YOHANES 5:20 - BOWOT BOHUA

²⁰ Kotului Amai ngasih umba Anak-Oh tutang ngorinah ahkai-Oh paring ijo konuai-Oh bongoi. Malah Amai ahkan ngorinah ahkai-Oh gawiu-gawiu ijo labih hajo hino, nyiring ihkam helan.

YOHANES 5:20 ပူးပေါင်းရင်းမြစ်များ

MATEUS 11:27

Turus Yesus nuhtui, “Ko-paring ang'co, jadi tononyorah Amai ahkak-Ku. Eam aro ihcobehti ka kosono Anak, bohkon umba Amai. Eam aro ka'a ijo ngosono Amai bohkon umba Anak, tutang ulun-ulun ahkan iai Anak rih mongosono Amai.

MATEUS 17:5

Pondehan Petrus magun hopander baunondou ijo boloang sino ngapuh'ndo tutang tahkan baunondou rih konahan auh ijo nuhtui, “Tuhrih Anak-Ku ijo Ahku ngasih-Oh, Io nyanang ahtoi-Ku. Ngonih Io!”

MATEUS 3:17

Uliorih konahan auh Pohotala nuhtui, “Jituh Anak-Ku ijo Ahku ngasih-Oh. Io ngojorih ahtoi-Ku.”

MATEUS 4:8

Pongohuli sehtan ngomin Yesus hino nokuh puruk ijo isung tu'u tutang nunjuk ahkan-Oh paring kolahca'an ang kolunon tutang paring kotahtouoh.

LUKAS 10:22

Karon aang'co jari tonosorah Amai ahkak-Ku. Eam ihcobehti ka ngosono Anak, bohkonumba Amai. Eam anai ka'a ijo ngosono Amai bohkonumba Anak; tutang ulun-ulun ahkan iai Anak rih ka'a nokosono Amai.’’

YOHANES 1:18

Eam aro ijo pu'u nohto Pohotala bohkonumba anak tukan Amai, ijo sama umba Amai tutang lehket sino umba Io. Iorih ijo ngorinah Amai ahkan ihto.

YOHANES 10:32

Tahpi Yesus nuhtui umba iro, ‘‘Ihkam ius nohto Ahku nguan aro gawi hinut, ijo sonyuhu Amai ahkak-Ku. Tahkan paring gawi orih, umoh ijo kobainoh ihkam kani medak Ahku?’’

YOHANES 14:12

Tu'u morong hiok-Ku tuh: Ulun ijo porocaya umba Ahku, ahkan nguanoh inon ijo Ahku jari nguaioh, – malah io ahkan nguan ijo labih hajo hino – tului Ahku tulak nokuh Amai-Ku.

YOHANES 15:15

Ihkam eam hino Ahku na'ah jihpon, tului jihpon eam ta'an inon ijo rahat tonguan tepuioh. Ihkam Ahku na'ahoh sobat kotului paring ijo Ahku ngonih tahkan Amai, jari Ahku nyorihtaoh ahkan'mu.

YOHANES 17:26

Ahku jari ngorinah aran Amai ahkan iro; tutang Ahku ahkan toturus nguai kodorih, mangat kasih Amai ahkak-Ku tohtap ang luwang ahtoi iro tutang Ahku hihco umba iro.’’

YOHANES 3:35

Amai sita Anak-Oh, tutang jari nyarah paring ahkai kowasa-Oh.

YOHANES 5:21

Amai rih ngomonyun ulun mahtoi, tutang nonga ahkan iro pombolum sojahti tutang kototahiu; kodorih ka Anak nonga pombolum ijo kototahiu ahkan ulun ijo kani tononga-Oh pombolum.

YOHANES 5:25

Porocayarih: Ahkan lombut ohkotoh – malah jari johcok ohkotoh – ulun mahtoi ahkan ngonih auh Anak Pohotala. Tutang ulun ijo ngonih-Oh ahkan bolum.

YOHANES 5:29

turus soluka tahkan kolowong. Ulun ijo jari nguan kohinut ahkan monyun bagi pombolum. Tahpi ulun ijo jari nguan koja'at ahkan monyun bagi tonohukum.’’

2 PETRUS 1:17

Ihkai anai ang anan, kotihka Io tohoromat, tutang tonohajo bain Pohotala, Amai. Ang ohkot rih konahan auh tahkan Ijo Mahahoromat ijo homouh umba Io, ‘‘Tuhrih Anak-Ku ijo Ahku ngasih-Oh. Io ngonjorih ahtoi-Ku!’’