YOHANES 20:1 - BOWOT BOHUA

¹ Aang ondou Minggu ngohkos, ohkot magun bota-botat, Maria Magdalena tulak nokuh tanom. Io nohto bahtu pongatopoh jari tokisat tahkan bauntanom rih.

YOHANES 20:1 ပူးပေါင်းရင်းမြစ်များ

MATEUS 27:56

Ang loukoh, iorih Maria Magdalena, Maria inai Yakobus tutang Yusep, tutang inai anak-anak Sebedeus.

MATEUS 27:60

Turus io pokaling otun Yesus ang luwang tanom aiuoh bongoi, ijo tonapaoh ang luwang ihco puruk bahtu. Uliorih io molinang ihcokobawak bahtu hajo nuhtup boun luwang tanom rih, turus tulak.

MATEUS 27:64

Tului orih, nyuhu ulun monjaga tanom rih pio-pios nyiring ondou ijo kotolu, ahkan murid-murid-Oh eam duon nahkou otui-Oh, turus nuhtui umba ulun-ulun ijo Io jari bolum hoduli tahkan popahtoi. Tutang punga ijo laiu tuh ahkan paling ja'at umba ijo pahtukoh.”

MATEUS 27:66

Turus iro tulak nokuh tanom, nyegel bahtu ponuhtupoh, tutang ngina ponjaga ang bauioh, mangat eam anai ijo nganggu kolowong rih.

MATEUS 28:1

Kotihka ondou Sabat jari nyihing ang ondou Minggu ngohkosjowujowuk samasino, Maria Magdalena tutang Maria ijo bohkon rih ka'a tulak nohto lowong rih.

MATEUS 28:2

Songela nyolung tana moruguh ijo monyangit. Ihcobehti molehkat Tuhan nosuluh tahkan soruga turus molinang bahtu atop lowong tanom orih hawoi tuot ang ngosanoh.

MARKUS 15:46

Turus Yusep moli benang pomukusotu tahkan benang lena pongopiosoh, tutang uli rih posuluh otun Yesus, io mukusoh umba benang lena rih. Pongohino rih io pokalingoh otui rih ang luwang ihco tanom ijo tonguai ang luwang puruk bahtu. Uliorih rih io molinang ihco bahtu hajo ponuhtup bauntukang tanom rih.

MARKUS 16:9

Uli Yesus monyun tahkan louk ulun mahtoi, homboh ngohkos ang ondou Minggu, Io pahtok-Oh pokarah arop-Oh ahkan Maria Magdalena. (Tahkan Maria orih pu'u Yesus muhko pihtu roh ja'at.) Ulun-ulun bawi tulak nokuh Petrus tutang injah-injah, turus nyorihtaoh honong iwak, paring ijo jari tonyorihtaoh ahkan iro bain ulun biou rih.

YOHANES 11:38

Yesus paham nanyamngasi hino, turus Io tulak nokuh tanom. Tanom rih tonapa tahkan lowong guha ijo konahtop umba bahtu hajo.

YOHANES 11:41

Mahka iro ngahtun bahtu orih. Pongohino Yesus nokara nokuh langit tutang nuhtui, ‘‘Torimakasih Amai, tului Ihko jari ngonih Ahku.

YOHANES 19:25

Ang doni sopolahkin Yesus, tombok inai Yesus, konduang bawi inai-Oh, Maria oruh Klopas, tutang Maria Magdalena.

YOHANES 20:26

Ihcominggu pongohuli murid-murid Yesus anai hino ang unuk orih, tutang Tomas tohko ka'a. Paring bauntukang tongulim. Tahpi Yesus lombut tutang tombok ang tohun-tohun iro hawui nuhtui, ‘‘Tabe kosanangkomangat ahkan'kam.’’

KESAH RASUL-RASUL 20:7

Ngalomi minggu ihkai hopuhpung mangat kuman hombo-homboh kolou hokonduang. Paulus pande-pander umba ulun-ulun tului ngohkosoh ngewak tulak. Nyiring tohun ngolomi Paulus pander toturus.

1 KORINTUS 16:2

Aang ondou pahtukoh, nyinong menggu, kopiosoh Konduang paringoh misah duit, nyinong behti sorurui umba kodahpotoh. Ngina duit orih nyiring ahku lombut, mangat aang ohkot rih eam porulu hino tonipun.

PONGORINAH 1:10

Aang ondou Tuhan, ahku konowasa bain Roh Pohotala turus ahku ngonih auh ijo muhing – kolou auh trompet – pander ang lihkut'ku.