YOHANES 5:34 - BOWOT BOHUA

³⁴ Hal tuh Ahku nuhtuioh eam tului Ahku perulu kosaksian tahkan kolunon, tahpi mangat'kam tonyolamat.

YOHANES 5:34 ပူးပေါင်းရင်းမြစ်များ

LUKAS 13:34

Yerusalem, Yerusalem! Nabi-nabi ihko munuoh! Ulun-ulun soruhan Pohotala ihko muhkahoh umba bahtu nyiring mahtoi! Jari pira tikat Ahku jolik ngoraup paring ulun'mu kolou pohuk ngolindung karon-anakoh ang pinda ilatoh, tahpi ihko eam kani!

LUKAS 19:10

Anak Ulun lombut ahkan ngurah tutang monyolamat ulun ijo lacat.’’

LUKAS 24:47

Ka'a ijo ngosan aran Lahca Ponyolamat rih koharusoh tomborihta ahkan uhtus-uhtus, ijo ulun harus hubah, tutang ijo Pohotala ngapun dusa-dusa. Tutang borihta rih harus tomborihta nopara tahkan Yerusalem.

YOHANES 20:31

Tahpi paringoh tuh tonyurat, mangat ihkam porocaya ijo Yesus anairih Lahca Ponyolamat, Anak Pohotala, tutang tului porocaya umba Io, ihkam ngondahpot pombolum.

YOHANES 5:32

Tahpi anai ulun bohkon ijo nonga kosaksian tohou Ahku, tutang Ahku ta'an ijo kosaksiaioh rih morong.

YOHANES 5:41

Ahku eam ngurah tara tahkan kolunon.

YOHANES 8:54

Yesus mutah, ‘‘Jahkaioh Ahku ngurah horomat ahkan arop-Ku bongok, kohoromatan-Ku rih eam aro rimaioh. Ijo mohoromat Ahku anairih Amai-Ku, ijo ihkam ngohu Pohotalan'kam,

RUMA 10:1

Konduang-konduang! Ahku rindu samasino ahkan uhtus aik'ku dahpot tonyolamatoh. Tutang ahku tu'u-tu'u bodo'a ahkan Pohotala bagi iro.

RUMA 10:21

Tahpi nitu uhtus Israel Yesaya nuhtui, ‘‘Koloutuhrih auh Pohotala, ‘Nyinong ondou Ahku nyuhcu longok-Ku ahkan ihco uhtus ijo mahang kuhungoh tutang eam sotia.’ ’’

RUMA 12:21

Ara mohonou arop'kam kalah bain ijo ja'at, tahpi kohinutoh Konduang ngalah koja'at umba komorong.

RUMA 3:3

Tahpi koloukuwoh amat ihco kobagi ulun Yahudi eam tehen? Kuwoh, tului orih Pohotala monjadi eam tehen?

1 KORINTUS 9:22

Ang tohun ulun-ulun ijo koyakinoh eam ba'as, ahku ka nguanang kolou ihcobehti ijo koyakinoh eam ba'as, mangat ahku duon nguhut iro monjadi murid Kristus. Pendekoh, ahku ngonjorian pari-paringoh ahkan paring ulun mangat umba jalan ijo koloukuwoh ka, ka'a ahku duon monyolamat ihcokobagi tahkan iro.

1 TIMOTEUS 4:16

Poriksa arop'mu tutang poriksa ka'a ajaran'mu. Hondakrih ihko te'et nguan paringoh rih, kotului umba kodorih ihko ahkan tonyolamat; pios arop'mu bongom, oluka ulun-ulun ijo ngonih'mu.

1 YOHANES 5:9

Ihto porocaya umba kosaksian kolunon, tahpi kosaksian Pohotala labih ba'as hino. Tutang orihrih kosaksian ijo jari tononga bain Pohotala tohou Anak-Oh.