YOHANES 21:2 - BOWOT BOHUA

² Ihco ondou Simon Petrus, Tomas ijo konohawot hotahtup, Natanael tahkan Kana ang Galilea, anak-anak Sebedeus, tutang duo murid Yesus ijo bohkonoh rahat hopuhpung.

YOHANES 21:2 ပူးပေါင်းရင်းမြစ်များ

MATEUS 10:3

Pongohuli Pilipus tutang Bartolomeus, honong Tomas tutang Mateus, ponagih pajak, hawui Yakobus anak Alpeus, tutang Tadeus;

MARKUS 1:19

Yesus nyalan turus, turus nohto hino duo behti hokonduang ijo bohkon, yorih Yakobus tutang Yohanes anak-anak Sebedeus. Iro anai ang luwang alut ngorong jala'ndo.

LUKAS 5:10

Kolourih ka'a umba injah-jolahan Simon, iorih Yakobus tutang Yohanes, anak-anak Sebedeus. Yesus nuhtui umba Simon, ‘‘Ara mihkoh! Nopara uhuntuh, ihko ahkan monjadi ponjala ulun.’’

YOHANES 1:45

Pilipus monyombangoh umba Natanael tutang nuhtui umbaoh, ‘‘Ihkai jari nyombangoh ulun ijo konohawot bain Museh a'ang buhku Turat Pohotala, tutang ijo tomborihta bain nabi-nabi. Iorih Yesus tahkan Nasaret, anak Yusep.’’

YOHANES 11:16

Tomas ijo konohawot ‘‘Anak tahtup’’ nuhtui umba injah-injahoh murid-murid Yesus, ‘‘Olai ihto umba, nauhoh ihto mahtoi homboh Io!’’

YOHANES 2:1

Duo ondou pongohuli anai pesta kawin ang lowu Kana ang Galilea, tutang inai Yesus anai ang anan.

YOHANES 2:11

Orih rih tandahelan topahtukoh ijo tonapaoh Yesus. Io nguanoh orih ang Kana ang Galilea. Honong tanda orih Io ngorinahrih kohajoi-Oh. Mahka murid-murid-Oh porocaya umba Io.

YOHANES 20:28

Tomas nuhtui umba Yesus, ‘‘Tuhan'ku tutang Pohotala'ku!’’

YOHANES 4:46

Pongohuli Yesus buli nokuh Kana ang Galilea, ang anan Io pu'u ngubah danum monjadi anggur. Ang lowu rih anai ihcobehti pogawai pomoretah, anakoh rahat mondam ang Kapernaum.