YOHANES 2:18 - BOWOT BOHUA

¹⁸ Pongowasa-pongowasa Yahudi molawan Yesus, hion iro, ‘‘Cuba nguan tandahelan kolou tanda ahkan ihkai, ijo Ihko bohak botindak koloutuh.’’

YOHANES 2:18 ပူးပေါင်းရင်းမြစ်များ

MATEUS 21:23

Pongohino Yesus hoduli nokuh Lohpou Tuhan, turus nyolong tutang majar ang anan. Ohkot Io uhun majar, imam-imam kopala tutang okon-okon Yahudi lombut nokuh Io tutang ngisok, “Ngosan galang inon Ihko duon nguan paringoh rih? Iai ijo nonga hak rih ahkan-Kam?”

MARKUS 8:11

Pira-pira ulun Parisi lombut nokuh Yesus, tutang nopara bodebat umba Yesus, ahkan nyokohtung-Oh. Iro nyawot Yesus napa kahtahelan kolou tanda ijo Io lombut tahkan Pohotala.

LUKAS 11:29

Pondehan ulun-ulun ngorumbung Yesus, Yesus turus ka'a nuhtui, ‘‘Eam inon koja'at ulun-ulun zaman tuh. Iro nyawot ihco kahtahelan mangat iro dahpot porocaya umba Ahku, tahpi iro eam ahkan tononga ihco kahtahelan ka'a, kocoali kahtahelan Nabi Yona.

YOHANES 1:19

Dolang pongowasa Yahudi ang Yerusalem nyuhu imam-imam tutang ulun-ulun Lewi tulak nokuh Yohanes tutang ngisokoh umba io, ‘‘Ihko tuh iai?’’

YOHANES 1:25

ngisok, ‘‘Amat ihko bohkon Lahca Ponyolamat, bohkon Elia, bohkon ka'a Sang Nabi orih, ombai ihko mopondus?’’

YOHANES 6:30

‘‘Amat kolourih,’’ hion'ndo, ‘‘tanda inon ijo dahpot Amai ngorinah ahkan ihkai, mangat ihkai nohtooh tutang porocaya umba Amai? Inon ijo ahkan Amai nguaioh?

KESAH RASUL-RASUL 4:7

Petrus tutang Yohanes omin noharep iro, turus iro ngisok, ‘‘Koloukuwoh cara'kam ngopios ulun bolomu rih? Umba koba'as tahkan amoh, ata'ai umba kowasa tahkan iai, ihkam nguan ang orih?’’

KESAH RASUL-RASUL 5:28

Io nuhtui, ‘‘Ihkai jari baca ihkam honong karas mangat ara majar tohou Ulun rih. Tahpi uhuntuh cuba nohto inon ijo ihkam nguai! Ihkam nyiar pongajaran'mu rih, ang sohapus Yerusalem, tutang ihkam malah kani ndawa ijo ihkailah ijo kotuluioh popahtoi Ulun rih.’’