YOHANES 20:17 - BOWOT BOHUA

¹⁷ ‘‘Ara nambit Ahku,’’ hion Yesus umba io, ‘‘tului Ahku jaha tulak nuhkat nokuh Amai. Tahpi tulak iou nokuh konduang-konduang-Ku, tutang momborihta ahkan iro ijo Ahku uhuntuh nuhkat nokuh Amai-Ku tutang Amai'kam, Pohotalak-Ku tutang Pohotalan ihkam.’’

YOHANES 20:17 ပူးပေါင်းရင်းမြစ်များ

MATEUS 12:50

Ulun ijo nguan kohondak Amai-Ku ijo ang soruga, iorih konduang-Ku bahkas, tutang bawi, tutang inai-Ku.”

MATEUS 25:40

Lahca rih ahkan mutah, ‘Kota'an ih; ohkot ihkam nguan hal orih sinoka umba anai ihcobehti, tahkan konduang-konduang-Ku ijo paling hina, rimai ihkam jari nguaioh umba Ahku!’

MATEUS 28:7

Uhuntuh tulak jele-jeleng, monyiaroh ahkan murid-murid-Oh, ‘Io jari bolum tutang huntuh Io tulak labih soun umba ihkam, nokuh Galilea. Ang anan ihkam ahkan nohto Io!’ Ngingat iou, inon ijo jari tonuhtui-Oh ahkan'kam.”

MARKUS 12:26

Tutang tohou ulun mahtoi tongombolum hoduli, jaha pu'ukah ihkam mambasa ang luwang Surat Borasih Museh, tohou ruwut ijo ngonjelak rih? Ang luwang ayat-ayat rih, tonyurat ijo Pohotala nuhtui ahkan Museh, ‘Ahku tuh Pohotalan Abraham, Pohotalan Isaak, Pohotalan Yakub.’

MARKUS 16:19

Limbah Tuhan Yesus hopander umba iro, Io hogahtang ahkan soruga. Ang anan Io moretah hihco umba Pohotala.

LUKAS 10:4

Ara ngomin ehpok ata'ai kambut pononga, ata'ai ka sorupah. Ara tondo ang beteng jalan ahkan nunga tabe ahkan ihcobehti ka ka'a.

YOHANES 13:1

Ihcoondou sounumba tahkan Ondou Pesta Paska, Yesus jari ta'an ijo jari ohkotoh Io ahkan nohtah kolunon tuh ahkan buli nokuh Amai-Oh. Io ngasih umba ulun-ulun ijo monjadi aiu-Oh ang kolunon tuh, tutang Io tohtap ngasih iro nyiring ko-opahoh.

YOHANES 13:3

Yesus ta'an ijo Amai jari nonga paring kowasa ahkai-Oh. Io ta'an ka'a ijo Io lombut tahkan Pohotala tutang ahkan buli nokuh Pohotala.

YOHANES 14:2

Ang lohpou Amai-Ku anai aro unuk mohcon. Ahku tulak nokuh anan ahkan monyodia unuk bagi'kam. Ahku eam ahkan nuhtui kodorih ahkan'kam, jahkaioh orih eam kolourih.

YOHANES 14:28

Ihkam jari ngonih Ahku nuhtui, ‘Ahku ahkan tulak, tahpi Ahku ahkan lombut hoduli ahkan ihkam.’ Amat ihkam ngasih Ahku, ihkam sanang Ahku tulak nokuh Amai, tului Amai labih hajo tahkan Ahku.

YOHANES 14:6

Yesus mutah, ‘‘AHKU TUH JALAN AHKAN NGOSONO POHOTALA TUTANG NGONDAHPOT POMBOLUM. EAM ARO IHCOBEHTI KA DAHPOT LOMBUT NOKUH AMAI AMAT EAM NOKALOU AHKU.

YOHANES 16:28

Puna Ahku asaroh tahkan Amai, tutang jari lombut nokuh luwang kolunon. Tahpi huntuh Ahku nohtahoh kolunon ahkan buli nokuh Amai.’’

