YOHANES 5:19 - BOWOT BOHUA

¹⁹ Yesus mutah ulun-ulun rih koloutuh, ‘‘Porocayarih, Anak eam dahpot nguaioh ino-inon hapan kowasa aiu bongoi. Io tihkas nguanrih inon ijo Io nohto tonguan Amai-Oh. Kobain inon ijo tonguan bain Amai, orih ka'a ijo tonguan bain Anak.

YOHANES 5:19 ပူးပေါင်းရင်းမြစ်များ

MATEUS 26:39

Pongohuli Yesus tulak ngomahcu aropoh honjiot, turus Io nyundop ahkan tana tutang bodo'a. “Amai,” hioi-Oh, “amat tou, dian tahkan Ahku kokarot ijo Ahku harus nyuruoh tuh. Tahpi a'ai numbun konohuang-Ku, molekan numbun konohuang Amai iou.”

LUKAS 21:15

Ahku bongok ahkan nonga bagi'mu auh-auh tutang kopiosbudi bosara orih, nyiring eam ihcobehti ka tahkan musuh-musuh'kam duon ngolawan ata'ai nulak inon ijo ihkam nuhtuioh.

YOHANES 10:18

Eam aro ihcobehti ka duon ngomiuoh tahkan Ahku. Ahku nyarahoh ngosan konohuang-Ku bongok. Ahku bokowasa ahkan nyarahoh, tutang bokowasa ngomiuoh huli. Orihrih gawik'ku ijo Ahku torima tahkan Amai-Ku.’’

YOHANES 12:49

Kotului Ahku eam bopander tahkan konohuang-Ku bongok; Amai ijo nyuhu Ahku, Io iou ijo moretah ahkak-Ku inon ijo harus Ahku nyiaroh tutang nuhtuioh.

YOHANES 12:50

Tutang Ahku ta'an ijo poretah-Oh rih nonga pombolum sojahti tutang kototahiu. Mahka Ahku mborihtaoh kolou ijo tongajar Amai ahkak-Ku.’’

YOHANES 14:10

Pilipus! Eamkah ihko porocaya, ijo Ahku hihco umba Amai tutang Amai hihco umba Ahku? Inon ijo Ahku nuhtuioh ahkan'mu, eam Ahku nuhtui tahkan arop-Ku bongok. Amai ijo tohtap hihco honong Ahku, Iorih ijo nguanoh paringoh orih.

YOHANES 2:19

Yesus mutah, ‘‘Ngahkasohrih Lohpou tuh, tutang a'ang tolu ondou Ahku ahkan nombokoh hoduli.’’

YOHANES 3:3

Yesus mutah, ‘‘Porocayarih, eam ihcobehti ka duon monjadi anak uhkup Pohotala, amat io eam konanakrih hoduli.’’

YOHANES 5:21

Amai rih ngomonyun ulun mahtoi, tutang nonga ahkan iro pombolum sojahti tutang kototahiu; kodorih ka Anak nonga pombolum ijo kototahiu ahkan ulun ijo kani tononga-Oh pombolum.

YOHANES 6:38

Tului Ahku mosuluh tahkan soruga, bohkon ahkan nguanoh konohuang bongon, molekan konohuang Io ijo nyuhu Ahku.

YOHANES 8:28

Kotului orih Yesus nuhtui umba iro, ‘‘Noin amat ihkam jari mopoisung Anak Ulun, ihkam ahkan ta'an ijo, ‘Ahku rih Io ijo tonohawot AHKU ANAI,’ tutang ihkam ahkan ta'an ijo eam anai ihco ka ijo Ahku nguai tahkan arop-Ku bongok. Ahku tihkas nuhtui inon ijo tomajar Amai ahkak-Ku.

YOHANES 9:4

Kotahin magun hondou, ihto harus monguan gawin Io ijo jari nyuhu Ahku. Pindong ahkan lombut, tutang ihcobehti ka eam ahkan tou bogawi.

KESAH RASUL-RASUL 2:24

Tahpi Pohotala ngoponyunoh Io huli tahkan louk ulun-ulun mahtoi. Io tonolon bain popahtoi, tahpi Pohotala moliwus-Oh, tului eam anaiharapan Io konowasa toturus bain popahtoi.

