YOHANES 17:6 - BOWOT BOHUA

⁶ Ahku jari pokosonorih Amai ahkan ulun-ulun tahkan kolunon tuh, ijo jari Amai nongaoh ahkak-Ku. Iro anairih ain Amai, tutang Amai jari nongaoh iro ahkak-Ku. Iro jari numbunoh auh Amai.

YOHANES 17:6 ပူးပေါင်းရင်းမြစ်များ

YOHANES 1:18

Eam aro ijo pu'u nohto Pohotala bohkonumba anak tukan Amai, ijo sama umba Amai tutang lehket sino umba Io. Iorih ijo ngorinah Amai ahkan ihto.

YOHANES 12:28

O Amai pohajoohrih aran Aim!’’ Mahka konahan auh tahkan langit nuhtui, ‘‘Ahku jari mopohajo-Oh, tutang Ahku ahkan mopohajo-Oh hino.’’

YOHANES 15:19

Jahkaioh ihkam puna ain kolunon, ihkam ahkan tonokasih bain kolunon rih kolou puna aiuoh. Tahpi Ahku jari ngopili ihkam tahkan kolunon tuh, jadi ihkam eam hino punaain kolunon. Orihrih kotuluioh kolunon ngohiri ihkam.

YOHANES 15:3

Ihkam jari borasih tului ajaran ijo Ahku nongaoh ahkan'kam.

YOHANES 15:7

Amatmira ihkam tohtap hihco honong Ahku, tutang ajaran-Ku mohcon aang ahtoi'kam, nyawotrih umba Amai, inon iou ijo ihkam kani; sawot'kam rih ahkan tononga.

YOHANES 17:12

Ang ohkot Ahku magun hihco umba iro, Ahku jari mohaga iro umba kowasa aran Amai – aran ijo Amai nongaoh ahkak-Ku. Ahku jari mohaga iro tutang eam ihcobehti ka tahkan iro nihou, kocoali io ijo puna jari kopahtutoh nihou; mangat honong orih nyolungrih inon ijo tonyurat a'ang Surat Borasih.

YOHANES 17:14

Ahku jari nyiaroh ahkan iro auh Amai, tutang kolunon bosingi umba iro, tului iro eam ain kolunon, sama kolou Ahku ka'a eam ain kolunon.

YOHANES 17:16

Sama haloh, kolou Ahku eam ain kolunon, iro ka eam ain kolunon.

YOHANES 17:2

Amai jari nonga kowasa ngosan sohopus ukup kolunon ahkan Anak, mangat Io nonga pombolum sojahti tutang kototahiu, ahkan paring ulun ijo Amai nongarih ahkai-Oh.

YOHANES 17:24

Amai, Ahku jolik mangat iro, ijo Amai nongaoh ahkak-Ku, anai hihco Ahku ang unuk Ahku anai, mangat iro nohto kohajon aik-Ku; iorih kohajon ijo Amai nongaoh ahkak-Ku, kotului Amai ngasih Ahku sounumba kolunon tuh tona'oi.

YOHANES 17:26

Ahku jari ngorinah aran Amai ahkan iro; tutang Ahku ahkan toturus nguai kodorih, mangat kasih Amai ahkak-Ku tohtap ang luwang ahtoi iro tutang Ahku hihco umba iro.’’

YOHANES 17:7

Uhuntuh iro ta'an ijo paring ijo Amai nongaoh ahkak-Ku, asaroh tahkan Amai.

YOHANES 18:9

Honong nuhtui kolou orih nyolung inon ijo jari tonuhtui Yesus sounumbaoh: ‘‘Amai, tahkan ulun-ulun ijo Amai nongaoh ahkak-Ku, eam ihcobehti ka ijo nihou.’’)

YOHANES 6:37

Paring ulun ijo tononga Amai ahkak-Ku ahkan lombut nokuh Ahku. Ahku eam ahkan nulak iai ka ijo lombut nokuh Ahku.

YOHANES 6:39

Tutang tuh rih konohuang Aiu ijo nyuhu Ahku: mangat tahkan paring ulun ijo tononga ahkak-Ku, eam 'cobehti ka nihou; tahpi mangat Ahku ngombolum iro ang Ondou Kiamat.

YOHANES 8:51

Kotu'ui morong auh-Ku tuh, ulun ijo numbun auh-Ku kototahiu io eam ahkan mahtoi.’’

YOHANES 8:52

Turus ulun-ulun Yahudi rih, nuhtui umba Yesus, ‘‘Huntuh ihkai ta'an Ihko tu'u-tu'u sonorupang sehtan! Abraham bongoi jari mahtoi, kodorih ka'a paring nabi-nabi. Tahpi Ihko nuhtui, ‘Ulun ijo numbun auh-Ku, kototahiuoh eam ahkan mahtoi.’

