YOHANES 18:20 - BOWOT BOHUA

²⁰ Yesus mutah, ‘‘Ahku hototurus nuhtui tutang tarang-tarangan ang toharep ulun aro. Ahku hototurus majar ang lohpou-lohpou sombayang tutang ang Lohpou Pohotala, unuk ulun Yahudi bahutoh hopuhpung. Eam pu'u Ahku nuhtui dolang inon aang tonih benyem.

YOHANES 18:20 ပူးပေါင်းရင်းမြစ်များ

MATEUS 24:26

Amat ulun nuhtui umba'kam, ‘Nohto, Io anai ang ahi ang padang tonih!’ – ara ihkam nokuh anan. Ata'ai amat iro nuhtui, ‘Nohto, Io nyuhuk luwang tahkun ang ohtoi!’ – ara ihkam porocaya.

MATEUS 26:55

Turus Yesus nuhtui umba ulun aro rih, “Kuwoh Ahku tuh ponyilou, nyiring ihkam lombut hawui ngomin podang tutang tohtokkahju ahkan nawan Ahku? Nyinong ondou Ahku mongajar ang Lohpou Pohotala, tutang ihkam eam nawan Ahku!

MATEUS 26:65

Mahka imam hajo rih morutat hahtiu, tutang nuhtui, “Io nohonya Pohotala! Eam usah hino saksi. Ihkam paringoh uras ngonihoh bongon'kam auh-auhoh ijo nohonya Pohotala.

MATEUS 4:23

Ang Galilea, Yesus mongodiling ang sohopus tana tutang majar ang lohpau sombayang. Io mborihta Kabar Hinut, ijo Pohotala ahkan moretah. Tutang Io ka'a ngopios ulun-ulun mondam tutang cacat.

MATEUS 9:35

Kodorih Yesus tulak hokodiling, tahkan ihco lowu ahkan lowu ijo bohkon tutang tahkan ihco dukuh nokuh dukuh ijo bohkon. Io mongajar ang lohpou-lohpou sombayang, tutang momborihta Kabar Hinut tohou koloukuwoh Pohotala moretah kolou Lahca. Io ngopios ulun-ulun ijo ngarot kokaro mahcam ponyahkit tutang cahcat behtiu.

MARKUS 8:32

Honong jelas samasino Yesus monyorihtaoh hal orih ahkan murid-murid-Oh. Mahka Petrus nguhut Yesus nokuh saro, hawui ningak Io.

LUKAS 21:37

Yesus majar ang Lohpou Tuhan ang tohun ondou, tutang ngolomi ondouoh, Io hihkas ahkan Puruk Zaitun tutang mohcon ang anan.

LUKAS 4:15

Io majar ang lohpou sombayang, tutang paring ulun monara Io.

YOHANES 18:21

Jadi ombai Tuan ngisok Ahku? Ngisokrih iro ijo jari ngonihoh Ahku majaroh. Musti iro ta'an inon ijo jari Ahku nuhtuioh.’’

YOHANES 6:59

Paringoh tuh tonuhtui bain Yesus, kotihka Io majar ang lohpou sombayang ang Kapernaum.

YOHANES 7:14

Tohun-tohun rahat pesta, Yesus nyolong nokuh Lohpou Tuhan, turus nopara majar ulun.

YOHANES 7:26

Nohtorih Io nuhtui umba kohandak-Oh ang tohimo ulun aro, tutang eam aro ijo nuhtui ino-inon umba Io! Inonrih pongowasa-pongowasa'ndo puna jari borondong ijo Io tuh Lahca Ponyolamat?

YOHANES 7:28

Pongohuli rahat Yesus majar ang luwang Lohpou Tuhan, Io na'ah umba auh ijo muhing, ‘‘Jadi ihkam ta'an iai Ahku tuh, tutang tahkan umoh asar-Ku? Ahku eam lombut ngosan konohuang-Ku bongok. Ahku tonyuhu bain Io ijo bohak nyuhu Ahku, tutang Io dahpot tomorocaya. Tahpi ihkam eam ngosono Io.

YOHANES 7:4

Eam aro ulun ijo ahkan monyuhukoh inon ijo io nguaioh, amat io jolik monjadi botarung. Amat Ihko nguanoh hal-hal koloutuh, sohapus kolunon harus ta'an!’’ (

YOHANES 8:2

Ang hawun ondouoh homboh ngohkos, Io hihkas hino nokuh Lohpou Tuhan, tutang aro ulun lombut nokuh Io. Yesus tuot turus nopara majar ulun aro.

YOHANES 8:26

Magun aro hal tohou ihkam ijo kani Ahku nuhtuioh tutang mosaraoh. Tahpi Io ijo nguhtus Ahku dahpot tomorocaya. Tutang Ahku momborihta ahkan kolunon, inon ijo Ahku ngonih tahkan Io.’’

KESAH RASUL-RASUL 26:26

Baginda Agripa bongoi ngota'an tu'u ahkan hal-hal orih. Orih kotuluioh ahku bohanyi pander ang toharep Baginda hapan turus-tarang. Ahku yakin, eam ihco ka tahkan hal-hal orih, ijo jaha ngota'an bain Baginda, tului paringoh rih eam nyolung ang unuk-unuk ijo bosuhuk.