YOHANES 17:11

Uhuntuh Ahku kani lombut nokuh Amai. Ahku eam mohcon hino ang kolunon; tahpi iro anai ang kolunon. Amai ijo borasih! Jaga rih iro umba kowasan aran Amai, io orih aran ijo jari Amai nongaoh ahkak-Ku – mangat iro monjadi ihco, sama kolou Amai tutang Ahku ka'a ihco.

YOHANES 17:25

Amai ijo adil! Kolunon eam kosono Amai, tahpi Ahku ngosono Amai; tutang ulun-ulun tuh ta'an ijo Amai nyuhu Ahku.

YOHANES 17:5

Amai! Pohajoohrih Ahku uhuntuh aang Amai, honong kohajo ijo Ahku tepui hihco Amai sounumba kolunon tuh tona'oi.

YOHANES 20:27

Pongohuli Yesus nuhtui umba Tomas, ‘‘Nohto longok-Ku, tutang ngina iking'mu ang ohtoi. Ngonjuluk longon'mu tutang nginaoh ang kombuhang-Ku. Ara bembang hino, tahpi porocaya iou!’’

YOHANES 7:33

Yesus nuhtui umba ulun aro ang luwang Lohpou Tuhan, ‘‘Tihkas honjulu iou Ahku magun hihco umba ihkam. Ulirih Ahku tulak ahkan ijo nyuhu Ahku.

RUMA 8:29

Iro ijo jari konopili bain Pohotala, jari ka'a tonahtap tahkan toparai-Oh ahkan monjadi samakolou umba Anak-Oh, io rih Yesus Kristus. Honong kodorih, Anak rih monjadi ijo pahtuk ang louk aro Konduang-konduang-Oh.

2 KORINTUS 6:18

Ahku ahkan monjadi Amai'mu, tutang ihkam ahkan monjadi anak-anak-Ku, kolouorih hion Tuhan Ijo Mahakowasa.’’

GALATIA 3:26

Tului ihkam porocaya umba Kristus Yesus, mahka ihkam hihco umba Io; tutang bain kotului orih ihkam monjadi anak-anak Pohotala.

IBRANI 11:16

Tahpi korinahoh, iro rindu umba 'cokobawak lowu ijo labih hinut, iorih lowu ang soruga. Orihrih kotuluioh Pohotala eam mia amat iro ngohawot Io Pohotalan'ndo, bain Pohotala jari nahtap ihcokobawak lowu bagi iro.

IBRANI 8:10

Tahpi huntuh, tuhrih bowot ijo ahkan Ahku nguai umba ukup Israel, ang ondou-ondou ijo ahkan lombut hion Tuhan: Ahku ahkan ngina hukum-Ku ahkan luwang tiruk iro tutang nyuratoh aang ahtoi iro, Ahku ahkan monjadi Pohotalan iro, tutang iro ahkan monjadi ukup-Ku.

1 PETRUS 1:3

Olailah ihto norimakasih umba Pohotala, Amai, Tuhan ihto Yesus Kristus! Io paham mongasih ihto, orih kotuluioh Io nonga ahkan ihto pombolum ijo bohua, hawui mombolum hoduli Yesus Kristus tahkan popahtoi. Tuh mononga'kan ihto harapan ijo segah.

1 YOHANES 3:2

Konduang-konduang ijo tonyita! Ihto huntuh anairih anak-anak Pohotala, tahpi koada'an ihto noin, jaha korinah. Tahpi ihto ta'an ijo amat Kristus lombut, ihto ahkan nyolung kolou Io, kotului ihto ahkan nohto Io a'ang koada'an-Oh ijo komorongoh.

PONGORINAH 21:3

Turus ahku ngonih auh tahkan pododusan rih na'ah honong muhing, ‘‘Uhuntuh unuk mohcon Pohotala anairih sama-sama umba ulun! Io ahkan bolum umba iro, tutang iro ahkan monjadi ukup Aiu. Pohotala bongoi ahkan anai umba iro ahkan monjadi Pohotalan iro.

PONGORINAH 21:7

Ulun-ulun ijo manang ahkan norima hal-hal rih tahkanumba Ahku. Ahku ahkan monjadi Pohotalaioh, tutang io monjadi anak-Ku.