YOHANES 4:15 - BOWOT BOHUA

¹⁵ Hion ulunbawi rih, ‘‘Tuan, nongarih ahku danum rih, mangat ahku eam tojahbolai hino; tutang eam usah hoduli nokuh ohtoi mangat ngalap danum.’’

YOHANES 4:15 ပူးပေါင်းရင်းမြစ်များ

YOHANES 4:16

‘‘Tulak ihko na'ah bosai'kam, turus hoduli nokuh ohtoi,’’ hion Yesus.

YOHANES 6:26

Yesus mutah, ‘‘Tu'u-tu'u, ihkam ngurah Ahku, eam kotului ihkam jari horahti maksud tandahelan-tandahelan ijo jari Ahku nguai, tahpi tului ihkam jari kuman nyiring bosuh.

YOHANES 6:34

‘‘Amai,’’ hion iro, ‘‘nongarih ahkan ihkai luhte rih hototurus.’’

YOHANES 6:35

‘‘AHKU RIH LUHTE IJO NONGA POMBOLUM,’’ hion Yesus umba iro. ‘‘Ulun ijo lombut nokuh Ahku eam ahkan bolo'u hino nyiring kototahiuoh. Tutang ulun ijo porocaya umba Ahku hototurus io eam ahkan tojahbolai hino, nyiring kototahiuoh.

RUMA 6:23

Tului popahtoi orih rih uhpah tahkan dusa, tahpi pombolum sojahti tutang kototahiu hihco umba Kristus Yesus Tuhan ihto, anairih pononga ijo tonongaoh bain Pohotala honong cuma-cuma.

RUMA 8:5

Ulun-ulun ijo bolum numbun tobiat kolunon, toturus niruk inon ijo tongojolikoh bain tobiat kolunon. Tahpi ulun-ulun ijo bolum numbun Roh Pohotala toturus niruk inon ijo tongojolikoh bain Roh Pohotala.

1 KORINTUS 2:14

Ulun ijo eam anaingina Roh Pohotala, eam dahpot monorima inon ijo ngorinah bain Roh rih. Kotului bagi ulun rih dolang hal konohawot kolou ihco kouong bewe. Ulun rih eam duon mohorahtioh, tului hal-hal rih tihkas duon tonilaioh numbun rohani.

YAKOBUS 4:3

Tutang amatka ihkam jari nyawotoh, ihkam ka eam ngondahpotoh, tului titun ponyawot'kam sala; inon ijo ihkam nyawotoh bayarih ahkan kosanang arop'kam bongon.

1 YOHANES 5:20

Ihto ta'an ijo Anak Pohotala jari lombut, tutang jari nongaoh kohorahti ahkan ihto, mangat ihto kosono Pohotala ijo morong. Ihto bolum hihco umba Pohotala ijo morong, tutang bolum hihco umba Anak-Oh Yesus Kristus. Tuhrih Pohotala ijo morong, tutang tuhrih pombolum ijo sojahti tutang kototahiu.