YOHANES 5:25 - BOWOT BOHUA

²⁵ Porocayarih: Ahkan lombut ohkotoh – malah jari johcok ohkotoh – ulun mahtoi ahkan ngonih auh Anak Pohotala. Tutang ulun ijo ngonih-Oh ahkan bolum.

YOHANES 5:25 ပူးပေါင်းရင်းမြစ်များ

LUKAS 15:24

Tului anak'ku tuh jari mahtoi, huntuh bolum huli; io ijo nihou, huntuh tosombang huli.’ Turus nopara iro bopesta.

LUKAS 15:32

Tahpi ihto harusbopesta tutang jori-jorih, tului ari'mu orih rih jari mahtoi bolum huli; io jari nihou, tahpi huntuh jari sombang huli.’ ’’

LUKAS 9:60

Yesus mutah, ‘‘Nauh ulun mahtoi ngolowong ulun mahtoioh bongoi. Tahpi ihko ngohasu Ahku tulak tutang nuhtui borihta ijo Pohotala jari nopara moretah.’’

YOHANES 13:1

Ihcoondou sounumba tahkan Ondou Pesta Paska, Yesus jari ta'an ijo jari ohkotoh Io ahkan nohtah kolunon tuh ahkan buli nokuh Amai-Oh. Io ngasih umba ulun-ulun ijo monjadi aiu-Oh ang kolunon tuh, tutang Io tohtap ngasih iro nyiring ko-opahoh.

YOHANES 17:1

Uli hopander kolouorih, Yesus nokara nokuh langit tutang nuhtui, ‘‘Amai, huntuh jari johcok ohkotoh. Pohajoohrih Anak-Mu, mangat Anak-Mu ka mopohajo Amai.

YOHANES 4:21

‘‘Porocayalah,’’ hion Yesus umba io, ‘‘ihco ohkot ulun ahkan nyembah Amai, bohkon hino ang pupungpuruk tuh, tutang bohkon ka'a ang Yerusalem.

YOHANES 4:23

Tahpi ohkotoh ahkan lombut, molahan jari lombut, ijo umba kowasa Roh Pohotala ulun-ulun ahkan monyembah Amai, kolou Pohotala ijo morong, kolou ijo kononjolik Amai.

YOHANES 5:21

Amai rih ngomonyun ulun mahtoi, tutang nonga ahkan iro pombolum sojahti tutang kototahiu; kodorih ka Anak nonga pombolum ijo kototahiu ahkan ulun ijo kani tononga-Oh pombolum.

YOHANES 5:28

Ara ihkam helan ngonih hal tuh, tului ohkotoh ahkan lombut, ijo paring ulun ijo jari mahtoi ngonih auh-Oh,

YOHANES 6:60

Uliopah iro ngonih auh-auh Yesus rih, aro ang louk murid-Oh nuhtui, ‘‘Auh ajar tuh tokalou bahat. Iai ijo duon norimaoh!’’

YOHANES 8:43

Ombai ihkam eam solembang inon ijo Ahku nuhtui? Kotului ihkam eam tahan ngonih auh ajaran-Ku.

YOHANES 8:47

Ulun ijo asar tahkan Pohotala, ngonih auh Pohotala. Tahpi ihkam eam tahkan Pohotala, kotului orih ihkam eam kani ngonih.’’

YOHANES 9:27

Ulun orih mutah, ‘‘Jari ahku nuhtui ahkan'kam tahpi ihkam eam kani ngonih. Ombai ihkam kani ngonihoh hino? Mihkohino ihkam kani monjadi murid-murid-Oh ka'a?’’

RUMA 6:4

Umba pompondus orih, ihto tonanom umba Kristus tutang umba mahtoi homboh Io, mangat koloukuwohoh Kristus tonombolum tahkan popahtoi bain kowasan Amai ijo tonohoromat, kodorih ka ihto duon molalus ihco pombolum ijo bohua.

EPESUS 2:1

Lomoi ihkam mahtoi socara rohani tului ihkam bodusa tutang noturung poretah-poretah Pohotala.

EPESUS 2:5

nyiring ang ohkot ihto magun mahtoi socara rohani kotului koturung-koturung ihto, Io mombolum ihto hoduli hombo-homboh umba Kristus. Jadi tihkasrih kotului kopiosoh ahtoi Pohotala, ihkam tonyolamat kobaiu-Oh.

EPESUS 5:14

Bain paring ijo dahpot tonopahjah hawui torang, anairih koloang. Orih kotuluioh tonuhtui, ‘‘Monyun O ihko ijo ngarok, tutang kuat tahkan popahtoi! Kristus ahkan mopoloang ngosan'kam.’’

KOLOSE 2:13

Lomoi, ihkam jari mahtoi socara rohani, tului ihkam jari bodusa, tutang tului ihkam eam tonyunat socara koulun. Tahpi huntuh Pohotala ngombolum ihkam hombo-homboh umba Kristus, Pohotala jari mongapun dusa-dusan ihto,

PONGORINAH 3:1

‘‘Ahkan molehkat ukup ang Sardis, nyurat koloutuh: Tuhrih pohtoh tahkan Io ijo tepun kopihtu roh tahkan Pohotala tutang kopihtu potion rih. Ahku kota'an inon ijo ihkam nguaioh. Hioioh ihkam bolum, padahal ihkam mahtoi!