RUMA 6:4

Umba pompondus orih, ihto tonanom umba Kristus tutang umba mahtoi homboh Io, mangat koloukuwohoh Kristus tonombolum tahkan popahtoi bain kowasan Amai ijo tonohoromat, kodorih ka ihto duon molalus ihco pombolum ijo bohua.

RUMA 8:11

Amat Roh Pohotala, ijo mombolum Kristus tahkan popahtoi, bolum ang luwang arop'kam, mahka Io ijo mombolum Kristus tahkan popahtoi rih, ahkan mombolum ka'a behtin'kam ijo dahpot mahtoi rih. Io nguan orih umba Roh-Aiou ijo bolum ang luwang'kam.

1 KORINTUS 15:12

Amat ijo ihkai mborihtaoh rih, iorih Kristus jari tonombolum hoduli tahkan popahtoi, ombai anai tahkan louk'kam ijo nuhtui, ijo ulun mahtoi eam ahkan tonombolum hoduli?

2 KORINTUS 4:14

Ihkai yakin, ijo Pohotala ijo jari ngombolum hoduli Tuhan Yesus, ahkan ngombolum ihkai ka'a honong Yesus, tutang ngomin ihkam tutang ihkai nokuh toharep-Oh.

2 KORINTUS 5:10

Kotului musti ihto paringoh ahkan konomin nokuh noharep bosaran Kristus, tutang nyino-nyinong ahkan dahpot balosoh, sorurui umba gawiuoh ang kolunon tuh – gawi pios, ata'ai ka kaja'at.

EPESUS 2:5

nyiring ang ohkot ihto magun mahtoi socara rohani kotului koturung-koturung ihto, Io mombolum ihto hoduli hombo-homboh umba Kristus. Jadi tihkasrih kotului kopiosoh ahtoi Pohotala, ihkam tonyolamat kobaiu-Oh.

EPESUS 3:16

Ahku bodo'a keleh Pohotala ijo tonohoromat jorih ahkan ngomba'as homboruan'mu umba Roh Aiu.

PILIPI 3:21

Behtin ihto ijo bolomu tutang duon maram tuh, ahkan konubah bain Kristus monjadi kolou behtin Aiu bongoi ijo borasih. Io dahpot nguan orih kotului Io anai-ngina kowasa duon pominda kokaro aangihco.

PILIPI 4:13

Umba kowasa ijo tononga Kristus ahkak'ku, ahku anai koba'as ahkan noharep kokaron kolou koada'an.

KOLOSE 1:11

Keleh umba kowasa tahkan Pohotala ijo pokohajoi, ihkam tonomba'as, nyiring ihkam duon tahan ngarot kokaro ang'co honong sabar tutang sanang ahtoi,

KOLOSE 1:16

Tului nguha Iorih Pohotala monaoioh karo ang'co ang soruga tutang ang ngosan tana, karo ang'co ijo gihtan tutang ijo eam gihtan, nyakum ka'a roh-roh ijo bokowasa tutang ijo moretah. Sohopus aangpindalangit tuh tona'oi nguha Kristus tutang ahkan Kristus.

1 TESALONIKA 4:14

Ihto porocaya ijo Yesus jari mahtoi tutang bolum hoduli. Orih kotuluioh, ihto porocaya ka'a, ijo Pohotala ahkan mbolum hoduli paring ulun ijo porocaya umba Yesus, tutang jari palus, mangat iro bolum homboh Io.

1 PETRUS 3:18

Kotului Kristus bongoi mahtoi tihkas sino iou, ahkan turus-jahamoh kotului dusan kolunon – ihcobehti ijo eam bosala, mahtoi ahkan ulun ijo bosala. Kristus nguan ohrih rih, mangat Io dahpot nihting ihkam nokuh Pohotala. Io tomunu socara behtiuoh, tahpi tonombolum hoduli socara rohani.

PONGORINAH 2:23

Dolang muridoh ahkan Ahku munu ka'a mangat paring ukup borondong ijo Ahku rih Io ijo nosot tiruk tutang ahtoi kolunon. Ihkam ahkan Ahku malos numbun gawin ihkam nyino-nyinong.