YOHANES 21:17 - BOWOT BOHUA

¹⁷ Bagi ijo kotolu tikatoh Yesus ngisok hino umba io, ‘‘Simon anak Yona, kuwohkah ihko mongasih Ahku?’’ Petrus monjadi porosahtoioh kotului Yesus ngisok umbaoh nyiring kotolu tikat. Mahka Petrus mutah hino, ‘‘Tuhan, Tuhan ta'an kopari-paringoh, Tuhan ta'an ahku mongasih Tuhan!’’ Turus Yesus nuhtui umba io, ‘‘Nyokahtik tobiri-tobiri-Ku.

YOHANES 21:17 ပူးပေါင်းရင်းမြစ်များ

MATEUS 25:40

Lahca rih ahkan mutah, ‘Kota'an ih; ohkot ihkam nguan hal orih sinoka umba anai ihcobehti, tahkan konduang-konduang-Ku ijo paling hina, rimai ihkam jari nguaioh umba Ahku!’

MARKUS 14:72

Ang ohkot rih ka'a manuk dalung nandu ahkan koduo tihkatoh. Tutang Petrus topoingat, ijo Yesus nuhtui ahkaioh, ‘‘Hounumba manuk dalung nandu duo tikat, ihko tolu tikat eamngahku Ahku.’’ Mahka Petrus ka'a nangih sira-sirak.

YOHANES 12:8

Ulun porosbolum hototurus anai ang parak ihkam, tahpi Ahku eam.’’

YOHANES 13:38

Yesus mutah, ‘‘Tu'u-tu'urih ihko rela mahtoi bagi-Ku? Ngota'an iou, sountahkan dalungmanuk nandu noin, ihko jari tolu tihkat nuhtui ijo ihko eam ngosono Ahku!’’

YOHANES 14:15

‘‘Amat ihkam ngasihoh Ahku, ihkam ahkan molalusoh poretah-poretah-Ku.

YOHANES 15:10

Amat ihkam molalus poretah-poretah-Ku, ihkam tohtap te'et ahkan kasih-Ku, sama kolou Ahku tohtap te'et umba kasih Amai tului molalus poretah-poretah-Oh.

YOHANES 16:30

tutang ihkai ta'an ijo Tuhan ta'an paringoh. Eam usah ihcobehti ka ngisok ino-inon umba Tuhan. Kotului orih ihkai porocaya Tuhan lombut tahkan Pohotala.’’

YOHANES 18:27

Turus Simon Petrus eam ngahku hino, ‘‘Eam,’’ – tutang pas ang ohkot rih manuk dalung nondu.

YOHANES 18:4

Yesus ta'an paring ijo ahkan nyolung aang arop-Oh. Jadi Io soluka ngondonioh ulun-ulun orih tutang ngisok, ‘‘Ihkam ngurah iai?’’

YOHANES 21:18

Tu'u morong hiak-Ku tuh: Kotihka ihko magun biou, ihko bongom mohtong kahang'mu, tutang tulak nokuh umoh bewe ihko nohuang. Tahpi amat ihko jari oko noin, ihko notahjuk longon'mu, tutang ulun bohkon ijo ngohut ihko tutang ngomin ihko nokuh umoh ihko eam kani nokuhoh.’’

YOHANES 4:16

‘‘Tulak ihko na'ah bosai'kam, turus hoduli nokuh ohtoi,’’ hion Yesus.

KESAH RASUL-RASUL 1:24

Turus iro bodo'a. Iro nuhtui, ‘‘Tuhan Ihko kota'an ahtoi paring ulun. Yudas jari bokisat tahkan ponuotoh, kolou rasul tutang jari mahtoi. Jadi ngorinah ahkan ihkai iai tahkan duo behti tuh ijo Tuhan mitih ahkan tononga gawi orih ngatioh Yudas.’’

KESAH RASUL-RASUL 11:10

Ahku nohto hal rih nyiring tolu tikat tutang kojoriaioh paringoh hogahtang hoduli nokuh soruga.

KESAH RASUL-RASUL 15:8

Tutang Pohotala ijo ngosono ahtoi ulun jari ponokarahoh ijo Io norima iro; Pohotala pokarah hal-hal orih hawui nonga ahkan iro Roh Pohotala, sama kolou ijo jari tononga-Oh ahkan ihto ka'a.

2 KORINTUS 1:12

Ihkai tamam, tului ahtoi bua ihkai, moyakin ihkai, ijo pombolum ihkai ang kolunon tuh – pahtukoh kohihco ihkai umba Konduang, ius ihkai nihtoioh hawui ihlas, tutang borasih. Ihkai nguan orih rih eam tului kohorahtin ulun, tahpi tului koulih ijo tononga Pohotala.

EPESUS 4:30

A'airih monyedihoh ahtoi Roh Pohotala. Ihkam jari tonyegel umba Roh monjadi ain Pohotala. Roh rih ka'a monjadi jaminan, ijo Ondou Komorodehka ahkan lombut ahkan'kam.

1 PETRUS 1:6

Kotului orih hondakrih ihkam jorih ahtoi, oluka huntuh bagi pondehan ohkot, ihkam harus monjadi sedih tului ihkam nyuru mahca-mahcam tihkos.

2 PETRUS 3:1

Konduang-konduang ijo ahku sitaoh! Tuhrih surat'ku ijo koduo ahkan'kam. Ang luwang koduo surat tuh ahku bousaha ngomonyun tiruk-tiruk ijo borasih aang ihkam.

PONGORINAH 2:23

Dolang muridoh ahkan Ahku munu ka'a mangat paring ukup borondong ijo Ahku rih Io ijo nosot tiruk tutang ahtoi kolunon. Ihkam ahkan Ahku malos numbun gawin ihkam nyino-nyinong.

PONGORINAH 3:19

Ulun-ulun ijo Ahku ngasioh; iro ijo Ahku ningak tutang Ahku mahcatoh. Tului orih hondakrih ihkam bosomangat, tutang hubah tahkan dusa-dusan'kam.