KESAH RASUL-RASUL 13:48

Ang ohkot ulun-ulun uhtus bohkon ijo eam Yahudi ngonih orih, iro jorih ahtoi samasino, turus monara-nara auh Tuhan. Tutang ulun-ulun ijo jari konahtuh bain Pohotala ahkan norima pombolum sojahti tutang kototahiu, ulun-ulun rih porocaya.

RUMA 11:2

Eam! Pohotala eam dian ukup Aiu ijo jari tongopili-Oh tahkan topahtuk. Konduang-konduang kota'an inon ijo tonyurat a'ang Surat Borasih tohou Elia, kotihka io ngadu soal Israel umba Pohotala. Elia nuhtui,

2 KORINTUS 4:6

Pohotala ijo nuhtui, ‘‘Kohondakoh tahkan luwang kopindong lombut koloang,’’ Pohotala orihrih ka'a ijo polombut koloang rih ang luwang ahtoi ihto, mangat tirukihtung ihto monjadi boloang tutang duon ngosono korolondang Pohotala ijo monyingah aang boun Kristus.

KOLOSE 3:16

Hondakrih ajar-ajar Kristus ijo tuwi borehkat nyorap ahkan luwang ahtoi'kam. Hondakrih ihkam saling majar tutang saling nonga tingak sokopihtar soduondahpot. Monyanyioh rih masmur tutang tara-tara hawui lagu-lagu rohani; monyanyi iou ahkan Pohotala, honong nanyam norimakasih ang luwang ahtoi'kam.

2 TIMOTEUS 1:13

Nutut iou umba tu'u-tu'u ajaran morong ijo jari ahku nonga ahkan'mu. Tutang pios ihko tahtap nambit koporocaya tutang kasih ijo monjadi ain ihto tului hihco umba Kristus Yesus.

IBRANI 2:12

Yesus pander umba Pohotala, ‘‘Ahku ahkan mborihtaoh ahkan konduang-konduang-Ku tohou Ihko. Ahku ahkan monara Ihko ang a'ang puhpung iro.’’

IBRANI 3:6

Tahpi Kristus bokehtep kolou Anak, ijo botanggung-jawab ngosan Lohpou Pohotala. Tutang ihto tuhrih Lohpou Pohotala, amat ihto tahtap bosomangat tutang tahtap yakin ahkan ngondahpot inon ijo ihto harapoh.

1 PETRUS 1:1

Konduang-konduang ukup ponitih Pohotala, ijo bororawu ang ponomuoi ang tana Pontus. Galatia, Kapadokia, Asia tutang Bitinia! Ahku Petrus rasul Yesus Kristus, moharap, keleh Pohotala nonga berkat tutang kosanang ahkan'mu nyiring momujar-mujar. Ihkam ponitih monjadi ukup Pohotala, tohorong umba rancana Pohotala, Amai. Tutang Roh Pohotala jari monjodian ihkam ukup ijo borasih, khusus ahkan Pohotala, mangat ihkam te'et umba Kristus tutang tonomuhi bain daha-Oh.

1 YOHANES 5:20

Ihto ta'an ijo Anak Pohotala jari lombut, tutang jari nongaoh kohorahti ahkan ihto, mangat ihto kosono Pohotala ijo morong. Ihto bolum hihco umba Pohotala ijo morong, tutang bolum hihco umba Anak-Oh Yesus Kristus. Tuhrih Pohotala ijo morong, tutang tuhrih pombolum ijo sojahti tutang kototahiu.

PONGORINAH 2:13

Ahku ta'an ang umoh ihkam mohcon, io-rih ang unuk sehtan bopododusan. Ihkam te'et umba Ahku. Malah kotihka Antipas, saksi aik-Ku ijo te'et rih, tomunu ang toharep ihkam ang luwang markas Sehtan, ihkam eam ngulim ijo ihkam porocaya umba Ahku.

PONGORINAH 3:10

Bain kotului ihkam jari numbun poretah-poretah-Ku mangat bokehtep, Ahku ka ahkan ngolindung ihkam tahkan wayah kosusah, ijo ahkan nopahas sohopus kolunon. Hal orih ahkan nyolung unuk nikos paring ulun ang tana.

PONGORINAH 3:8

Ahku kota'an inon ijo ihkam nguai. Ahku kota'an ijo ihkam eam popira koba'as; ihkam, jari numbun ajar-Ku, tutang tehen umba Ahku. Bagin ihkam jari Ahku nguap ihco bauntukang, ijo eam dahpot tongahtop bain iai ka ka'a.