang; io eam kani lombut nokuh koloang, mangat gawiouoh ijo ja'at rih ara gihtan.

YOHANES 5:41

Ahku eam ngurah tara tahkan kolunon.

YOHANES 8:43

Ombai ihkam eam solembang inon ijo Ahku nuhtui? Kotului ihkam eam tahan ngonih auh ajaran-Ku.

RUMA 2:10

Tahpi paring ulun ijo jolik nguan angpios, ahkan tononga kohajoi tutang tonohoromat hawui kosanang bain Pohotala; ijo-pahtukoh ahkan ulun-ulun Yahudi, kodorih ka'a ahkan ulun-ulun uhtus bohkon.

RUMA 2:29

Tobalikoh ihcobehti Yahudi ijo sojahti anairih ulun ijo ahtoioh bohomboruan Yahudi; tutang sunat ijo sojahti, anairih sunat ang ahtoi ijo tonguan bain Roh Pohotala, eam ijo tonyurat ang buhku ih. Ulun somahcam orih monorima taraoh tahkan Pohotala, eam tahkan ulun.

RUMA 2:7

Pohotala nongaoh pombolum sojati tutang kototahiou ahkan iro ijo te'et nguan kopios ahkan dahpotoh ijo hinutbolega, ijo tomohoromat tutang ijo tohtapkototahiu.

1 KORINTUS 4:5

Kobain orih, tului jaha ohkotoh, ara ihkam joi-join nuhkas, ijo ihcobehti bosala ata'ai eam. Ngindoi iou nyiring Tuhan lombut noin. Io iou ijo ahkan nguap paring rahasia-rahasia, ijo bosuhuk a'ang kopindong. Iorih ijo ahkan ngahkas paring niat ijo hotuyuk ang luwang ahtoi ulunkolunon. Ang ohkot rih punai nyinong behti norima tahkan Pohotala tara ijo pahtut tonorimaoh.

2 KORINTUS 10:18

Tului ulun ijo botara, orihrih ulun ijo tonara bain Tuhan, eam ulun ijo monara aropoh bongoi.

PILIPI 2:3

Ara nguan aang'co, tului kojuan kogunan arop bongon, ata'ai ahkan mopojuhu arop. Sobalikoh hondakrih ihkam nyino-nyinong honong randah ahtoi tutang ngohu ulun bohkon labih pios tahkan arop bongon.

1 TESALONIKA 2:6

Ihkai eam ka'a ngurah jalan, ahkan ngondahpot tara tahkan ulun – pios tahkan ihkam, oluka tahkan ulun bohkon. Komorongoh kolou rasul Kristus, ihkai tou iou nutut aang'co tahkan ihkam.

1 TIMOTEUS 1:17

Pohotala, Lahca kokaron jaman, pahtut tonohoromat tutang tonotara hototurus, kotului Io ijo kototahiu, ijo eam gihtan, tutang tihkas Tukan! Amen.

IBRANI 3:12

Konduang-konduang bua-buah, ara nyiring anai ang louk'kam ihcobehti ijo ahtoioh kolorih koja'at, tutang eam porocaya, nyiring io ngulos tutang ngomahcu Pohotala ijo bolum!

YAKOBUS 2:1

Konduang-konduang! Kolou ulun ijo porocaya umba Tuhan Yesus Kristus, Tuhan Ijo Mahahoromat, ara ihkam ngobohkon-bohkon ulun hogalang hal-hal koului.

1 PETRUS 1:7

Tituioh iorih, ahkan mbukti inon ihkam tu'u-tu'u porocaya, umba Tuhan ata'ai eam. Bulou ijo duon rusak ka, tonguji umba baho. Nah, porocaya ihkam anairih labih borega tahkan bulou, jadi harus tonguji ka'a mangat monjadi segah. Tutang honong kolourih, ihkam ahkan tonara tutang tonohoromat, hawui tonongahtang ang ondou Yesus Kristus lombut hoduli.

YUDAS 1:25

Iorih ihco-ihcooh Pohotala, Ponyolamat ihto nguha Yesus Kristus Tuhan ihto. Iorih Pohotala ijo tonohoromat Hajo, Bokowasa tutang Bopongaroh tahkan jaman houn lomoi nyiring huntuh tutang ahkan turus-jahamoh! Amen.