YOHANES 4:34 - BOWOT BOHUA

³⁴ Turus Yesus nuhtui, ‘‘Ukun-Ku anairih numbun kohondak Io ijo nyuhu Ahku, tutang ngo-opahoh gawi ijo tonyorah-Oh ahkak-Ku.

YOHANES 4:34 ပူးပေါင်းရင်းမြစ်များ

MATEUS 26:39

Pongohuli Yesus tulak ngomahcu aropoh honjiot, turus Io nyundop ahkan tana tutang bodo'a. “Amai,” hioi-Oh, “amat tou, dian tahkan Ahku kokarot ijo Ahku harus nyuruoh tuh. Tahpi a'ai numbun konohuang-Ku, molekan numbun konohuang Amai iou.”

MATEUS 3:15

Tahpi Yesus muhtah, “Nauhoh ih ahkan uhuntuh tului umba kolouorih ihto jari nguan paring ijo tongohondak Pohotala.” Jadi Yohanes mopondus Yesus.

MATEUS 9:19

Yesus kuat tutang homboh murid-murid-Oh tulak umba ulun rih.

LUKAS 15:10

Kolourih ka'a molehkat-molehkat Pohotala paham kojorihoh amat anai ihcoulun ja'at hubah tahkan dusa-dusan iro. Porocaya bewe!’’

LUKAS 19:10

Anak Ulun lombut ahkan ngurah tutang monyolamat ulun ijo lacat.’’

LUKAS 2:49

Yesus mutah, ‘‘Ombai amai tutang inai ngurah Ahku? Inon amai tutang inai eam kota'an ijo Ahku harus anai ang luwang lohpou Amai-Ku?’’

YOHANES 17:4

Ahku jari mopohajorih Amai ang ngosan tana tuh, hapan ngumbotoh konuak-Ku ijo Amai nyuhu ahkak-Ku.

YOHANES 19:28

Yesus ta'an ijo uhuntuh paringoh jari genep, tutang mangat inon ijo tonyurat a'ang Surat Borasih dahpot nyolung, Io nuhtui, ‘‘Ahku tojahbolai.’’

YOHANES 19:30

Yesus ngonyelap danum anggur rih, turus nuhtui, ‘‘JARI SUHKUP!’’ Turus Io nuhkom kuhung-Oh tutang palus.

YOHANES 4:32

Tahpi Yesus mutah, ‘‘Anai ukun aang Ahku, ijo eam ihkam ta'ai.’’

YOHANES 5:30

‘‘Ahku eam dahpot nguan ino-inon ngosan konohuang-Ku bongok. Ahku tihkas mosara numbun ijo ponoretah Pohotala. Tutang puhtusan-Ku rih adil, tului Ahku eam numbun konohuang-Ku bongok, molekan konohuang Amai ijo nyuhu Ahku.

YOHANES 5:36

Tahpi kosaksian-Ku labih hajo umba kosaksian Yohanes. Inon ijo huntuh Ahku nguaioh tuh, ijo orih gawi ijo tononga Amai ahkak-Ku, mbuktioh ijo Amai jari nyuhu Ahku.

YOHANES 6:33

Tului luhte ijo tononga Pohotala anai rih, Io ijo mosuluh tahkan soruga tutang nonga pombolum ahkan ulun ang kolunon.’’

YOHANES 6:38

Tului Ahku mosuluh tahkan soruga, bohkon ahkan nguanoh konohuang bongon, molekan konohuang Io ijo nyuhu Ahku.

YOHANES 8:29

Tutang Io ijo nyuhu Ahku anai hihco Ahku. Io eam pu'u mohonouoh Ahku bongok-Ku, tului Ahku hototurus nguan inon ijo monyanangoh ahtoi-Oh.’’

KESAH RASUL-RASUL 20:35

A'ang paring porokara ahku jari nonga sutu ahkan'kam ijo umba gawi karas koloutuh, ihto harus ndohop ulun-ulun ijo eam ba'as. Tului ihto harus ingat, ahkan inon ijo Tuhan Yesus bongoi jari nuhtui, ‘Labih sanangmangat nonga, tahkanumba norima.’ ’’

IBRANI 12:2

Hondakrih topahjah ihto nitu umba Yesus, bain Io ijo mbolum porocayan ihto tutang mohaga tahkan pahtuk nyiring laiu. Yesus tahan ngarot, ang kahju sopolahki! Io eam poduli ijo mahtoi, ang kahju sopolahki rih anairih angihco hal ijo ngomia. Io tihkas ingat ahkan kojorih ijo ahkan tonginyam-Oh pongohuli. Huntuh Io tuot ang sila kotuon pododusan Pohotala tutang moretah hihco umba Io.