YOHANES 4:10 - BOWOT BOHUA

¹⁰ Yesus mutah, ‘‘Jahkaioh ihko kota'an ponongan Pohotala tutang iai ijo nyawot korih umba ihko, musti ihko bongom ijo nyawot danum umba-Oh, tutang Io ahkan nonga ahkan'kam danum bolum.’’

YOHANES 4:10 ပူးပေါင်းရင်းမြစ်များ

LUKAS 11:13

Oluka ihkam ja'at, ihkam ta'an ka'a nonga ijo pios ahkan anak'kam. Mahihino Amai'kam ijo ang soruga! Io ahkan nonga Roh-Oh ahkan iro ijo nyawot umba Io!’’

YOHANES 16:3

Iro nguan orih ahkan ihkam, tului iro jaha ngosono Amai kanika Ahku.

YOHANES 17:3

Tuhrih pombolum ijo sojahti tutang turus-jaham; mangat ulun ngosono Amai, puna ihco-ihcooh Pohotala ijo morong, tutang ngosono Yesus Kristus ijo sonuhu bain Amai.

YOHANES 3:16

Kotului Pohotala kodorih ngasih ulun ang kolunon tuh, nyiring Io nonga Anak-Oh ijo tukan, mangat nyino-nyinong ulun ijo porocaya umba Io eam binasa, molehkan norima pombolum sojahti tutang kototahiu.

YOHANES 4:14

‘‘tahpi ulun ijo ngorih danum ijo ahkan Ahku nongaoh, io eam ahkan tojahbolai hino nyiring kototahiu. Tului danum ijo ahkan Ahku nongaoh rih ahkan monjadi lowong danum ang luwang aropoh ijo ngombuhak soluka tutang nongarih ahkaioh pombolum ijo sojahti tutang kototahiu.’’

YOHANES 6:35

‘‘AHKU RIH LUHTE IJO NONGA POMBOLUM,’’ hion Yesus umba iro. ‘‘Ulun ijo lombut nokuh Ahku eam ahkan bolo'u hino nyiring kototahiuoh. Tutang ulun ijo porocaya umba Ahku hototurus io eam ahkan tojahbolai hino, nyiring kototahiuoh.

YOHANES 6:51

Ahkurih luhte ijo nosuluh tahkan soruga – luhte ijo nonga pombolum. Ulun ijo kuman luhte tuh ahkan bolum kototahiuoh. Luhte ijo ahkan Ahku nongaoh, ahkan pombolum ulun ang kolunon, anai rih usi-Ku.’’

KESAH RASUL-RASUL 9:11

Tuhan nuhtui, ‘‘Has ihko hihkas huntuh. Tulak nokuh lohpou Yudas ang Jalan Bujur. Ngisok ang anan ulun ijo bogare Saulus ijo asaroh tahkan kota Tarsus. Ulun rih beteng bodo'a,

RUMA 8:32

Anak-Oh bongoi eam tonyayang-Oh, molekan tonosorah-Oh ahkan kogunan ihto paring, lehan Io eam ahkan nonga ahkan ihto paring-aang ijo bohkonoh?

1 KORINTUS 1:30

Pohotala bongoi ijo napa nyiring Konduang hihco umba Kristus Yesus. Nguha Kristus, ihto monjadi horahti. Tutang nguha Io ka'a Pohotala nguan ihto hokopios hoduli umba arop-Oh, monjadi ihto ukup-Aiu ijo khusus tutang ngoliwus ihto.

1 KORINTUS 10:4

tutang ngorih, korih Rohani ijo sama. Iro paringoh ngorih tahkan puruk bahtu rohani ijo homboh iro; puruk bahtu orihrih Kristus bongoi.

2 KORINTUS 9:15

Hondaklah ihto norimakasih ahkan Pohotala ngosan pononga-Oh ijo luar biasa rih!

EPESUS 2:8

Pohotala mongasih ihkam, orih kotuluioh Io kani nyolamat ihkam, kotului ihkam porocaya umba Yesus. Kosolamat ihkam rih, eam tahkan bua usaha'kam bongom. Orih anairih ponongan Pohotala. Jadi, eam aro ihcobehti ka ijo dahpot mopojuhu aropoh tohou hal orih.

IBRANI 6:4

Tului ulun-ulun ijo jari murtad, eam harapan toniting hoduli. Iro lomoi jari anaimohcon ang luwang koloang tahkan Pohotala, tutang jari nginyam ponongan Aiu. Iro jari ka'a umba konowasa bain Roh Pohotala.

1 YOHANES 5:20

Ihto ta'an ijo Anak Pohotala jari lombut, tutang jari nongaoh kohorahti ahkan ihto, mangat ihto kosono Pohotala ijo morong. Ihto bolum hihco umba Pohotala ijo morong, tutang bolum hihco umba Anak-Oh Yesus Kristus. Tuhrih Pohotala ijo morong, tutang tuhrih pombolum ijo sojahti tutang kototahiu.

PONGORINAH 21:6

Turus Io nuhtui, ‘‘Jari genep! Ahku rih ijo pahtukoh, tutang ijo laiu; Ahkurih Tuhan tahkan Kopahtuk nyiring Pongolaiu. Nyinong ulun ijo tohjahbolai, ahkan Ahku nonga korih honong cuma-cuma tahkan tohasak danum, ijo nonga pombolum.

PONGORINAH 22:17

Roh Pohotala tutang Pongahten Bawi homouh, ‘‘Kanohtoi!’’ Nyinong ulun ijo ngonih tuh harus ka'a homouh, ‘‘Kanohtoi!’’ Iai ijo tohjahbolai pios io lombut! Tutang iai ijo ngojolikoh, pios io ngomin danum, ijo nonga pombolum rih, honong cuma-cuma.

PONGORINAH 7:17

kotului Anak Tobiri ijo tuot ang tohun-tohun pododusan rih nyolung sokahtik iro. Io ahkan ngitut iro nokuh tohasak danum ijo nonga pombolum. Tutang Pohotala ahkan ngapit karo danum mahto tahkan mahton iro.’’