YOHANES 5:22 - BOWOT BOHUA

²² Amai bongoi eam mosara iai ka. Paring kowasa ahkan mosara jari tonyorahoh ahkan Anak-Oh.

YOHANES 5:22 ပူးပေါင်းရင်းမြစ်များ

MATEUS 11:27

Turus Yesus nuhtui, “Ko-paring ang'co, jadi tononyorah Amai ahkak-Ku. Eam aro ihcobehti ka kosono Anak, bohkon umba Amai. Eam aro ka'a ijo ngosono Amai bohkon umba Anak, tutang ulun-ulun ahkan iai Anak rih mongosono Amai.

MATEUS 16:27

Eam tahi hino Anak Ulun ahkan homboh umba molehkat-molehkat-Oh, ahkan lombut hapan kowasan Amai-Oh. Ang ohkotrih Io ahkan malos nyino-nyinong ulun sorurui umba gawiuoh.

MATEUS 28:18

Yesus ngondoni iro tutang nuhtui, “Paring kowasa ang soruga tutang ang ngosan tana jari tonyorah ahkak-Ku.

YOHANES 17:2

Amai jari nonga kowasa ngosan sohopus ukup kolunon ahkan Anak, mangat Io nonga pombolum sojahti tutang kototahiu, ahkan paring ulun ijo Amai nongarih ahkai-Oh.

YOHANES 3:35

Amai sita Anak-Oh, tutang jari nyarah paring ahkai kowasa-Oh.

YOHANES 5:27

Io jari nonga ahkan Anak-Oh hak ahkan mosara, tului Io Anak Ulun.

YOHANES 9:39

Yesus nuhtui, ‘‘Ahku lombut nokuh kolunon tuh mosara; mangat ulun ijo bobulen tou nohto, tutang ulun ijo tou nohto, monjadi bobulen.’’

KESAH RASUL-RASUL 10:42

Tutang Io nyuhu ihkai mborihta Kabar Hinut rih ahkan ulun-ulun tutang nonga kosaksian, ijo Io rih jari konahtang bain Pohotala, monjadi hakim ulun-ulun ijo magun bolum, tutang ulun-ulun ijo jari mahtoi.

KESAH RASUL-RASUL 17:31

Tului Io jari nuhkasoh sino ohkotoh mosara hopus kolunon tuh honong koadiloh. Gawi rih ahkan tonguan bain ihcobehti ijo jari ngopili Pohotala ahkan orih. Tutang ahkan paring ulun jahkin ahkan hal rih. Pohotala jari mombolumoh hoduli ulun rih tahkan popahtoi!’’

RUMA 2:16

Kodorih rih ijo ahkan nyolung noin aang ondou ijo jari tonahtapoh rih. Aang ondou orih – numbun Kabar Hinut ijo ahku mborihtaoh – Pohotala nguha Yesus Kristus, ahkan mosara kokaron kulim ahtoi, tutang tiruk paring ulun.

2 KORINTUS 5:10

Kotului musti ihto paringoh ahkan konomin nokuh noharep bosaran Kristus, tutang nyino-nyinong ahkan dahpot balosoh, sorurui umba gawiuoh ang kolunon tuh – gawi pios, ata'ai ka kaja'at.

2 TIMOTEUS 4:1

Kristus Yesus ahkan lombut hino nokuh kolunon tuh, ahkan mosara ulun-ulun ijo bolum tutang ijo mahtoi; tutang Io ahkan lombut ahkan moretah kolou Lahca. Bain kotului rih ahku nyawot hawui paham ahkan'mu ang toharep Pohotala tutang Kristus Yesus.

1 PETRUS 4:5

Tahpi iro noin, harus nonga tanggung-jawab ahkan Pohotala, ijo jari sodia ahkan mosara ulun, ijo bolum tutang ijo mahtoi.