YOHANES 2:19 - BOWOT BOHUA

¹⁹ Yesus mutah, ‘‘Ngahkasohrih Lohpou tuh, tutang a'ang tolu ondou Ahku ahkan nombokoh hoduli.’’

YOHANES 2:19 ပူးပေါင်းရင်းမြစ်များ

MATEUS 12:40

Yona mohcon tolu ondou tolu malom ang luwang buhtui ohcin hajo. Kodorih ka'a Anak Ulun ahkan mohcon tolu ondou tolu malom ang luwang buhtui tana.

MATEUS 16:21

Nopara tahkan ohkot orih, Yesus nuhtui turus tarang ahkan murid-murid-Oh, ijo Io harus tulak nokuh Yerusalem tutang nyuru aro ngarot tahkan okon-okon, imam-imam kopala, tutang guru-guru agama. Io ahkan buah punu, tahpi ang ondou kotolu Io ahkan bolum hoduli.

MATEUS 27:40

Iro nuhtui, “Ihko ijo kani ngahkas Lohpou Pohotala, tutang mangunoh hino ang tolu ondou! Amat Ihko Anak Pohotala, mosuluh rih tahkan sopolahki rih, tutang nyolamat arop'mu!”

MATEUS 27:63

tutang nuhtui, “Tuan, ihkai ingat ohkot pomunga orih magun bolum, Io pu'u nuhtui, ‘Ulimba tolu ondou, Ahku ahkan bolum.’

MARKUS 14:58

‘‘Ihkai pu'ungonih ulun tuh nuhtui, ‘Ahku ahkan ngahkas Lohpou Pohotala tuh ijo konuan bain ulun, tutang uli tolu ondou, Ahku ahkan nombok ijo bohkon ijo eam tonapa ulun.’ ’’

MARKUS 15:29

Ulun-ulun ijo nguha ang anan ngeleng-ngiling kuhungoh, tutang mohina Yesus. Iro nuhtui, ‘‘Uh, Ihko ijo kani ngahkas Lohpou Pohotala, tutang nombokoh ang tolu ondou.

MARKUS 8:31

Ulioh rih, Yesus nopara majar murid-murid-Oh ijo Anak Ulun musti ngarot aro, tutang ahkan tonolawan bain okon-okon, imam-imam kopala, tutang guru-guru agama. Io ahkan tomunu, tahpi aang ondou tolu Io ahkan bolum hoduli.

YOHANES 11:25

‘‘AHKU TUH IJO NONGA POMBOLUM TUTANG NGOMONYUN ULUN MAHTOI,’’ hion Yesus umba Marta. ‘‘ULUN IJO POROCAYA UMBA AHKU AHKAN BOLUM, OLU KA IO JARI MAHTOI.

YOHANES 5:19

Yesus mutah ulun-ulun rih koloutuh, ‘‘Porocayarih, Anak eam dahpot nguaioh ino-inon hapan kowasa aiu bongoi. Io tihkas nguanrih inon ijo Io nohto tonguan Amai-Oh. Kobain inon ijo tonguan bain Amai, orih ka'a ijo tonguan bain Anak.

KESAH RASUL-RASUL 2:24

Tahpi Pohotala ngoponyunoh Io huli tahkan louk ulun-ulun mahtoi. Io tonolon bain popahtoi, tahpi Pohotala moliwus-Oh, tului eam anaiharapan Io konowasa toturus bain popahtoi.

KESAH RASUL-RASUL 2:32

Yesus tuhrih ijo tonombolumoh hoduli tahkan louk ulun mahtoi bain Pohotala. Ihkai paring jari monyaksioh bangon 'kai hal orih.

KESAH RASUL-RASUL 3:15

Konduang-konduang munu Io, padahar kopunaoh Io rih luwang tohasak pombolum ahkan paring ulun. Tutang Pohotala jari ngombolum Io huli tahkan popahtoi. Ihkai jari monyaksi bongon 'kai hal rih.

KESAH RASUL-RASUL 3:26

Orih kotuluioh Pohotala ngopili Jihpoi-Oh turus nyuhu Io lombut nokuh ihkam paling houn, mangat Io mborehkat ihkam. Caraoh Io mborehkat ihkam, iorih, hawui nguan Konduang-konduang paring hubah tahkan cara pombolum ijo ja'at.’’

KESAH RASUL-RASUL 6:14

Ihkai jari ngonih io nuhtui: ijo Yesus tahkan Nasaret rih ahkan morusak Lohpou Pohotala tuh, turus ngubah paring hadat ijo nonga Museh ahkan ihto!’’

RUMA 4:24

tahpi ka'a ahkan ihto. Ihto ka'a ahkan tonorima monjadi ulun ijo ngojorih ahtoi Pohotala, kotului ihto porocaya ahkan Pohotala ijo mombolum Yesus Tuhan ihto, tahkan popahtoi.

RUMA 6:4

Umba pompondus orih, ihto tonanom umba Kristus tutang umba mahtoi homboh Io, mangat koloukuwohoh Kristus tonombolum tahkan popahtoi bain kowasan Amai ijo tonohoromat, kodorih ka ihto duon molalus ihco pombolum ijo bohua.

RUMA 8:11

Amat Roh Pohotala, ijo mombolum Kristus tahkan popahtoi, bolum ang luwang arop'kam, mahka Io ijo mombolum Kristus tahkan popahtoi rih, ahkan mombolum ka'a behtin'kam ijo dahpot mahtoi rih. Io nguan orih umba Roh-Aiou ijo bolum ang luwang'kam.

1 KORINTUS 15:12

Amat ijo ihkai mborihtaoh rih, iorih Kristus jari tonombolum hoduli tahkan popahtoi, ombai anai tahkan louk'kam ijo nuhtui, ijo ulun mahtoi eam ahkan tonombolum hoduli?

KOLOSE 2:12

Kotului ang ohkot ihkam ponopondus, ihkam tonanom homboh Kristus; tutang hawui popondus orih ka'a, ihkam umba tonombolum hoduli hombo-homboh Kristus, kotului ihkam porocaya ahkan kowasan Pohotala ijo jari ngombolum Kristus tahkan popahtoi.

1 PETRUS 3:18

Kotului Kristus bongoi mahtoi tihkas sino iou, ahkan turus-jahamoh kotului dusan kolunon – ihcobehti ijo eam bosala, mahtoi ahkan ulun ijo bosala. Kristus nguan ohrih rih, mangat Io dahpot nihting ihkam nokuh Pohotala. Io tomunu socara behtiuoh, tahpi tonombolum hoduli socara rohani.